Bình Thuận: doanh nghiệp gaok kan kandah tuk kaya ikan oh pablei hu kayua jit ruak
Thứ năm, 08:25, 29/07/2021 hanipha hanipha
Pathau mik va…: Jit ruak Covid-19 dok rah tabiak khang, rilo tỉnh ban, njauk brei paatah di gauk, bruk pablei salih nao mai brei patakik veik ngak ka bruk pablei kaya ikan di Bình Thuận gaok rilo kan kandah. Dom labik blei kaya ikan dalam tỉnh dok having akaok bayar jien ka labik khik piah pandap liar, dalam tuk nan jit ruak ka oh thau tuk halei meng hu pasang iek . Kadha vak di Đoàn Sĩ – urang vak di rayo sap ndom VN dok di ban raya HCM hu ndom ka bruk ni:

Rilo doanh nghiệp di Binh thuận dok kan kandah ka pandap panda kaya ikan

Saai  Mai Thanh Sơn, sa po kapan blei kaya ikan  dok pataok di pabah lamnge Phan Thiết brei thau, ni lac tuk tame bilan ikan Nam, nan ye ikan taong cap hu rilo, bruk blei kaya ikan di angaok tasik jeng hu mbuan lagaih jang. Yaom lac menyek tuk vak tapa nyu tagok yaom, song pandap mbang menyum jeng tagok nan ye yaom jien ka mbang nao tasik jeng tagok tui, min adei saai jeng kham merat tabiak tasik   :

"Sa bilan tame gah sa mbang, drei blei di langiu tasik, tame gah drei pajeng pandap nao. Drei blei yaom glong, min pablei veik yaom trun kayua jit ruak pajeng ba oh hu. Pagap yau : blei sa kg mực 100 ribau đồng, pablei veik 70, 80 ribau đồng, khat 20, 30 ribau đồng 1 kg"

Yaom lac oh hu laba, gaok tuk khat, min saai  Sơn song dom po kapal gilai ayut di drei jeng dok jia tame dom mbang tabiak tasik hadei hu pabak tame veik . Dreih yau nan, piah khik hu bruk blei kaya ikan ka mik va urang tong ikan, rilo  doanh nghiệp hu peih labik ngak la-an piah piah blei pandap tame khik piah.

Ong Đỗ Văn Thanh, Yam ndok Cty TNHH Bích Thanh - sa labik blei  kaya ikan prong di Bình Thuận brei thau, meng tuk ban raya .HCM, Đồng Nai, Bình Dương, bloh tal Bà Rịa-Vũng Tàu... peih bruk paatah di gauk, rilo drak pasa prong brei padeih, ngak kan kandah tal bruk pablei salih .Yaom lac kan kandah dalam bruk pablei tabiak min cơ sở di saai jeng dok kham merat khik bruk blei kaya ikan ka urang tong cap.

"Puac di abih drei njauk nao blei, hu du halei drei blei du nan, meyah dok cang ye oh thau tal tuk halei. Drei blei bayar jien mbaok, dok pandap ye caih piah, kayua oh ka hu labik pablei, njauk pah labik ngak la-ar piah khik pandap. Sa kg pandap abih dom ribau đồng, meyah caih lavik nyu tagok dom ribau đồng tra, ka oh kuhria tal jien pah urang ngak"

Tui mban khik iek pabah lamnge Phan Thiết, yaok harei hu meng  20 tal  30 sruh kapan pataok tame, yaok thun pablei meng  25.000 tal  30.000 tấn kaya ikan. Min, meng puac bilan 4 mbiah tal ni,  jit ruak ngak kan kandah praong tal bruk pablei kaya ikan. Dom labik ngak la-ar di pabah lamnge caik hu labaih 250 tấn dok jaik bak abih, rilo doanh nghiệp njauk duah labik liar di labik karei piah khik piah kayan ikan. Urak ni, dom tỉnh ban  gah merong dok peih bruk paatah di gauk, nan ye bruk pablei salih nao mai biak kan kandah. Piah lang talaih, anak meta dom tỉnh ban hu peih jalan nao mai ka dom radaih pajeng pandap panda nao dom  tỉnh Đông Nam Bộ song ban raya HCM. Ong Nguyễn Tất Thạnh – Yam ndok Công ty TNHH Hải Nam, labik chế biến, khik piah kaya ikan, lac: 

"Jalan pajeng ba pandap jeng hu peih talaih, brei pajeng ba pandap panda. Urak ni kan kandah di abih lac dom labik khik piah di pabah lamnge di  Sài Gòn, pandap panda tame tabiak negar, labik caik pandap daok tavak ye abih bruk nyu suai veik, ngak ka pren khang song năng suất trun sa meteh."

6 bilan akaok thun 2021, kaya ikan di Bình Thuận taong cap hu 97.200 tấn, rilo jang 1,8% dut song tuk vak ni thun 2020; jien mek tame meng bruk pablei tabiak negar langiu dom janih kaya ikan  tui kuhria lac jaik 74 triệu USD, tagok jaik 5%. Tui ong Nguyễn Văn Chiến, Phaok Yam ndok Sở ngak nong song patagok palei pala Bình Thuận, oh taeng hagait kaya ikan bo rilo janih kaya nong karei jeng dok oh ka hu labik pablei. Kayua yau nan ye, langui dom darak pasa meng kan , dom doanh nghiệp jeng daok duah jalan pablei bahrau, khik hu bruk blei kaya ikan di dom pabah lamnge ikan song ngak njauk tui bruk batabiak ka pacang caga jit:

"Sở hu tacei dom pabah lamnge ikan  biak catang ka bruk pacang caga jit. Abih di nyu nan lac pasang iek kapan ikan , menuac meng dom puk palei, meng bhum jit tame pabah lamnge njauk tui adat hukum. Bloh jeng kham merat langyah bruk blei kaya ikan ka mik va"

Urak ni, bilan ikan  nam di  Bình Thuận dok tame tabung glong , tui kuhria kaya ikan tong chap hu meda tagok rilo dalam tuk vak anak tal. Jien blei, jien payua pandap ni biak glong, dalam tuk nan, bruk khik piah di dom labik ngak la-an oh praong jang. Tui dom doanh nghiệp ngak mbang pablei salih kaya ikan di  Bình Thuận, brei samar hu jalan langyah kan kandah, palagaih daong palagaih ka janih pandap kaya ikan ni hu mbaok siam jang di darak pasa ban raya HCM song peih prong tabiak dom darak pasa karei. Meng nan, khik hu bruk hit ngak mbang, tani tant jien mek tame ka urang tong chap, ba mbuan lagaih jang ka bruk ngak di dom doanh nghiệp blei kaya ikan, saong pabak hu ka urang blei mbang dalam tuk vak jit ruak yau urak ni./.

Urang lang: Hanipha- 29/7

hanipha
Tags:

Viết bình luận

TIN CÙNG CHUYÊN MỤC