Quận 7 nan lac labik akaok mereip peih ngak iek bruk padang balai y tế nao mai di dom labik y tế tư nhân piah sanar daong ka F0. Bác sĩ Trịnh Minh Hòa - Phòng khám Đa khoa Bei Gon Tân Thuận brei thau, meng di tuk padang balai y tế di Khu Chế xuất Tân Thuận, urang ngak hu pasang iek ruak, tacei jalan taong ruak samar saong lagaih jang.  Bác sĩ Hòa brei thau:

"Tuk mboh F0 meyah urang ruak hu klauk blaoh vaccine  2 mbang saong oh mboh triệu chứng hagait meda brei daok karei di sang. Meyah hu triệu chứng ye tui hatai caong khin di urang ruak meda ba nao brei daok pa-atah pataom sa labik. Sa kapul di balai y tế lưu động khaol dahlak hu 4 urang, sa bác sĩ saong 3 điều dưỡng salih gauk harei melamngak bruk gam gam yau nan ".

Tui Dược sĩ Nguyễn Tuấn Anh – urang ngak di Jabat Y tế quận 7, TP.HCM, bruk tui iek F0 lac bruk di balai y tế phường, min ngan haong manuac ngak meng 4-5 urang sa balai, gam ngak bruk pacang caga jit ruak, gam ngak 13-18 danak dak y tế karei ngak ka y tế phường daok tapa prein ngak bruk. Kayua yau nan ye urang pan akaok quận 7 caong khin y tế tư nhân meda jeng hu mbaok dalam bruk brei panuac tacei jalan taong ruak, pasang iek ruak, khik iek F0, brei jru ka bhap bani. Quận 7 urak ini hu 21 balai y tế nao mai daok ngak bruk, dalam nan hu 12 phòng khám đa khoa saong 1 sang iek ruak hu mbaok tame mong iek, taong ruak F0. Quận meda brei padang pabak dom balai y tế nao mai meng dom labik y tế tư nhân piah mong iek ruak ka urang njauk COVID-19. Ong Nguyễn Tuấn Anh brei thau:

"Dalam adit ini, quận meda padang pabak 20 balai y tế nao mai tra, pambak tame dom phòng khám tư nhân di dom bác sĩ dalam quận, jak ba hu 57 bác sĩ, meda ba trun ka 10 phường, gam haong dom urang halar hatian di Hội Chữ thập đỏ, ban ngành kapul nyaom di phường. Yau nan quận 7 meda hu abih tih 41 balai y tế nao mai".

TPHCM urak ini hu labaih 70.000 F0 daok taong ruak pak sang saong dom labik daok; jaik 20.000 urang ruak taong ruak dalam dom jabat y tế. Piah khik iek, tui mong saong taong ruak ka dom urang ruak ini, ban raya dok pambak tame kapul urang y tế karja ngan haong 9.000 bác sĩ saong labaih 19.600 điều dưỡng. Min kapul urang y tế karja langiu di bruk pacang caga jit COVID-19, daok hu bruk mong iek pren yava ka bhap bani. Dalam tuk nan, ban raya urak ini hu 64 sang iek ruak tư nhân, 215 duk iek ruak đa khoa saong labaih 6.220 duk iek ruak chuyên khoa. Meyah dom urang ini hu mbaok tame mong iek saong taong ruak ka urang njauk COVID-19 meda rik daong oh sit tame bruk patagok siam mekre  bruk pacang caga jit.

Tui dom chuyên gia, bruk pandar urang y tế tư nhân gam hu ilamu, gam hu labik iek ruak lac bruk biak lagaih. Min urak ini y tế cơ sở oh ka hu mbang tui sarak daong ka nyu laghaih, dalam tuk dom urang ini njauk ngak gam rilo bruk dalam tukvak jit ruak dui atah. Kayua yau nan ye, njauk patagok tanut daong mbang tui sarak piah ka dom urang ini daok ngak siam bruk khik ramik, tui iek F0./.

Urang lang: Jasi -17/12/2022