Anak tal Kiên Giang meda parabha bhum khik iek bruk taong mek kaya ikan saong khik caga kaya ikan

Lac menuac hu rilo thun kak kajap haong bruk nao tasik, ong Trần Văn Phinh, daok di ban sit Cái Đôi Vàm, huyện Phú Tân (tỉnh Cà Mau) brei thau, nao tasik dak harei dak kan saong bhian khat lahik. Ong Trần Văn Phinh langyah “Sruh gilai prong hu công suất 830CV di sang dahlak ndih ar labaih 6 bilan ini. Sruh sit công suất 290CV lavik lavik nao taong mek ikan, piah duah jien raong  manuac dalam sang. Bhum tasik Tây Nam urak ini ikan hadang daok takik, gilai kapal ikan rilo nan ye taong mek hu takik”.

Taphia di bruk taong mek ikan tapa tanut, dom kapul gilai kapal di ĐBSCL jeng taong mek tui jalan palai pajoa kaya ikan dalam aia yau halam katung, lưới rùng, lồng bát quái, te, xiệp... Dom sruh gilai ini jeng bhian ngak suan bruk taong mek ikan angaok tasik, ngak khut tayah dom mblang caih menek, mblang pajaih di dom janih kaya ikan.

Tui Akaok Chi cục Thủy sản tỉnh Cà Mau Đỗ Chí Sĩ, UBND tỉnh bahrau tabiak jalan cak rok kaya ikan dalam tỉnh. Jalan ngak dalam tukvak anak tal  lac peih ngak gilac bruk taong mek kaya ikan di dom bhum tasik tui jalan trun meneing dom sruh gilai kapal, lagaih haong trữ lượng kaya ikan dalam aia; cak rok laghaih dom bruk taong mek kaya ikan pambuak haong khik caga môi trường, ngak njauk tui dom jalan ứng xử bruk taong ikan hu trách nhiệm; pacang bruk taong mek kaya ikan suan adat, oh tui hukum di dom kapul nyaom dunya.

Piah pamong tal bruk taong mek ikan samu gauk saong khang kajap jang di anak tal, dom tỉnh tapen tasik ĐBSCL daok kham merat rami ramik veik dom kapul gilai kapal taong mek ikan. Di Kiên Giang, tui kuhria di gah ngak nong tỉnh ini, taong abih dom sruh gilai kapal taong ikan tui jalan khang kajap di tỉnh lac 9.210 sruh. Nan ye, dom sruh gilai kapal njauk cakak trun tagok tal 2.550 sruh, rilo abih lac gilai kapal atah oh ka tal 12m…

Ndom ka bruk ini, Phaok Yam ndok Sở Ngak nong saong patagok palei pala tỉnh Kiên Giang Quảng Trọng Thao brei thau, bruk ramik veik kapul gilai kapal taong ikan meda hu peih ngak dalam 2 vaktu. Thun 2021, tỉnh pataom tame padang ngak saong ngak salah blaoh dom jalan ngak, sarak, jalan taong phat piah duh ka bruk rami ramik veik. Vaktu 2 meng thun 2022, pataom tame cakak trun sruh gilai kapal tui bruk ba tabiak saong peih ngak tapa rilo jalan. Tui bruk cakak trun meneing dom sruh gilai kapal, langiu di bruk peih pathau khan piah ka urang taong ikan thau cambaih bruk njauk rami ramik veik, Kiên Giang meda padang ngak dom sarak pagam tui ka nyu laghaih, abih di nyu lac sarak daong ka urang taong ikan njauk cakak trun sruh gilai kapal, salih tapa ngak bruk karei laghaih jang.

Ong Thao brei thau: “Ini lac sa dalam dom jalan ngak prong piah khik ka  gah taong mek kaya ikan di tỉnh cak rok patagok siam mekre saong khang kajap dalam tukvak anak tal”. Jeng tui ong Thao, anak tal Kiên Giang meda parabha bhum khik iek bruk taong mek kaya ikan saong khik caga kaya ikan. Peih ngak dom jalan ngak yau roh duah padang ngak sarak daong jien ndo piah cak rok patagok bruk taong mek kaya ikan angaok tasik hu kein laba, peih prong bruk xã hội hóa dalam pato pakai urang ngak bruk taong ikan; peih bruk pandar ilamu khik piah bahrau di abih piah patrun khut khat hadei di taong mek kaya ikan hu angaok gilai kapal saong patagok jien mek tame di bruk taong mek ikan./. 

Urang lang: Jasi – 07/10