Uan raok Chôl Chnam Thmây thun ini, labaih 1 triệu 200 ribau bhap bini Khmer di Bhum taneran kraong Cửu Long hu gilac sa bilan tết trei sil. Hu dom baoh sang bahrau, hu njauk padai, njauk njam patam, rai diuk mbang ngui daok dang di bhap bani daok hu patagok, thei thei jeng chreih chai bui sambai uan raok Tết meng kan di bangsa. Kadha vak di tỉnh Trà Vinh saong Sóc Trăng, dua labik hu ralo bhap bani Khmer di abih bhum taneran.

Di xã Châu Điền, huyện Cầu Kè – sa puk palei hu ralo bhap bani Khmer, 08 thun dahlau baoh sang kathaot di xã hu jaik 40% saong jeng hu du nan baoh sang 167 hu karja daong. Min tal bilan tết chôl chnăm thmây thun ini, mbaok meta palei pala labik ini hu salih bahrau bo jaik abih baoh sang 167 dahlau diah jeng hu padang ngak siam mekre jang. Hu yau nan meng hu hệ thống thủy lợi khép kín, jalan mbak nao mai siam lagaih gam haong bruk kham merat di karja palei, saong bruk kham merat yam tagok di yaok baoh sang labik ini. Sang sa-ai Thạch Sóc dahlau deih lac sang kathaot, hu karja daong baoh sang min urak ini sang sa-ai hu tabiak truh kan kathaot saong hu jien ngak pasiam baoh sang labaih 200 triệu đồng, khan lac: “Tuk habrau khin kumei tok thau nao ngak apah, hadei di nan salih tapa pala amariak saong ngak mbang pah tra. Bloh hu karja daong ngak sang saong baoh sang ini hu dahlak pasiam veik meng jien pala amaraik, 3 thun meng hu yau nan”.

Tui UB bhap bani xã Châu Điền, thun bloh xã patagok hu labaih 500 baoh sang kathaot, dalam nan hu 453 baoh sang urang bangsa meng bruk salih janih phun pala, dalam nan ralo meng lac phun amaraik saong njam patam. Urak ini Châu Điền daok hu 11,5% baoh sang kathaot saong kham merat tal puac thun ini trun daok 7% piah mek hu tiêu chí palei pala bahrau.

Dalam tuk nan di xã Nhị Trường, huyện Cầu Ngang – labik hu labaih 80% bhap bani Khmer, bruk uan raok tết Chôl chnăm thmây dak chreih chrai jang. Kayua lac meng tangeiy tal ratak jeng njauk, jeng hu yaom saong hu labik blei abih. Tui yaom 6.300 đ sa kg tangeiy thu yau urak ini, urang nong laba hu meng 30 tal 40 triệu đồng sa ha hadei di labaih 3 bilan pala. Daok dom urang kurang taneh pala drak jeng duah hu bruk ngak dalam palei di drei meng bruk tagok ro, juak takai, paik baoh… saong yaom jien meng 100 ribau đồng tal 150 ribau đồng sa harei nan ye bruk kuhria caga ka harei tết hu siam mekre jang. Sa-ai Thạch Sa Ron – Akaok kapul urang nong ấp Tụa, xã Nhị Trường lac: “Dahlau diah ấp tụa ngak padai sa 1 vụ kayua oh hu aia, hadei nan salih meng padai tapa tangeiy, rai diuk di mikva jeng hu salih bahrau. Thun ini, mikva bui sambai lô kayua padai hu năng suất glaong, daok tangeiy jeng njauk. Nan ye mikva caga mbang tết chôl chnăm biak prong”.

