Bhap bini halain hatain hu mbaok tame, khik iek "bhum hijao"

Meng di tuk Khu phố 3, Phường 5, quận Gò Vấp tut angan padang “Khu phố salamat”, bhap bini daok pak ni mboh sahanang hatai jang haong bruk pasang iek, pacang caga jit Covid-19 di khu phố drei daok. Kayua 11 jalan hẽm dalam khu phố hu pacang veik abih 2 akaok, tuk halei jeng hu kapul urang halain halain hu mbaok, khik iek biak catang, oh brei urang labik karei atau shiper tame labik bhap bini daok. Ong Nguyễn Quang Cường (umo 56 thun) lac sa urang daok di Khu phố 3, Phường 5, quận Gò Vấp brei thau, tuk camriep rilo urang mboh oh takre kayua nao mai oh hu, min lavik lavik harei, urang mboh bhian randap saong mboh siam lagaih nan ye biak pachreih tui:“Dahlak mboh salamat tuk hu daok dalam bhum hijao kayua pasang iek hu manuac tame tabiak, pacang caga hu jit ruak njom pambak. Bhap bini jia lac ban raya meda padam hu jit ruak aval abih, nan ye biak pachreih tui bruk khik caga bhum hijao.”

Phường 3, quận Gò Vấp bhian lac pasak jit praong saong kan kandah abih di ban raya HCM, lac labik tamuh ruak camriep abih di kapul truyền giáo Phục hưng. Meng kham marat di abih hệ thống chính trị, urak ni dalam phường oh daok labik pacang veik. Bhap bini thau padang dom “paga pacang khang kajap”, khang hatai khik caga dom jak jeng di bruk pacang caga jit di pak ni, lac daong khik bhum hijao, bhum oh daok urang halei njom ruak dalam rahra. Ong Ngô Xuân Bình – akaok UB bhap binoi Phường 3, quận Gò Vấp brei thau, dom gah  hu mbaok tame khik caga bhum hijao ngak bruk biak siam lagaih, ba mai bruk njauk gauk di karja saong bhap bini:“Meda lac abih dom jalan hẽm dalam phường jeng tut angan, tauk haroh “khik caga bhum hijao. Tal urak ni hu labaih 300 urang halain hatain hu mbaok tame khik caga bhum oh hu jit, ka oh kuhria kapul Covid-19 dalam rahra. Urak ni khol dahlak hu klauk jru ka taong abih bhap bini di 29 tổ dân phố. Jalan ngak lac khik kajap, oh caik tamuh tabiak dom F0, F1 dalam rahra”.

Di ban Thủ Đức, labaih 600 bruk “Khu phố/Tổ dân phố salamat, oh daok Covid” jeng hu dom phường pasang iek, padang hu rilo bhum salamat khang kajap. Piah ka bruk khik caga bhum hijao hu siam lagaih, Công an ban Thủ Đức bhian peih bruk pasang iek, ieu kakei pabak veik atau yahh klaak dom bilai bhum hijao ngak meng ngak, oh hu manuac khik iek. UB bhap bini dom phường ba tabiak dom adat ngak bruk, adat ngak cambaih laih di dom bilai khik iek, padang kapul eng drei khik iek saong brei urang halain hatain khik iek.

Daok di dom labik pandiak Covid-19, ban Thủ Đức hu jalan ngak karei piah jhul kadun likuk jit ruak, meng nan padang bhum hijao. Jalan ngak lac peih ngak tui 5 yam, nan lac: duah bhum mbuan njom ruak glaong, pacang veik labik, dut iek ruak; duah F0 ba nao taong ruak; klauk jru caga saong padang bhum hijao, khik tani tanat raidiuk ka rahra. Min, tui ong Hoàng Tùng, akaok UB bhap bini ban Thủ Đức,  dom kham marat piah jayah jit ruak jeng lac meng gah bhap bini:“Bhap bini hu makna praong abih, gam ba tangin tamepasang iek jit ruak dalam rahra, dalam dom labik sit, sa tổ dân phố, sa jalan hẽm. Lingiu di bruk ba gauk khik caga bhap bini, daok ba gauk ngak dom bruk hu makna biak praong, nan lac daong ba gauk. Piah ka khol drei ba gauk  yam tapa tukvak kan kandah ni”.

Hu tuk ban raya HCM hu labaih 4.000 labik njauk pacang veik, brei daok karei kayua hu pambuak tal dom urang njom Covid-19.  Pambak tame tukvak ameh peih bruk paatah di gauk tui sarak 16 di Thủ tướng rajaei, dom bhum bhong di mangaok bản đồ jit ruak Covid-19 di ban raya daok hu hijao veik saong daok hu peih praong jang. “Khik caga bhum hijao” lac bruk bo karja saong bhap bini ban raya HCM daok kham marat ba gauk ngak piah pacang cakak, jhul kadhun likuk jit ruak Covid-19./.

Urang lang: Thu Thảo – 23/08