Bimon Po Klong Garai jeng daok khik tamo pandap panda saong yaom ilamo meng kan dalam ilamo Cam

Bimon Po Klong Garai daok angaok tabung ceik Trầu, dalam phường Đô Vinh, atah di bal Phan Rang, tỉnh Ninh Thuận 9km nao gah pai.

Tui ong Sử Văn Tiên, urang menyai lang brei tuai damuai thau di bimon lac: Bimo ini hu padang ngak meng puac abap 13, akaok abap 14, kayua patao Chế Mân brei padang ngak piah kakuh patao Po Klong Garai.

Po Klong Garai hu 3 baoh bimon, nan lac bimon prong, bimon apui saong bomon cổng hu padang ngak meng janih kiak am cuh bhong meriah. Dalam klau baoh bimon ini, bimon cổng saong bimon apui oh pandar piah paling kakuh, tok hu bimon prong meng lac labik paling kakuh patao Po Klong Garai.

Gah anak labik inem krung lac bimon Cổng glaong labaih 5m, hu sarak rilo bingu hala. Labik ini lac pabah mbangh tame tabiak piah ngak adat, paling kakuh saong taduan raok tuai di patao meng kan.

Gah meraong nan lac bimon apui, bimon hu kiến trúc biak karei dreih yau dom baoh sang meng kan di urang Cam. Baoh bimon ini hu dua tabung kavong kavong dreih yau sruh gilai. Ini lac janih ilamo biak karei di urang Cam meng kan. Meng kan dahlau, bimon apui lac labik piah kakuh paling di dom halau janeng, labik caik khan ao, dom janih pandap panda bhian pandar di patao Chăm Pa.

Nao tame dalam jang lac bimon prong – pasak di bimon Po Klong Garai. Bimon prong glaong labaih 20m, hu padang ngak rilo tal. Vil val dom akaok di bimon jeng hu pagam rup patau anek athur saong thait binguk dalah apui.

Baoh bimon ini hu sa pambang prong di gah Pai, gah angaok nan hu sarak thaik binguk yang Siva lac yang biak ginreih ngan haong urang Cam, gah ala lac dua mbaik gheng patau veih bimon hu sarak akhar Thrah. Nao tame dalam jang lac rup patau hu sarak thaik binguk anek limo, lac drei athur caik ka yang Siva ndik. Gah dalam caik kakuh patao hu buh rilo pren yava dalam bruk mong iek taneh aia ngan haong rup thaik Mukha-Linga.

Oh lac tok hu makna gah kiến trúc, ini daok lac labik ginreih ngan haong urang Cam.

Ong Sử Văn Tiên brei thau: Mong ini lac pasak hatai jia ilamo nan ye urak ini bhap bani Cam jeng daok paling kakuh tui hatai jia. Pak ini prong di abih lac harei Katê hu peih ngak dalam harei 1 bingun bilan 7 Saka Cam (njauk tame jaik bilan 9, bilan 10 saka aia harei).

Rah tapa dom tuk trun tagok di sajarah saong bruk palai pajoa di thun bilan, bimon Po Klong Garai jeng daok khik tamo pandap panda saong yaom ilamo meng kan dalam ilamo Cam. Thun 1979, Inem mek kiến trúc nghệ thuật ini hu Mentri Ilamo saong Brei thau (urak ini lac Mentri Ilamo padhih saong rivang ma-in) brei angan lac inem mek pakat negar saong harei ini hu dak tame angan inem mek pakat negar biak karei./.

Urang lang: M. Phương – 25/04