Bhum tasik Tây Nam hu labik dang biak prong dalam bruk tong chap kaya ikan, nyu dok hu labik pambuak pagam song bhum tasik dom negar dalam ASEAN yau Thái Lan, Campuchia, Malaysia, Indonesia, lac labik mbuan lagaih dalam bruk pablei salih pandap panda dalam taneh ia saong langiu negar, rik dong biak prong dalam bruk patagok KT tasik. Song labik ni jeng lac labik bo kol buôn lậu bhian nao mai pablei salih, pajeng ba pandap lậu, dalam nan rilo meng lac xăng menyek. Kurhia meng thun 2013 tal harei ni, bhum cảnh sát tasik 4 chap mek hu 5 mbang pajeng jaik 4 triệu lít menyek suan adat hukum, ba jien tame kadung jien kajar yaok rituh tỷ đồng. Đại tá Lê Văn Minh – Chỉ huy trưởng bhum cảnh sát tasik 4 brei thau: Tui bruk lac xăng menyek di Malaysia,Singapore pablei salih biak mbuan. Dom urang pô di VN pambuak song dom đầu nậu, dom ong trùm di Singapore piah duah blei menyek. Dom kapan praong di VN, dom kapan ginup điều kiện đăng kiểm quốc tế meda tapa nan mek tapak piah ba mai VN pablei.

 Kol buôn lậu xăng menyek di angaok tasik biak tinh vi ngan song rilo thủ đoạn bahrau, song biak kan duah thau meng urang pajeng ba. Bhian di nyu dom po di dom lô menyek ini pah urang pajeng tal labik sinya pablei veik ka “đối tác”, tuk gaok dom gah chức năng pasang iek, chap mek, urang pajeng pah oh thau po lô menyek ini lac urang halei. Saai  Maman A Lam Xi -  Thuyền trưởng kapan Nang Non –  Thái Lan pajeng labaih 200.000 lít menyek DO njauk gah bhum 4 cảnh sát tasik chap mek, brei thau: Dahlak oh thau hagait kayua gah Thái Lan công ty ieu njuk menyek tame kapan ni ye drei njuk bloh kuhria peih nao Thái veik

Sa thủ đoạn di kol buôn lậu xăng menyek nan lac pandar dom kapan tong chap kaya ikan salih công năng piah tapa mbaok bruk tui iek di gah cảnh sát tasik. Piah pacang cakak hu siam lagaih bruk buôn lậu xăng menyek di angaok tasik,  bhum cảnh sát tasik 4 hu dom jalan ngak gam suai livik gam cambaih laih tal yaok đối tượng, hu phương án trinh sát piah duah thau, saong hu pambuak bruk haong dom lực lượng chức năng karei di angaok tasik tui iek duah thau bruk pablei salih xăng menyek suan adat hukum. Thượng tá Nguyễn Tư Phong – Trưởng phòng trinh sát – bhum Cảnh sát tasik 4 brei thau:  Rilo kapan hu dom DN, po DN ngak harak hợp đồng pajeng ba tui chính ngạch, min hadei di nan, srau meluk tame dom mbang oh pajeng ba tui chính ngạch bo pandar hóa đơn ka mbang pajeng ba nan, piah ngak sa mbang nhập lậu oh hu hóa đơn. Kol nyu pandar hóa đơn di mbang dahlau brei ka mbang hadei, meyah oh taom gah chức năng ye số lượng xăng menyek nhập lậu ni hu tal VN song hu pablei salih bình thương.

Yam tapa dom kan kandah tavak tavaiy, bruk cám dỗ, mua chuộc di kol buôn lậu, dom chiến sỹ bhum cảnh sát tasik 4 mek hu dom chiến công dalam saman sron mbon ni, ngak brei hadah hadai jang blah dakrai sajarah  di lực lượng cảnh sát tasik VN, dong ka bhap bini sanang hatai sản xuất, rik dong ka bruk dak padang song khik caga taneh ia dalam tukvak bahrau./.