Bilai iek ruak Trường sa praong – labik gimbak di urang ngak ikan di tasik

     Tukvak ini daok lac vụ taong mek praong di urang ngak ikan di dom tỉnh gah kreh negar, hu oh takik urang ngak ikan njauk bala di tasik njauk nao cap cuu di bilai iek ruak pulao Trường Sa praong, huyện Trường Sa, tỉnh Khánh Hòa. Di kreh tasik praong, dom “gru jru yau từ mẫu” di bilai iek ruak ini jeng labik gimbak daong urang ngak ikan khang hatai tabiak tasik . Kadha vak di urang vak Hoài Nam daok di bhum kreih negar :

     Urang ngak ikan angan Huỳnh Duy Khánh daok di palei Cù Lao, xã Bình Chánh, huyện Bình Sơn, tỉnh Quảng Ngãi barau tapa mbang nguy kịch kayua njauk bala di tasik khan veik : sa pagaiy harei nan, tuk saai daok pambu mực di kapal QNg 95555 TS, gaok tuk angin khang ngak ka saai huyn akaok laik trun tasik. Saai yar tangin katung giàn pambu mực nan ye gaok paku klauk tame tangin. Thuyền trưởng brei kapal nduac nao gah nhà  giàn  DK1 piah sơ cứu ka saai, min kayua vết thương nhiễm trùng yau nan ye njauk ba nao bilai iek ruak pulao Trường Sa praong, thị trấn Trường Sa iek ruak. Labaih 10 harei iek ruak di ini, pren yava saai  Khánh hu siam veik. Saai  Huỳnh Duy Khánh khan lac: 5 harei hadei di tuk mai pak ini, dom bac sy mboh lac adei gar rak darah, darah oh nduac hu nan ye bác sỹ brei blac raih dalam harei. Dom bác sỹ pak ini abih hatai iek glang, lisei ia kuhria brei taong abih. 8 tuk pagaiy bác sỹ rao vết thương, mek bình dịch chuyền tame  vết thương saong rao ka adei luac harei )

Bilai iek ruak pulao  Trường Sa praong, thị trấn Trường Sa, huyện Trường Sa, tỉnh Khánh Hòa dom thun jaik di ini hu pabak brei dom trang thiết bị biak barau, pabak bruk iek ruak ka urang jakar, urang lin, bhapbini daok di pulao saong urang ngak ikan taong cap kaya ikan di tasik. Thun 2009, bilai iek ruak hu daong hệ thống truyền dẫn thaot binguk Telemedicine (nan lac y học meng atah), pabak bruk chẩn đoán saong iek ruak. Barau ini, Báo Tuổi trẻ  pambuak bruk saong sang iek ruak  Quân y 175 saong uy mhan bhapbini  thị trấn Trường Sa, tỉnh Khánh Hòa peih bruk padang ngak Danakadak ramik pasiam Bilai iek ruak thị trấn Trường Sa Praong meng jien jak ba di danakdak “Rik pren khik caga chủ quyền biển Đông”. Danakdak ngak blaoh meda pabak bruk iek glaong pren yava ka bhapbini daok diuk rai, ngak bruk, san xuất angaok bhum tasik chủ quyền di Việt Nam saong urang jakar, urang lin daok khik caga tasik pulao di negar. Thượng úy, bác sỹ Thái Ngọc Bình, akaok bilai iek ruak pulao  Trường Sa  praong tỉnh Khánh Hòa brei thau : Hu bruk sangka di Đảng, karja saong abih di nyu nan lac hu bruk tacei pato chuyên môn di sang iek ruak Quân y 175, bilai iek ruak hu padang jeng cơ sở meda iek ruak  bảo hiểm y tế ka urang ngak ikan taong cap ikan di bhum pulao Trường Sa. Tuk urang ngak ikan nao taong cap ikan, urang ngak ikan meda ba chứng minh thư  saong thẻ bảo hiểm y tế lac meda tagok pulao iek ruak tui bảo hiểm y tế, padang hatai jia khang kajap ka urang ngak ikan taong cap ikan tame  ini iek ruak piah khik caga pren yava.

Tukvak tapa, bilai iek ruak pulao Trường Sa praong blac raih hu siam rilo mbang ruak kan kandah ka bhapbini saong urang jakar, urang lin ngak bruk di pulao Trường Sa. Meng akaok thun tal ini, dom bac sy, y ta di bilai  hu iek ruak ka yaok ratuh mbang urang ngak ikan njauk bala dalam tuk taong cap kaya ikan di labik pulao Trường Sa. Dalam nan hu rilo mbang urang ruak njauk blac raih di labik. Bruk buh jien tame ngak pasiam bilai iek ruak,  daong dom trang thiết bị kỹ thuật barau rik daong dui katut  khoảng cách di mbaok haluk saong pulao kaoh atah, ngak sahanang hatai dom urang harei melam nao tasik ngak mbang saong ngak bruk khik caga palei negar./.