Pathau mikva saong grauk ayut!

Ban raya Ho Chi Minh daok tame bilan hajan. Dom ruak  gah jalan suak yawa daok hu rilo, dalam nan biak haduh hatai nan lac dom janih ruak viêm jalan suak yawa di uranaih. Hiếu Hiền, urang vak di rayo sap ndem Viet Nam daok ngak bruk di ban raya Ho Chi Minh hu kadha vak brei thau ka bruk nan, da-a mikva saong grauk ayut tui pang:

Dalam dom janih ruak jalan suak yawa di uranaih, njauk duh hatai di abih nan lac dom janih ruak viêm jalan suak yawa. Dalam bilan la-ar, uranaih mai iek ruak viêm jalan suak yawa meblah 70 tal 80% dom uranaih mai iek ruak jalan suak yava. Meda pabha jeng dua janih ruak viem jalan suak yawa, nan lac viêm jalan suak yawa angaok saong viêm jalan suak yawa ala. Dom ruak pandik tarakong, idung, barah anek tarakong, viem dom xoang…hu maong lac dom janih ruak viêm jalan suak yawa angaok. Tui kuhria mboh di dom sang iek ruak di ban raya Ho Chi Minh, dalam dom bilan hajan thun 2014, meblah ralo di abih dalam dom janih ruak jalan suak yava nan lac ruak pandik tarakong. Meda ndem tal dua janih ruak bhian mboh di abih dalam dom janih ruak viem jalan suak yawa ala ngak ka rilo uranaih tame sang iek ruak nan lac viem tieu phế quản saong viem phổi. Sa-ai Nguyễn Thanh Phong daok di quận 4, ban raya HCM daok iek glang anek likei umo 7 bilan tame ndih iek  ruak di Khoa hô hấp Sang iek ruak Nhi đồng 1 brei thau:

Băng: Dom harei dahlau patuk, pandiak gam glaoh ta-ok. Dahlau diah viem phe quan iek ruak gah langiu dhit paje min mbang ini livik ye oh abih. Mai sang iek ruak Nhi đồng 1 khám mbang ka 2  ye bac si pandar  tame ndih iek ruak mbaih tal urak ini.

Kadha camereip di ruak viêm tiểu phế quản nan lac pandiak hasit, patuk, kan suak yawa min tuk trak uranaih klak mam, tím tái rup pabhap. Bhian di nyu, uranaih kan suak yawa dalam 2 adit saong dhit abih tuk hu menyum jru. Min, hu dom uranaih njauk bien chứng suy hô hấp, viêm phổi, viêm tai giữa…Dom bien chứng saong metai lahik bhian mboh di uranaih umo ala 3 thun, uranaih ndih tapui kurang bilan atau lavang lavaih atau uranaih hu ruak baoh hatai, phổi, thận. Langiu di nan, viêm tiểu phế quản bhian mboh di uranaih umo ala 24 bilan, bhian gaok di abih nan lac uranaih umo meng 3 tal 6 bilan. Bác sĩ Trần Anh Tuấn, Akok khoa Hô hấp Sang iek ruak Nhi đồng 1 brei thau:

Băng: Hu sa janih virus ba tal viêm tiểu phế quản. Nyu mbuan nyom tapa anek manuac. Urang praong njom virus ini ruak nyol, tok patuk hasit. Min meyah pambak virus nan ka uranaih umo ala 2 thun ye 90% njauk ruak viêm tiểu phế quản. Meyah uranaih umo ala 3 bilan nyom virus ini oh klah ba tame iek ruak saong suak yava meng oxy.

Viêm phổi lac dom rauak viem jalan suan yawa ala saong lac biến chứng di rilo ruak yau pandik tarakong, viêm tiểu phế quản saong dom ruak kayua virus sởi, virus cúm atau nhiễm trùng. Tui kuhria mboh di Sang iek ruak Nhi đồng 2, uranaih tame ndih iek ruak kayua viem phoi dalam dom bilan hajan tuk halei jeng rilo di abih dalm dom ruak jalan suak yawa. Yaok adit, khoa Hô hấp sang iek ruak Nhi đồng 2 hu meng 6 tal 7 uranaih ruak viem phoi trak brei suak yava meng mac saong hu uranaih ruak trak brei ba tame hồi sức cấp cứu piah suak yava meng mac. Dom bac si brei thau, piah samar thau lac ruak viem phoi hu 3 kadha praong. Kadha dahlau di abih piah thau uranaih njauk viêm phổi nan lac suak yawa samar. Dom amaik ame brei yaok nhip tim suak yava dalam 60 giây piah dut haong nhịp suak yawa trung bình di uranaih. Kadha ka 2 brei ba uranaih tame sang iek ruak chip tuk mboh uranaih suak yava “co lõm lồng ngực” kayua ini lac kadha brei thau uraniah njauk viem phoi trak. Kadha ka 3 lac tuk mboh uranaih mebuk ndih, klak mam, oh mum hu atau co giật, tím tái. Bác sĩ Trần Thị Thu Loan, akok khoa Hô hấp sang iek ruak Nhi đồng 2 kakei lac:

          Băng: Plaih bruk amaik ame mboh anek ruak mbang ini dreih yau mbang dahlau, jeng patuk bahar, pandiak nan ye blei jru tui harak iek ruak klak bo oh nao iek ruak. Tal tuk ruak trak meng ba tame sang iek ruak tuk nan ruak biak trak. Tuk nyom ruak gilac ye ruak biak trak, rilo tuk nyu tame phổi  ngak brei viêm phoi trak./.