Bến Tre dalam dom thun 60 nan lac sa tỉnh di bhum taneran kraong Cuu Long, hu klau kaoh pulao daok di kreih dom kraong ia praong sit karei di gauk. Bruk nao mai dalam tỉnh brei tapa dom gaiy gilai biak kan kandah. Lnagiu di nan, Bến Tre daok hu biak rilo đồn bốt: 300 đồn dalam 115 xã. Tuk nan, dalam tỉnh hu 600 ribau bhpa bini bo bahrau hu 18 chi bộ ngan saong 162 urang đảng. Oh ka sumu họp Tỉnh ủy, tok sa Tỉnh ủy vi ên brei bruk iek kaoh pulao Minh saong dom urang jakar quận ủy Mỏ Cày, Thạnh Phú họp meng harei 1 tal harei 3 bilan 1 thun 1960, di sang sa-ai Bảy Tốt palei Tân Hòa, xã Tân Trung, huyện Mỏ Cày peih ngak  Sarak 15 di Trung ương, njauk gauk taduan trách nhiệm anak tỉnh ủy saong khang hatai peih tabiak sa adit abih bhap bini Đồng Khởi, camerep di kaoh pulao Minh’

Dahlau di Đồng Khởi dua harei, ông Bảy Tranh - Huyện ủy viên Mỏ Cày njauk kol khamang chap mek dalam rup hu sa baoh patuh khut saong dom harak tài liệu karei karei. Thei jeng huac lac bruk Đồng Khởi kol nyu thau min ong Bảy Tranh oh brei kol nyu thau hagait saong anh dũng ndih trun. Đồng Khởi peih tabiak meng 4 tuk biar harei 17 bilan 1 thun 1960 tui jalan ngak lac, tui bruk di yaok labik bo pachot kol khamang tabiak gah langiu bloh chap nyu, mek phao. Amuk Nguyễn Thị Định tuk nan ngak Bí thư Tỉnh ủy, pan kaok bruk Đồng Khởi. Hadei sa adit peih tabiak, bol bala saong bhap bini Bến Tre ngak ka 20 đồn bốt taduan lah, mek hu yaok rituh mbaik phao. Dom kol ác ôn njauk pametai, daok kol Tề, Ngụy ralo meng tabiak đầu hàng taduan lah, dom labik ngak bruk kandauk di kol nyu njauk palai tayah…Gah cách mạng mek hamu parabha ka dom baoh sang kan kathaot.

Mek hu kein laba chip, nan ye bhap bini biak ot tanaot, bui sambai. Mbaok meta palei pala hu salih birau. Tui nan, gah cách mạng brei peih bruk Đồng Khởi mbang 2 harei 23 bilan 9 thun 1960, njauk di tuk pahadar Nam bộ kháng chiến, di dom tỉnh jaik taphia Bến Tre. Bruk Đồng Khởi pambak tabiak tal dom tỉnh Nam bộ, blaoh tal abih gah meraong, peih tabiak jalan tabiak rai di Mặt trận bangsa peih paha gah mewraong, ieu pataom dom lực lượng anit ranam taneh ia ala hala dok Mặt trận (lac hala dok meteh hijao meteh bhong, kreh hu patuk katam kanyik), jhul khang bruk mesruh metak taong Mỹ daong taneh tal tuk mek hu jayak.

Kapul urang lin mbuk atah tabiak rai dalam bruk Đồng Khởi Bến Tre hu maong lac sa lực lượng praong di bruk mesruh metak chinh trị saong binh vận. Pataom iek veik bruk Đồng Khởi thun 1960, hu labaih 9 triệu mbang bol bhap broh tagok, 1 triệu mbang urang kumei tame đấu tranh tapak pambuak saong bruk pan phao karaong mesruh metak ngak tayak tayaic labaih 20 ribau  lin Việt Nam Cộng hòa. 

Đại tướng Võ Nguyên Giáp taong yaom glaong bruk Đồng Khởi sa jarah dakrai: “Sa-ai Ba Định saong bhap bini saong Đảng bộ Bến Tre dang tagok dalam dom thun ác liệt di abih. Sa-ai kiên cường bất khuất, lac urang kumei hu mbaok tame pan akaok ba jalan bruk Đồng Khởi danei angan di Bến Tre. Jeng dalam tuk nan  hu bruk đấu tranh biak gheih, biak birau anak bruk khủng bố khang lac padang hu kapul urang lin mbuk atah, pambuak bruk chính trị, quận sự, binh vận, ngak tayah âm mưu di kol khamang, khik caga hu siam ka bhap bini, khik hu drap ar, quyền lợi di bhap bini. Kol khamang padang đồn bốt labik ini, labik diah min tuk bo hatai bhap bini nao tui Wa Ho ye ngak hu taong abih. Ini lac sa jalan ngak, sa ilamu gheih jak ba taong abih bhap bini, likei, kumei, uranaih, taong abih jeng hu mbaok tame./.