Balai y tế xã Phú Lạc, huyện Tuy Phong yaok thun jeng hu dom mbang nao pacang cakak jit ruak dalam xã. Blai ieu pataom mikva puk palei puh ramik hacih sa-at môi trường, pruh jru pametai jamok vir taom dar saong danaok di mikva. Langiu di nan, yaok bilan blai jeng brei urang jakar, urang pambuak bruk y tế puk, palei nao tal yaok baoh sang piah pasang iek, kakei mikva ngak njauktui tacei pato di gah y tế dự phòng, pacang cakak jit ruak. Meng thau pacang cakak jit ruak nan ye tukvak tapa jit ruak di xã rah tabiak takik. Thun bloh, dalam xã tok di hu 2 urang njauk ruak aih caraoh saong 11 urang ruak tangin takai cambuai, oh hu ruak pandiak tabiak drah. Saai Đặng Thị Nền, phaok akaok blai y tế xã Phú Lac brei thau:

 “Vệ sinh môi trường dalam palei pala, bilan hajan ye jah tak kayau patau, pasang iek bruk an toàn vệ sinh thực phẩm, pasang iek dom kuan mbang iek hu đảm bảo vệ sinh thực phẩm halei oh, kuan nan hu ginup tanut an toàn thực phẩm halei oh… di labik ini jeng bhian nao pasang iek, pambuak bruk saong UB yaok thun; jeng yau yaok bilan hu dom urang pambuak bruk nao tal sang bhap bini piah pathau khan; atau brei băng pathau khan, papar sap di dom tuk tabung glaong”.

Meyah dahlau daih, bhap bini Chăm daok di palei Lâm Thuận, xã Hàm Phú, huyện Hàm Thuận Bắc takik caik hatai tal bruk ba uranaih nao klauk pacang cakak dom janih jit ruak ye urak ini urang eng drei thau ba anek nao klauk jru. Gam saong nan, mikva jeng sangka jang tal bruk iek glang pren yava ka abih gauk dalam sang, thau rami ramik siam mekre, hacih sa-at var ro saong môi trường nan ye hu takik jit ruak. Dalam tukvak ini, bruk pacang cakak jit ruak di puk palei daok hu patagok, oh hu urang halei njauk ruak cúm AH5N1, H7N9, sởi…Saai Thông Minh Luận daok di palei Lâm Thuận, xã Hàm Phú, huyện Hàm Thuận Bắc tỉnh Bình Thuận lac :

“Sap Chăm”

Meng thau pacang cakak dom janih jit ruak dalam bilan pandiak, bo meng akaok thun tal ini, gam saong ngak siam bruk iek glang pren yava, nan ye jit ruak di bhum urang  Chăm tỉnh Bình Thuận hu pacang cakak./.