Samar drah pajeng ba hu  pandap praong daok biak caong ka 

Thau biak cambaih dom kein lagaih saong yaom glaong di 280 jalan kraong di taneh ia dalam bruk cak rok patagok kinh tế-xã hội, meng di tuk jit  Covid-19 mbang ka 4 tamuh tabiak, An Giang oh lac sangka pasang iek siam manuac saong radieh di mangaok jalan haluk, bo daok paglaong rilo jalan pacang caga jit Covid-19 angaok dom jalan kraong dalam taneh ia, gam tui di nan jeng ba mbuan lagaih di abih piah ka dom ghe gilai pajeng pandap panda, pataom pablei kaya nong. 

Di bilai pasang iek y tế phường Mỹ Thạnh, ban Long Xuyên, di Cảnh sát jalan kraong - Công an tỉnh An Giang,yaok harei hu labaih 400 sruh ghe gilai saong labaih 600 menuac nao mai labik kraong Hậu. Ni jeng lac pabah  kraong tame tabiak ban Long Xuyên. Taong abih manuac saong ghe gilai jeng hu pasang iek tui njauk adat pacang caga jit yau ye: jalan nao saong mai, dut iek samar kháng nguyên SARS-CoV-2… Ong Lê Văn Rô, daok di huyện Hồng Ngự, tỉnh Đồng Tháp, bhian pajeng pandap mbang ka anek athur raong tapa tỉnh An Giang khan lac: “Sruh ghe gilai di drei pajeng pandap mbang, pajeng meng Trà Nóc, ban Cần Thơ saong huyện Hồng Ngự, tuk nao tapa An Giang brei test, mayah âm tính ye nao veik. Tuk dut iek lahik labaih 15 minit, tui manuac rilo atau takik”

Meng di tuk brei paatah di gauk tui sarak 16, An Giang brei padang 16 bilai pasang iek y tế pacang caga jit Covid-19 ngak bruk luac harei melam angaok dom jalan kraong di kraong Tiền, kraong Hậu. Min ba mbuan lagaih ka bruk pajeng pandap panda, dom bilai pasang iek y tế hu ramik ngak angaok dom sruh gilai pasang iek di Cảnh sát jalan kraong. Min kayua kraong praong, ia kaoh, dom sruh gilai praong oh tame tal bilai hu, gah chức năng njauk pandar ghe sit pajeng, ba manuac meng sruh gilai praong tame bilai pasang iek. Thiếu tá Nguyễn Ngọc Ẩn, urang jakar ngak bruk di jalan kraong, Công an tỉnh An Giang brei thau: “Khol dahlak bhian kakei manuac angaok dom sruh gilai pajeng pandap brei khik hu bruk pacang caga jit; langyah catang dom bruk ngak suan. Kapul ngak bruk ba mbuan lagaih ka dom sruh gilai pajeng pandap mbang yaok harei yau ye padai, brah, ikan, njam patam, baoh kayau … nao mai min brei khik hu bruk pacang caga jit ruak, khik salamat jalan kraong”

Meng harei 1/7 tal urak ni, di 16 bilai pasang iek jalan kraong hu pasang iek labaih 3.200 sruh gilai, ngan haong labaih 8.000 urang pathau khan y tế; tapa test samar jeng mboh âm tính haong SARS-CoV-2. Gam haong nan, dom bilai jeng hu pacap labaih 800 sruh gilai nao veik sang kayua oh khik hu bruk pacang caga jit ruak.

Tui UB bhap bini tỉnh An Giang, urak ni, bruk pajeng pandap panda di mangaok jalan kraong dalam tỉnh daok rah tabiak siam mekre, mbuan lagaih. Min, bruk pajeng pandap panda kaya nong di dom tinh, ban dalam bhum taneran kraong CL jeng daok rilo kan kandah. Ong Trần An Thư, Phó akaok UB bhap bini tỉnh An Giang ndem lac: “Dom tỉnh bhum taneran kraong CL jeng tabiak sarak 16 abih paje, nan ye brei njauk gauk sa bruk, nan lac dom janih pajeng ba logistics yau ye sà lan, ghe pataom pablei … hu adat nao mai di dom tỉnh, meyeh hu tauk mã thau cambaih angan je, yaok manuac urang angaok sruh gilai jeng hu test âm tính. Tui nan brei nao tapa, piah gam pacang caga jit, gam ba mbuan lagaih ka gilai nao mai”

Jit Covid-19 daok ngak kan kandah trak tal bruk pataom blei, pajeng ba, pablei salih pandap panda kaya nong di bhum taneran lraong CL, jang yau di tỉnh An Giang. Dom tinh, bal dalam bhum njauk kuhria caga, pambuak bruk samar drah, ba mbuan lagaih ka bruk pajeng ba pandap kaya nong meng jalan kraong. Meng nan meng pandar hu kein lagaih jalan kraong di bhum, samar drah pajeng ba hu  pandap praong daok biak caong ka rahra./.

Urang lang: Thu Thao – 24/08