Dom harei bilan 3, công trường padang ngak di angaok jalan raya 1D di tỉnh Bình Định chreih chrai bui sambai ngak bruk. Danak dak ini atah labaih 7 km, jien buh tame ngak labaih 1.000 tỉ đồng. Danak dak daok hu jhul pasamar bruk ngak, kham merat ngak brei salah piah ba tame pandar dalam thun ini. Tui gah Đông Bắc, Quốc lộ 19 meng jalan meng pabah lamnge Quy Nhơn tal gom jalan raya 1A, tapa huyen Tuy Phước may moc jeng daok ngak. Danak dak ini atah jaik 18 km, jien buh tame ngak jaik 5.300 tỉ đồng, caga brei ngak salah, puac thun 2018 ba tame pandar. Ong Nguyen Van Tham, akok Doanh nghiep ngak kayau pablei tabiak negar Trí Tín daok di Binh Đinh lac: Danak dak pasiam jalan raya 19 salah pambuak Quy Nhơn hu jaik jang dom tỉnh Tây Nguyên saong Nam Lào: 

Jalan raya 19 urak ini paglaong  pasiam nan lac bruk siam, oh lac eng tỉnh bo lagaih ka dom tỉnh Tây Nguyên, Nam Lào saong Bắc Campuchia. Jalan mbak siam yau nan ba mbuan lagaih ka bruk pajeng ba hu samar saong patak pataom jien padai.

Tui jalan ngak “jalan mbak brei ngak dahlau di abih” piah ba mbuan lagaih ka bruk cak rok patagok kinh tế xã hội, dom thun tapa, tỉnh Bình Định brei caik hatai patagok bruk jalan mbak. Langiu kadung jien karja, tỉnh caik rilo jien piah buh tame ngak jalan mbak praong lagaih. Abih di nyu nan lac brei ngak salah danak pasiam peih praong jaik 120 km jalan raya 1A tapa tỉnh ngan saong jalan atah jaik 7.800 tỉ đồng. Kapul FLC buh tabiak yaok ribau tỷ đồng ngak dom mblang main golf, resort, biệt thự padeih padai saong main cao cấp FLC – Nhơn Lý. Ong Đặng Tất Thắng, phaok tổng akok Tập đoàn FLC brei thau:

Khol dahlak mboh urak ini hạ tầng jalan mbak gaio thông di Bình Định daok peih ngak sumu gauk saong dom labik khol dahlak mboh meyeh Binh Đinh meda hu salih birau jang ye jia lac pachreih hu rilo urang buh jien tame ngak, abih di nyu  nan lac mblang kapal saong dom jalan pambuak mbalng kapal haok tal dom pasak ban jeng yau Khu Kinh tế Nhơn Hội nan lac biak rilo urang buh jien tame, dalam nan hu labik urak ini FLC daok buh jien tame ngak.

Dalam 5 thun anak tal, tinh Binh Dinh buh jien tame 8.000 tỷ đồng padang ngak salah jalan mbak. Dom danak dak jalan mbak praong hu padang ngak dalam thun ini nan lac danak dak pagalong saong peih praong jaln gah Pei di tỉnh, pambuak khu công nghiệp phức hợp VSIP saong khu công nghiệp Long Mỹ- Phú Tài-khu đô thị birau Long Vân; Padang ngak jalan Khu Kinh tế Nhơn Hội pambuak atah meng Khu Kinh tế Nhơn Hội tal mblang kapal Phù Cát, kuhrai taong abih jien buh tame ngak tukvak ka 1 jaik 1.300 tỉ đồng. Ong Hồ Quốc Dũng, Akok ủy ban bhap bini tỉnh Bình D9inh5 brei thau: Tỉnh ba tabiak bruk buh jien tame paglaong, peih praong mblang kapal haok Phù Cát mek tui tanut chuan mbalng akpal haok quốc tế pakat 2:

Piah ngak hu bruk nan khol dahlak daok dak padang danak dak, jaln ngak piah pachreih urang buh jien tame, dalam nan mneg kadung jien karaj tỉnh saong likau mneg kadung jien pakat negar.  Min rilo danak dak khol dahlak jeng daok jak ba bhpa bini rahra buh ngak tui jalan BT, BOT…Piah tal thun 2020, jalan mbak di tỉnh Binh Dinh sumu ba mbaun lagaih ka bruk cak rok patagok kinh te xa hoi tukvak anak tal.

Gam saong bruk ngak samar dom jalan mbak praong, tinh Binh Dinh jeng hu jak ba urang buh jien tame ngak jalan mbak di palei pala. 5 thun tapa, tinh ini brei ngak jalan betong  jaik 1.600 km jalan palei pala. Tỉnh Bình Dinh lac, tukvak anak tal brei jhul pakhang bruk pachreih urang buh jien tame ngak jalan mbak palei pala pambuak saong padang palei pala birau; pasiam veik, paglaong dom jalan huyện, pambuak xã ka sumu gauk. Anak tal, jaln mbak hu mbuan lagaih jang brei rik tame jhul pakhang bruk cak rok patagok kinh tế xã hội di tỉnh./.