Tok dalam thun 2014, tỉnh Trà Vinh buh tabiak labaih 800 tỷ đồng piah daong tapak ka labaih 36 ribau baoh sang kathaot daok dalam bhum kan kandah di tỉnh piah ba brei taneh daok, taneh pala drak saong pato ba bruk ngak; padang ngak bahrau saong pasiam veik 50 công trình giao thông nao mai dalam palei, pato bruk ngak… Meng yaom jien daong nan gam haong bruk salih janih phun pala hu ngak jeng mbaok meta bahrau dalam bhum palei, abih di nyu nan lac pak bhum taneh cuah labik hu ralo bhap bani Khmer daok. Tuk ndom tal rai diuk bhap bani Khmer, ong Kim Hồng Danh, Phaok akaok Ban bangsa tỉnh Trà Vinh brei thau: “Mai meng dom danak dak, dự án ini pambak biak khang tal bhap bani bangsa takik, abih di nyu lac bhap bani Khmer. Nan ye chôl chnăm thâmy thun ini mikva biak chreih chrai, meng baha tal phum sóc sang halei jeng uan raok tết dalam dom harei 14.15 saong 16 tal”.

Daok pak Sóc Trăng kuhria tal urak ini, dalam tỉnh hu đầu tư ka 137 xã saong 170 ấp biak kan kandah, ngan haong phun jien labaih 744 tỷ đồng meng danak dak 135 piah cak rok patagok kinh tế - xã hội. Tui nan tỉnh jeng hu peih ngak labaih 1.200 công trình giao thông palei pala, thủy lợi, điện truac hadah, aia pandar, sang bac, balai y tế... Taphia di nan lac dom danak dak karei hu peih ngak samu haong gauk yau danak dak daong taneh daok, taneh pala drak, sang daok, phun jien, anek pajaih, phun pajaih… ka bhap bani Khmer cak rok patagok bruk ngak mbang, meng nan hu daong ka ralo baoh sang Khmer tapa truh kan kathaot, yam tagok ngak kaya meda.

Meng dom phun jien buh tame ka bhap bani bangsa takik patagok, yau phun jien meng danak dak 135, Gilang pariak sarak karja saong dom dự án karei di rajaei, atau bahrau di abih lac danak dak bruk ngak negar padang ngak palei pala bahrau, ralo mikva Khmer dalam xã Đại Tâm hu thau dom mô hình ngak mbang, raong glang ba mai ralo kein laba. Ong Lý Phương, sa dalam dom baoh sang hu daong limo aia tasau yam tagok grap tanat rai diuk khan lac: Raong limo aia tasau dahlak mboh sang dahlak ginup meda jang dahlau. Urak ini sa harei laba hu labaih 200 ribau đồng. Langiu di nan anek bhik di dahlak raong limo jeng hu ginup meda. Chol chnam Thmay thun ini bui sambai jang dom thun dahlau kayua hu labaih jien, salao lisei paling amuk akei jeng hu siam jang.

Urak ini sang kathaot di xã Đại Tâm trun daok labaih 12%, bhap bani thei jeng hu điện, aia hacih pandar. Langiu di nan, meng bruk xã mek hu 17/19 tiêu chí ka palei pala bahrau, cơ sở hạ tầng jeng pabak hu bruk ngak mbang pala drak, cak rok patagok kinh tế saong rai diuk di mikva, ralo mô hình ngak mbang ba mai ralo kein laba hu pambak prong. Taphia di nan, manuac daok saoh di palei hu pato bruk ngak, ba brei bruk ngak, daong patrun baoh sang kathaot,… Ong Trần Chín Tâm, Phaok akaok UB bhap bini xã Đại Tâm brei thau: Mong rah tapa rai diuk di mikva hu salih bahrau biak ralo mai meng bruk patagok jalan điện, jalan mbak nao mai, sang bac, balai y tế urak ini biak hu sangka tal. Rai diuk bhap bani urak ini hu ginup meda jang saong Chol chhnam Thmay thun ini mboh rai diuk, sang danaok, pandap panda kaya mbang ka harei tết di mikva mboh siam jang dom thun dahlau.

Sa bilan Chôl Chnăm Thmây tra daok mai veik, yaok baoh sang urang Khmer Nam bộ daok hu kadha bui sambai bahrau – kadha bui sambai pala drak njauk saong puk palei hu salih bahrau, ginup meda. Urak ini mikva oh daok kuhria ka eik lipa, njauk nao ngak pah mbang atah sang bo meda pakacah gauk ngak mbang pala drak, ngak kaya meda pak di palei saong uan raok tết meng kan dalam bui sambai, trei sil./.