Oh lac kapul dang akaok dalam bruk khik caga khang kajap bruk ngak po saong bruk an ninh di labik drei hu khik iek, bo đoi bien phong ban raya HCM daok ngak siam bruk jak ba bhap bini, hu bhap bini anit ranam yau gauk gar dalam sang.

 Bol lin Bien phong bal raya Ho Chi Minh hu nhiem vu khik iek grap tanat  tình hình an ninh trật tự angaok dom quận 2, 4, 7, huyện Nhà Bè, Cần Giờ, labik hu  tuyến jalan tasik, jalan kraong, cửa khẩu di bal raya. Ini lac tuyến cửa ngõ hu ralo bruk bruk ngak biak phức tạp yau: buôn lậu, tame tabiak negar suan adat hukum, klaik huah drap ar, pablei salih jru phian ma túy, khai thác tài nguyên suan adat hukum… Đại tá Phan Bá Toại, Phaok chỉ huy trưởng bol lin Biên phòng bal raya Hồ Chí Minh brei thau: Bahrau blaoh Biên phòng hu bal raya buh jien buh jien tabiak blei tame 2 đội tàu tra, khaol dahlak bhian nao pasang iek pacang cakak angaok cảng tasik, kraong bal raya piah bố trí trinh sát đặc nhiệm gam haong ralo lực lượng karei tui iek dom hagait daok rah tabiak cap mek kaol buôn lậu linh kiện điện tử, jru phian ma túy, xăng menyek.. grap tanat tình hình an ninh trật tự angaok tuyến jalan kraong tasik ka dom ghe gilai neo đậu saong nao mai tapa labik bal raya.

Mai meng ngak siam bruk ngak biên phòng toàn dân bo tok 2 bilan akaok thun ini, bol lin Biên phòng bal raya hu pambuak haong pagui cap mek 23 vụ  buôn lậu, klaik huah, khai thác cuah suan adat hukum di labik pabah lamnge tasik Cần Giờ, cap mek saong khởi tố hình sự yaok rituh urang. Gam haong nhiệm vụ khik kajap an ninh trật tự pak canah jalan kraong, jalan tasik, urang jakar, bol lin biên phòng daok sangka iek glang tal rai diuk vật chất tinh thần di bhap bani dalam labik, tapa nan pakajap jang hatung hatai bol lin saong bhap bani bhum tasik.

Khaol dahlak gam haong bol lin biên phòng bal raya nao jao brei 55 baoh sang uranam ka mikva kathaot huyện pulao kaoh Cần Giờ dalam mbang pahadar  harei biên phòng toàn dân meng thau hu abih hatung hatai di mikva labik ini brei ka urang lin biên phòng. Dalam baoh sang uranam siam gheih bahrau hu Biên phòng bal raya alin brei, sa-ai Nguyễn Thị Minh Phấn, daok pak khu phố Phong Thạnh, huyện pulao Cần Giờ ndom lac: Dahlau diah rambah ralo sang danaok taik tahak oh hu khả năng padang ngak truh sa baoh sang bahrau, urak ini nhờ hu bộ đội biên phòng daong ba, dahlak bui sambai lo oh thau ndom hagait. Dom cei bộ đội hu daong ba dom baoh sang yau khaol dahlak ini ye khaol dahlak meda kham merat ngak mbang piah yam tapa kan kandah caik ka cần giờ patrun baoh sang kathaot saong oh phụ hatai sangka di dom cei biên phòng.

Daok sa-ai Nguyễn Thị Thảo daok pak xã Long Hòa taduan mek hu baoh sang ranam  bol lin Biên phòng jao brei bo yau mboh daok ndih lapei. Baoh sang jeng hu saneng saong kham merat ngak mbang, min kathaot jeng kathaot saong kayua raong 3 urang anek nao bac nan ye hu ngak jeng oh samu haong mikva, hu Karja sangka, dom sa-ai biên phòng alin brei sa baoh sang dua diuk pasang dahlak bui sambai ralo, melam ndih mboh bui bo haok aia meta. Baoh sang biak thau dhal phol dom sa-ai Biên phòng hu alin brei sang saong iek glang ka dom anek di dahlak mbang bac, dahlak biak thau dhal phol.

Oh lac alin brei sang uranam, pato akhar huroh ka anek kamuan baoh sang kan kathaot, bol lin Biên phòng bal raya daok alin brei yaok pluh drei limo, ralo công trình aia hacih hu yaom yaok tỷ đồng; taphia di nan daok peih ngak ralo bruk  ilamo daoh tamia, thể dục thể thao ka bhap bani daok atah bayah huyện Cần Giờ, Nhà Bè…. Ini jeng lac sa dalam dom lực lượng nòng cốt dalam bruk ngak cứu hộ, cứu nạn tuk hu bala, sự cố bất ngờ rah tabiak dalam khu vực bhum tasik bal raya. Ong Lê Văn Thơm, Phaok Akaok Ủy ban bhap bani huyện Cần Giờ taong yaom: Bol lin biên phòng taphia di nan daok  tham gia biak siam bruk roh duah daong veih uang njauk bala angaok tasik  angaok kraong dalam huyện. Rik binah biak prong dalam bruk panduan ba mikva tuk hu dom mbang ribuk saong daong mikva pasiam veik dom khut khat hadei di mbang ribuk. Abih di nyu lac dalam bruk tuần tra piah pacang cakak kaol buôn lậu, kaol khai thác cuah suan adat hukum grap tanat tình hình angaok kraong aia di huyện saong  cửa ngõ bal raya.

Thaik binguk dom urang lính quân hàm xanh mboh jaik taphia jang haong bhap bani bal raya caik angan Wa, saong jeng lac bhap bani di labik ini hu jeng labik pambak khang kajap ka urang jakar, chiến sĩ biên phòng dalam bruk mesruh metak pacang cakak kaol kanjah jhak, rik daong khik kajap chủ quyền, an ninh di palei negar./.