Pathau mikva saong taong abih gauk! Bhap bini Khmer Nam bộ hu jaik 1,3 triệu urang, meblah 8% menuac sia bhum taneran kraong Cửu Long. 5 thun tapa, rai diuk mbang ngui daok dang di bhap bini bangsa Khmer daok hu patagok, trật tự an toàn XH bhum bangsa daok hu tani tanat. Hatai jia di bhap bini ngan saong bruk pan akaok di Đảng dak khang kajap, abih di nyu nan lac tuk halei jeng jia saong caong tame nyaom roya Đảng pakat negar mbang ini. Kadha vak di kapul urang vak daok di bhum taneran kraong Cửu Long:

Thượng tọa Lý Minh Đức, trụ trì baha Sam-rong, ban sit Sóc Trăng, tỉnh Sóc Trăng brei thau, dom thun tapa Đảng saong karja hu patabiak ralo sarak ka bhap bini bangsa takik; dalam nan hu bangsa Khmer, abih di nyu nan lac sarak pato megru, paglaong akaok sahneng di menuac sia bhum urang bangsa tuk halei jeng hu caik hatai sangka. Ralo sang bac, tal bac di bhm urang bangsa Khmer urak ini hu padang ngak khang kajap, chất lượng pato megru dak harei dak hu paglaong, aneki saih urang Khmer oh padeih patagok tapa dom thun. Taphia di nan lac bruk sangka khik ramik saong patagok sap ndom panuac puac ka bhap bini Khmer Nam bộ tapa bruk pato dua dua sap Việt – Khmer.

Urak ini, di dom tỉnh, ban dalam bhum taneran kraong Cửu Long, labik hu ralo bhap bini Khmer daok jeng hu dom sang bac PT bangsa gam bac gam daok, yaok thun pachreih hu biak ralo anek ka muan di bhap bini Khmer tame bac. Dalam bhum urak ini hu 28 sang bac PT bangsa gam bac gam daok di pakat tỉnh saong huyện. Di labik ini, langiu bruk bac phổ thong, dom adei anek saih daok hub ac sap bangsa drei, hu brei labik mbang labik daok, hum bang jien bac saong ralo jien daong karei. Meng lavik mai, sang bac PT bangsa gam bac gam daok hu iek lac labik pato pakai pabak nguồn nhân lực di puk palei, rik daong pato pakai urang jakar cơ sở di bhum atah bayah, bhum urang bangsa takik.

Dalam 5 thun tapa, anek saih bangsa daok hu mbang tui sarak cử tuyển, dự bị đại học, ini lac nguồn nhân lực piah ngak bruk di dom bhum hu ralo bhap bini bangsa pamaong tal bruk padang talei jum pataom taong abih bangsa, jak gauk kham merat ba bhum urang bangsa takik patagok, tani tanat. Thượng tạo Lý Minh Đức, trụ trì baha Sam-rong, ban sit Sóc Trăng, tỉnh Sóc Trăng caong lac, urang dang akaok Đảng dalam tukvak barau, brei hu dom sarak barau dalam bruk pato megru saong paglaong dân trí ka bhap bini bangsa, sangka pato pakai saong ba bruk ngak ka anek kamuan bhap bini bangsa takik.

“Tỉnh hu nyaom roya bloh, daok nyaom roya pakat negar,, caong khin Đảng saong karja kham merat daong palagaih saong sangka ralo jang gac piah anek kamuan hadei di tuk bac bloh hu bruk ngak. Urak ini daok ralo anek kamuan bhap bini Khmer tuk bac bloh oh ka hu bruk ngak, drei hu ilamu bloh bo oh hu bruk ngak ye biak damen”.

