Binh Dinh: Quy hoach urang jakar meng đề án 600 trí thức ranaih umo

Thun 2012, mintri Nội vụ patabiak Đề án 600 trí thức ranaih umo mai ngak phó akaok uy mban bhapbini xã di 62 huyện kathaot dalam taneh ia (ieu katut lac Đề án 600). Tỉnh Bình Định hu 20 trí thức ranaih umo mai taduan mek bruk ngak di 3 huyện bhum ceik Vân Canh, Vĩnh Thạnh saong An Lão. Hadei di 3 thun ngak bruk di puk palei, dom trí thức ranaih umo ini hu jeng dom urang jakar dang akaok dalam bộ máy karja, rik daong jhul pakhang patagok kinh te – ilimo – xa hoi di dom puk palei ini, hu quy hoach tame pakat uy saong hu brei bruk praong jang di tukvak tal.

     Tacei tame mbuk padai daok dak tagok gauk dalam sang, ông Mai Văn Đẹn, urang bangsa Ba Na daok di xã Canh Hiệp, huyện bhum ceik Vân Canh, tỉnh Bình Định bui sambai yaih lac: thun ini oh huac eik lipa tuk cang bilan yuak, kayua sang hu padai caik piah. Thun ini, sang ông pala 4 sào padai yuak hu 1,2 tấn, glaong di abih kuhria meng dahlau mai. Ông daok yaih lac barau ngak blaoh var raong limo, hu pacang sir piah limo oh la-ar tuk bilan la-ar daok mai tal. Ông Đẹn brei thau : ngak hu yau ini lac meng hu urang jakar Trang, đội viên Đề án 600 hu brei mai pak ini. Dahlau thiah, mikva eng drei ngak padai palei, yaok thun ngak 1 vụ,  hu oh hadom padai, tuk halei jeng eik tuk cang bilan yuak. Limo ye raong palao angaok glai, bilan la-ar bhian metai la ar. Meng tuk hu urang jakar Trang mai tacei pato jalan ngak mbang, mikva biak uan saong caong khin urang jakar Trang tacei patao mikva veik : Bruk raong glaong, urang jakar Trang jak ba ngak var raong ka nyu siam, blaong raong di sang, klauk jru caga ginup saong mboh urak ini limo nyu takik metai. Daok bruk pala drak, Trang jeng jak ba mikva tame bac megru ba  alamu tame pala drak. Urang jakar Trang daok patagok jang daong ka mikva drei, bhapbini palei drei dak harei dak kaya meda jang.

Dalam Đề án 600, huyện Vân Canh, tỉnh Bình Định hu 5 urang mai ngak Phó akaok uy mban bhapbini xã. Jeng dreih yau Trần Thị Trang, dom urang di Đề án jeng patagok hu pren ranaih umo, daong ka mikva patagok kinh te meng dom bruk ngak cambaih laih. Yau nan ye, dalam nyaom roya Đảng bộ pakat xã barau ini, dom urang ini hu ba tame pakat  ủy saong brei ngak praong jang. Yau ye Phan Trọng Thảo, Phó akaok uy mban bhapbini xã Canh Hiển hu pok ngak Phó akaok jabat ngak nong saong patagok palei pala huyện Vân Canh. Ông Huỳnh Văn Quý, Bí thư Đảng ủy xã Canh Hiển, huyện bhum ceik Vân Canh, tỉnh Bình Định brei thau: Hu trí thức ranaih umo mai ngak bruk dalam tukvak tapa biak siam, ngak bruk biak kein laba. Kol dahlak jeng caong khin meyah hu điều kiện daok veik di puk palei ngak bruk ka nyu siam. Daok harei hadei quy hoach meyah hu điều kiện patagok nao. Kol drei daok ba mbuan lagaih ka Thảo patagok rilo jang

3 thun tapa, 20 trí thức ranaih umo di Đề án 600 di tỉnh Bình Định hu patagok pren ngak, daong ka puk palei patagok kinh tế, daong patruh eik patrun kathaot. 20 urang taduan bruk di dom huyện yau Vân Canh, Vĩnh Thạnh, An Lão hu ba tabiak yaok pluh sáng kiến patagok kinh te kein laba, njauk saong adat cambat tanarakun puk palei ye : Đề án raong limo palimek xã An Hưng, huyện An Lão; pala bimao bào ngư di xã An Nghĩa, huyện An Lão… Ini lac dom mô hình kinh tế ba mai kein laba ka mikva, hu pren pambak praong. Hadei di 3 thun ngak bruk di puk palei, hu 17/20 urang hu ba tame Ban Chấp hành, Ban Thường vụ Đảng ủy xã, Hội đồng bhapbini, uy mban bhapbini xã saong phòng chuyên môn dom huyen bhum ceik di tỉnh Bình Định. Ông Ngô Đông Hải, Phó akaok uy mban bhapbini tỉnh Bình Định brei thau : tỉnh ini thau lac, ini jalan pabak urang jakar suai lavik ka puk palei :Meng akaok mereip, kol dahlak hu tacei pato dom puk palei taduan mek njauk maong ini lac menuac urang hu pakat angaok daong brei. Jeng taphia nan njauk maong ini lac pren khang di puk palei, ba mbuan lagaih piah dom adei sahanang hatai ngak bruk, ba pren yava tabiak ngak bruk suai lavik dalam puk palei. Tapa tacei pato ye  tukvak tapa meng bruk quy hoạch tal nyaom roya Đảng bộ dom pakat dom đội viên jeng hu ba tame quy hoạch, trúng cử saong nan lac jalan piah kol dahlak bổ nhiệm, oh maong lac nguồn gah langiu, daok langiu  chỉ tiêu.)

Pilih ruah dom urang hadah krah tame Đề án 600, tỉnh Bình Định hu ba mbuan lagaih piah ka dom trí thức ranaih umo patagok ilamu di drei, rik daong tame bruk patagok kinh tế- xã hội di dom puk palei bhum ceik./.