Dom bác sĩ di ban raya HCM daok tagok jalan nao daong ka dom tinh, bal daok tamuh jit

Harei 8/11, 60 y bác sĩ, điều dưỡng gah hồi sức, cấp cứu hu biak rilo ilamo taong ruak COVID-19 di Sang iek ruak Lê Văn Thịnh, Ban Thủ Đức gam haong rilo pandap panda y tế, jru tavao tagok jalan nao daong ka Bạc Liêu saong Cà Mau pacang caga jit.

Dahlau di nan 2 harei, kapul di Khoa Hô hấp, Sang iek ruak Lê Văn Thịnh jeng hu nao daong pacang jit di Labik taduan menuac tame taong ruak huyện Châu Thành, tỉnh Kiên Giang. Bác sĩ Quách Ninh Phong – Akaok khoa Hô hấp brei thau, labik ini hu 600 papan ndih ka urang ruak saong urak ini hu taduan ginup urang ruak. Dahlau di tuk kapul mai tal, labik ini kurang meng manuac ngak tal pandap panda. Kayua yau nan ye, kapul 5 urang mai tal gam haong rilo jamriak, pandap panda, jru tavao saong khan aw daong pacang rup hu ba bui sambai mai ka labik taong ruak ini saong ka urang ruak. Bác sĩ Phong brei thau: “Kayua bruk ngak di khol dahlak di sang iek ruak Lê Văn Thịnh, sang iek ruak dã chiến ka 3, khol dahlak njauk parabha tabiak rilo labik, nan ye ba mai ini hu 2 bác sĩ, 3 điều dưỡng, jeng lac dom urang hu ilamu dalam mbang taong ruak ka 4 di ban raya HCM. Dom adei pak ini rilo meng daok ranaih, ka oh hu diuk pasang, nao haong hatai kham marat taong janeh jit ruak.”

Meng krieh bilan 10 tal urak ini, yaok rituh y bác sĩ ban raya HCM hu nao daong ka dom labik pandiak tamuh jit. Yau ye, kapul Sang iek ruak Bệnh Nhiệt đới ban raya HCM daong ka tỉnh Sóc Trăng, Sang iek ruak Trưng Vương daong ka tỉnh An Giang, Yam ndok Sang iek ruak Nguyễn Tri Phương haong 11 y bác sĩ daong ka tỉnh Bạc Liêu ... Langiu di dom janih jru taong ruak COVID-19, dom kapul daok ba tui 14 janih pandap panda y tế piah pandar dalam bruk taong ruak saong iek glang urang ruak trak.

Dahlau di nan, tuk Bạc Liêu lac bhum mbuan njom biak glaong, Yam ndok sang iek ruak Chợ Rẫy Nguyễn Tri Thức haong kapul ngak bruk đặc biệt di sang iek ruak ni jeng hu nao tal Bạc Liêu pasang iek, ngak bruk haong urang pan akaok tỉnh saong dom y bác sĩ di sang iek ruak đa khoa, ba tabiak dom jalan daong pacang caga jit. Hadei di tuk likau panuac samar drah di akaok Mintri Y tế, Sang iek ruak Chợ Rẫy hu klah rabha 30.000 mbang vaccine AstraZeneca saong 12.000 mbang vaccine Pfizer, Sang iek ruak Thống Nhất klah rabha 5.000 mbang AstraZenca ka Bạc Liêu. Rilo doanh nghiệp meng ban raya HCM hu daong ka tỉnh mac suak yava, radaih klauk jru lưu động, bilai tame oxy, mac dut iek PCR, jamriak taong ruak COVID-19...

Meng dom ilamo dalam mbang tamuh jit di ban raya HCM bahrau blaoh, kapul chuyên gia Sang iek ruak Chợ Rẫy hu daong ka Bạc Liêu padang dom tal taong ruak saong ngak jeng talei pambuak bruk di dom tal, paglaong ilamu hồi sức cấp cứu, padang hệ thống oxy lỏng, pasang iek bruk njom ruak, jalan dut iek, caga darah... 12 y bác sĩ Chợ Rẫy daok viek di Bạc Liêu daong bruk y tế  tal tuk halei pasang iek hu jit ruak.

   Hadei di 1 adit hu daong, meng labik “bhum bhong” duy nhất di dalam negar, Bạc Liêu hu salih sambo tapa “bhum katam” meng harei 9/11. Tiến sĩ - Bác sĩ Nguyễn Tri Thức, Giám đốc Sang iek ruak Chợ Rẫy khan lac: “Drei pilih ruah dom tinh daok hu jit ruak rah tabiak sarau kadau, praong abih jeng lac prein taong ruak di dom tinh, bal, brei hu bình oxy lỏng. Njauk taong cakak meng atah, jhuai daok cang manuac ruak suak yava meng jamriak, ruak trak blaoh brei nduac ECMO ye daong klah di metai hu biak takik. Njauk pacang cakak meng atah, meng tal 1, tal 2 meng hu siam lagaih suai lavik saong glaong jang”.

Tui Bác sĩ Nguyễn Hoài Nam, Phaok Yam ndok Sở Y tế ban raya HCM, anak tal, dom sang iek ruak yau ye Nhân dân Gia Định meda pataom prein tame daong ka Kiên Giang. Rilo kapul karei daok daong brei ka Cà Mau, Sóc Trăng, Trà Vinh: “Dalam tukvak anak tal, khol dahlak hu padang jalan parabha bruk ka yaok sang iek ruak piah daong ka yaok tinh, bal gah miền Tây. Dom sang iek ruak jeng daok taom gaok piah pasang iek bruk caong daong yau habar, meng kapul klauk vaccine tal bruk daong ka gah chuyên môn, brei daok karei F0 di sang saong dom bruk ngak karei.”

Taphia di bruk daong tapak, dom sang iek ruak di tuyến puac abih di ban raya HCM bhian pasang iek ruak online dalam taong ruak ka rilo urang COVID-19 trak di dom tinh, peih bruk patoa veik ilamu taong ruak, brei daok karei F0 di sang. Abih di nyu nan lac, ilamu padang tagok saong bruk ngak di dom sang iek ruak dã chiến 3 tal jeng hu klah rabha tal dom tinh, bal karei. Sở Y tế ban raya HCM caong lac, jalan ngak nan meda daong ka dom tỉnh pacang jit, trun manieng dom urang COVID-19 trak saong biak trak njauk ba tagok sang iek ruak di ban raya HCM./.

 Urang lang: Thu Thao – 16/11