Meng maong 8, 32 mit, dom tinh, bal peih bruk pahadar karei

Bhap bini, jabat, kapul nyaom … di dalam Ban raya HCM hu pachrieh bruk padam gom, gam peih bruk pahadar bhap bini metai saong urang jakar, urang lin lahik dalam jit praong Covid-19 hu peih tabiak di maong 8 melam ini 19/11. Ini lac tukvak peih bruk pahadar kayua Ủy ban Trung ương MT Negar Việt Nam saong Thành ủy Ban raya HCM pambuak gauk peih tabiak. Bruk pahadar hu peih tabiak di Hội trường Thống Nhất (TPHCM) saong peih online di Ban Thủ Đức haong dom quận huyện meng maong 8 tal maong 8 mateh mela mini. Meng maong 8, 32 mit, dom tinh, bal peih bruk pahadar karei. 

Beir harei kabroi 18/11, Kapul ngak bruk kayua Phó Thủ tướng Vũ Đức Đam pal akaok, hu var ngak bruk song mban tacei jalan pacang caga jit Covid-19 ban raya HCM ka bruk pacang caga jit dalam ban. Brei panuac di var ngak bruk, Phó Thủ tướng Vũ Đức Đam ndom lac, ban raya HCM njauk tong yaom bruk klauk vaccine di dom labik dok; brei dom kapul công an, y tế nao tal yaok jalan, yaok boh sang , yaok menuac urang, pandar ilamu thông tin, jak ba kapul nyaom piah thau hu tong abih dom urang halei oh ka klauk vaccine. Oh kuhria tal dom urang ruak oh ka klauk hu, dok veik kham pathau khan klauk abih ka bhap bini . Taphia di nan. Phó Thủ tướng hu panuac ieu y tế tư nhân, jak ba y bác sĩ padeih hưu baoh tame iek glang song khik iek F0 di sang.

Uan harei Inem mek ilamo Việt Nam (23/11), miuyim sajarah taneh ia pambuak haong Kapul inem mek ilamo Việt Nam saong Sưu tập An Biên peih parang iek ngan saong kadha “Lan am Việt Nam: Sa ilamo meng kan biak karei – Maong meng Sưu tập An Biên” di harei 19/11. Di mbang parang iek (tal abih bilan 12/2021), manuac sia meda hu maong iek jaik 70 pandap lan biak ghieh hu pilih ruah meng paok sưu tập pandap meng kan An Biên saong dom pandap panda di Miuyim Sajarah taneh ia (Hà Nội).

Hadei di 2 thun klaih klaoh kayua jit ruak, dom kapul tuai dunya camereip tal Việt Nam hu par trun mblang kapan haoh dunya Đà Nẵng. Mon 11 melam kabroi, mblang kapan haoh Đà Nẵng taduan kapul tuai du lịch dunya ka 2 tal Việt Nam. Dahlau di nan, harei 17/11, mblang kapan haoh dunya Đà Nẵng hu taduan kapul tuai camereip. Dom tuai ni hu mbang rivang di 5 labik peih pabah mbang ngak iek taduan tuai dunya dalam nan hu Phú Quốc (tỉnh Kiên Giang), Khánh Hòa, Quảng Nam, Đà Nẵng song Quảng Ninh. Dom kapul tuai camereip ni mai meng dom taneh ia Hoa Kỳ, Canada song Hàn Quốc.

Harei ini 19/11, bhap bini di dunya meda hu mboh ia harei luan ia bulan sa binah. Oh yau dom mbang sakheh mek ia bulan dahlau, mbang ini nyu dui atah di abih kuhria dalam 580 thun mai ni. Abih tih tukvak rahtabiak bruk ini lac labaih 3 maong, 28 minit. Di mbang sakheh mek ia bulan ini, ia bilan njauk pacang veik tagok tal 97%, kayua yau nan je nyu dreih yau ia harei luan abih ia bulan. Sakheh mek ia bulan meng 2, 19 minit bier harei (tui maong Hà Nội). ini lac tukvak tuk ia bilan ka oh tagok di taneh ia drei. Kayua yau nan ye, yaom lac ia harei luan ia bulan atah abih dalam abap, rahra Việt Nam tok maong iek hu meneing bruk ini di puac maong bier harei.

Harei 19/11, Hàn Quốc hu urang njom bahrau COVID-19 di tanut labaih 3.000 urang di harei ka 3 gam gam. Rajaei Hàn Quốc urak ini njauk pacang cakak bruk ni, song dak harei dak kurang gaghe ndik ka urang ruak trak, kurang urang ngak y tế. Bruk ni ngak ka gah y tế Hàn Quốc dok kuhria tal bruk brei padeih bruk "duik song COVID-19".

Jit COVID-19 daok njom mbak tame ranaih biak khang dalam dom bilan jaik di ini di Ukraine. Sang iek ruak njom mbak uranaih Kiev, lac sa labik y tế hu 100 manieng ndik piah taong ruak ka ranaih njom COVID-19, hu taduan rilo urang ruak trak dalam mbang tamuh jit bahrau di Ukraine. Mbang tamuh jit urak ini jeng hu dom ranaih metai kayua jit COVID-19 camriep.

Mỹ bahrau ni hu peih veik jalan negar angaok mbaok haluk song jalan kapan haoh ka tuia negar langiu hu klauk pacang Covid-19 ginup meng di labaih 30 taneh ia hadei di 20 bilan peih bruk patrun patakik bruk nao mai. Bruk brei takik nao mai ni bhian hu batabiak meng bilan 3 thun 2020 ala saman karja Tổng thống Đô nan Trăm song hu khik veik meng karja Tổng thống Giâu Bai-đừn./.

Urang lang: Thu Thao – Hani Pha – 19/11 6:13:04 PM