Pathau mikva saong taong abih gauk!

Hadei di 5 thun kham merat padang ngak palei pala barau, 3 bilan dahlau ban sit Ngã Bảy, tỉnh Hậu Giang hadah mbaok meta taduan hu quyết định di thủ tướng rajaei pok brei angan lac mek hu tanut chuẩn palei pala barau. Ini lac huyện akaok meti di tỉnh Hậu Giang jeng lac  pakat huyện akaok meti di bhum taneran kraong Cửu Long hu thủ tướng rajaei brei angan lac mek hu chuẩn palei pala barau. Thun bahrau jaik tal mai, daa mikva saong taong abih gauk mai rivang bhum palei hu 7 canah kraong piah mboh dom salih barau di bhum taneh ini tapa kadha vak di Tấn Phong – urang vak di rayo sap ndom VN daok di bhum taneran kraong Cửu Long.

5 thun dahlau, tuk ba tangin tame padang ngak palei pala barau, ban sit Nga4Bay3 hu 3 xã peih ngak nan lac Đại Thành, Tân Thành saong Hiệp Lợi, dalam nan, Đại Thành lac xã điểm di tỉnh. Meng dom harei camereip, gam saong bruk pasang iek veik cambaih laih bruk di yaok xã piah hu jalan ngak ka nyu njauk, urang dang akaok ban sit Ngã Bảy hu ba tabiak dom jalan ngak cambaih laih, abih di nyu nan lac parabha bruk ka yaok urang dang akaok ban sit tui iek dom puk palei, tacei jalan saong pachreih ba dom puk palei peih ngak. Taphia di nan, dalam yaok tukvak peih ngak hu sơ kết saong taong yaom cambaih laih piah samar pasiam, pabak ka lagaih. Meng yaom jien buh tame ngak abih tih jaik 848 tỷ đồng, dalam nan jien meng kadung jien karja tok hu 33%, daok veik lac jien mesraiy, jien rik daong di doanh nghiệp saong bhap bini, dalam nan bhap bini rik tame jaik 30%, ban sit Ngã Bảy ngak hu bloh cơ sở hạ tầng palei pala di dom xã yau điện, jalan, sang bac, balai iek ruak, sang ilamu palei, taphia di nan jak ba bhap bini ba tangin tame padang môi trường hadah, hijao, hacih, siam… Ông Nguyễn Liên Khoa- dahlau daih ngak phaok akaok Uỷ ban bhap bini tỉnh Hậu Giang brei thau: 

 “Bruk praong nan lac peih ngak di Ngã Bảy biak tani tanat. Drei thau pagam pabak pagam tame bhap bini, tame đảng bộ, tame cơ sở, abih di nyu nan lac bhap bini nan ye tuk peih ngak hui bhap bini pachreih tui biak glaong saong bruk ini hu daong ka drei samar ngak salah dom tanut palei pala barau di ban sit Ngã Bảy”.

Thau lac padang ngak palei pala barau piah daong paglaong rai diuk mbang ngui daok dang di bhap bini palei pala nan ye dalam peih ngak dom tanut patagok kinh tế, XH, rai diuk mbang ngui daok dang di bhap bini, ban sit Ngã Bảy biak sangka  patagok bruk ngak nông tui jalan bahrau piah paglaong yaom jien mek tame di bhap bini. Taphia bruk  pandar jamriah meng ngak taneh tal thu hoạch piah daong patrun pren ngak, patrun kan kandah tuk duah pah urang ngak tuk tame bilan ngak ralo, patak pataom phun jien, patrun ô nhiễm môi trường palei pala, urang dang akaok ban sit daok tacei pato dom gah hữu quan iek tui bruk di puk palei piah padang bhum sản xuất praong, ba ilamu kỹ thuật tame bruk ngak mbang, padang bruk sản xuất điểm piah meng nan pambak praong. Meng ngak siam bruk quy hoạch saong dom sarak daong ba bo jien mek tame di bhap bini labik ini oh padeih patagok. Urak ini bhap bini daok di ban sit Ngã Bảy hu jien mek tame labaih 45 triệu đồng sa thun, ralo jang 4 mbang duk saong 5 thun dahlau. Dalam nan, bhap bini palei pala hu jien mek tame jaik 32 triệu đồng sa urang sa thun. Ong Lư Văn Mừng daok di palei Đông An A, xã Đại Thành, ban sit Ngã Bảy khan lac:

 “Duk saong ngak padai dahlau deih nyu ralo jang 30 mbang, oh lac 20 mbang. Dahlau deih 15 công ini dahlak yuak pablei hu meng 45 tal 50 triệu min urak ini meyah 15 công ini pablei abih hu jien tỷ sa thn. Rai diuk mikva thei jeng ginup abih, oh daok kan kathaot yau dahlau daih”.

Urak ini Thị ủy Ngã Bảy hu ba tabiak 2 sarak chuyên đề: nan lac sarak paglaong tanut xã palei pala barau saong phường văn minh đô thị, saong sarak salih barau kinh tế pambuak bruk dalam gah ngak nông. Tui nan, 3 xã palei pala barau daok brei peih bruk paglaong dom tanut. Daok  3 phường yaom lac oh njauk lac palei pala min piah khik ka nyu samu gauk bruk padang ngak palei pala barau, pakat ủy tacei pato 3 phường paglaong dom tanut phường văn minh đô thị. Taphia di nan, daok brei salih janih phun pala, athur raong di dom xã, saong salih barau, paglaong kein laba dalam bruk ngak di dom tổ pambuak bruk jeng yauHTX ngak nông piah padang dom yaom glaong pandap ngak nông piah merak gauk di darak pasar. Ong Nguyễn Thiện Nhơn- Bí thư Thị ủy Ngã Bảy lac:

 “Kol dahlak daok hu dom salih barau dalam bruk paglaong dom tanut xã palei pala barau. Meng bruk bhian pasang iek, pachreih ba, tacei tabiak dom tanut kurang bruk patagok khang kajap ye dom tanut ini kol dahlak biak caik hatai sangka piah ngak yau habar hu tacei pato, peih ngak ka nyu njauk saong mek hu dom bruk tui hatai caong”./.