Dalam nhiệm kỳ bloh, Đảng saong karja hu patabiak ralo sarak piah jhul pakhang kinh tế - XH bhum kan kandah, bhum hu ralo urang bangsa takik di bhum taneran kraong Cửu Long nao tagok. Kayua yau nan ye, baoh sang kan kathaot bangsa Khmer dalam bhum yaok thun trun meng 3 tal 4 %, meng labaih 30% thun 2011 trun daok labaih 16% thun 2014. Cambaih laih nan lac danak dak patagk kinh tế XH bhum biak kan kandah, bhum urang bangsa takik, daok ieu lac danak dak 135; quyết định 29 di thủ tướng rajaei ka dom sarak daong brei taneh daok saong ba bruk ngak ka bhap bini bangsa takik kan kathaot, rai diuk kan kandah bhum taneran kraong Cửu Long; quyết định 102, daong tapak ka urang daok dalam baoh sang kan kathaot di bhm kan kandah… ngan saong yaom phun jien bih tih yaok ribau tỷ đồng hu ngak brei mbaok meta palei pala, rai diuk di bhap bini bangsa Khmer daok di dom tỉnh bhum taneran kraong Cửu Long salih barau saong npatagok mboh di anak meta. Ong Thạch Minh Mẫn, sa urang jakar padeih hưu daok di tỉnh Trà Vinh – sa dalam dom tỉnh hu ralo bhap bini Khmer dang ka 2 di bhum taneran kraong Cửu Long lac:

 “Bruk pan akaok di Đảng saong karja dalam tukvak tapa, bhap bini bangsa takiki, cambaih laih nan lac bhap bini Khmer hu dom sarak daong biak siam. meng nan rai diuk mbang ngui daok dang di bhap bini dak harei dak patagok. Dalam nyaom roya 12 ini dahlak jia lac kayua hu biak ralo mbang nyaom, tính dân chủ dalam đảng hu brei mboh cambaih laih, nan ye dahlak jia lac nyaom roya palih ruah hu urang dang akaok siam di abih, naih di abih saong hu dom sarak kein lagaih jang, daong ka bhum urang bangsa Khmer dak harei nao tagok”.

Oh lac sangka tal bruk ngak mbang kinh tế, bo urak ini dalam bhum hu 10 rayo papr sap, papar binguk di tỉnh saong TƯ gam saong 4 blah báo Đảng di tỉnh hu ngak meng sap Khmer brei saoh tal khóm, palei bhum bhap bini daok. Taphia di nan, dom rija meng kan, ilamu phi vật thể tuk halei jeng hu khik ramik, patagok. Meng thun 2003 tal urak ini, yaok 2 thun “harei ilamu – thể thao bangsa Khmer Nam bộ” hu peih tabiak sa mbang… dalam tuk sang bac đại học Trà Vinh hu padang khoa Ngôn ngữ - ilamu – nghệ thuật Khmer Nam bộ, pato pakai nguồn nhân lực ka bhum bhap bini Khmer Nam bộ, dalam nan hu nghệ thuật Khmer. Daok dom rija roya ilamu Khmer yau “pakacah limo Bảy núi”, “pakacah gaiy ngo Sóc Trăng” jeng hu pok paglaong jeng rija rya pakat tỉnh, pakat khu vực, dalam tuk nan rija “Ok – om – Bok Trà Vinh” hu pok brei angan ilamu phi vật thể pakat negar. Bruk njauk biai nan lac, dalam 462 baoh baha Khmer di Nam bộ hu yaok pluh baoh baha hu makna prong ka sajarah dak rai saong ilamu hu karja daong yaok pluh tỷ đồng piah ngak pasiam veik, ba tame angan xếp hạng, Hòa thượng Thạch Sok Xane, Phaok akaok Hội đồng trị sự Giáo hội Phật giáo Việt Nam, akaok ban trị sự Giáo hội Phật giáo Việt Nam tỉnh Trà Vinh lac;

 “Hadei di tuk dom sarak di Đảng ka bangsa, agama hu tame dalam rai diuk, chư tăng, bhap bini phật tử Khmer biak chreih chrai. Dahlak jeng yau bhap bini biak jia tame nyaom roya 12 daok patui bruk sangka tal sarak bangsa, patui jalan daong ka chư tăng tu, bac, dom rija roya hu ngak njauk saong adat cambat tanarakun, njauk saong ilamu urang bangsa”.

Dom salih barau di bhum hu ralo bhap bini Khmer tukvaik tapa brei mboh dom sarak đầu tư di Đảng, karja brei ka bhum hu ralo bhap bini bangsa takik tagok hu kein laba. Bhap bini Khmer jeng yau dom bangsa adei saai dalam taneh ia caong khin lac, nyaom roya mbang ka 12 ini, đảng karja daok hu dom sarak siam lagaih, gam saong bruk kham merat biak ralo di dom pakat ủy Đảng, karja palei saong hatai caong yam tagok, bhum urang bangsa meda patagok samar saong khang kajap./.