Binh Thuan khik piah pandap panda, khik kajap darak pasal Tết Bính Thân 2016

***

        Tết Nguyên đán thun ini, tỉnh Bình Thuận hu 5 doanh nghiệp hu mbaok tame danakdak khik piah pandap panda khik kajap darak pasal, rilo meng lac dom pandap mbang yaok harei yau : brah, saradang, ia tasau, menyek mbang, mì tôm, sara, nyam patam saong pandap mbang chế biến… Tui quy định, dom pnadap ini njauk khik hu chất lượng, asal di nyu, an toan pandap mbang menyum saong pabak ginup dom quy dinh ka  nhãn pandap panda, saong dahlau di abih lac pnadap VN. Dom doanh nghiep tame danakdak ini hu tỉnh brei mesraiy jien yaom laba bhiar jang yaom laba urak ini tapa dom gilang pariak thương mại piah blei pandap khik piah. Ông Trần Quang Bách, akaok jabat khik ramik pablei salih, Sở Công thương Bình Thuận brei thau : Dom doanh nghiệp mesraiy jien blei pandap tet hu brei mesraiy yaom  laba biar jang  meng 1,5 tal 2% sa thun. Ba mbuan lagaih ka doanh nghiep pablei salih siam. Dom doanh nghiep blei pandap duh tết jeng ye bilan lingik tasik jhak di pulao Quý  hu kadung jien karja tỉnh bayan veik abih yaom jien laba ka dom urang nan

Urak ini, dom doanh nghiệp tame danakdak jeng caga hu ginup pandap piah pablei tết. Công ty Cổ phần pablei salih Bình Thuận khik piah rilo jang 10% duk saong thun dahlau.  Công ty sanya pablei tabiak 5 janih pandap yau : saradang, ia tasau, menyek mbang…tui yaom darak pasar. Langiu di nan, Công ty jeng hu caga rilo dom janih pandap hu blei rilo dalam tuk tet ye : ahan keo, mbia, ia yamen, xang menyek, gas… Siêu thị Co.op Mart Phan Thiết caga pandap khik kajap darak pasar yaom labaih 80 tỷ đồng, dalam nan dom janih pandap  pandar yaok harei meblah labaih 41 tỷ đồng. Công ty Cổ phần lương thực Nam Trung bộ urak ini jeng hu caga dom janih pandap nan lac 200 tấn brah saong dom janih ia tasau yaom jaik 3 tỷ đồng. Ông Lưu Văn Mão, akaok pasak G7Mart - Công ty Cổ phần pablei salih Bình Thuận, lac :Thun ini, meng di bilan 11 công ty hu tabiak bruk  caga pandap panda duh tet Nguyên đán. Yaom pandap  jaik 305 tỷ đồng, dalam nan pandap pandar yaok harei 19 tỷ, langiu di nan daok hu dom janih pandap yau mbia, alak, ahan keo, ia yamen, ia giải khát dom janih. Jalan ngak di Cong ty lac khik kajap yaom, oh caik ka darak pasal tagok yaom, oh caik brei kurang pandap.

-Piah mikva dom xã bhum ceik, bhum glaong dalam tỉnh hu mbuan lagaih blei pandap tết saong yaom bian jang duk saong darak pasal saong chất lượng siam, pasak dịch vụ bhum ceik di mban bangsa tỉnh Bình Thuận meda peih bruk pablei pandap lưu động di dom palei oh hu cửa hàng, đại lý. Ông Nguyễn Văn Chi, Phó akaok pasak Dịch vụ bhum ceik ndom lac :piah duh Tết akaok padai di huyện Bắc Bình, pasak peih bruk pablei pandap ka 4 xã bhum glaong di huyện Bắc Bình lac Phan Tiến, Phan Lâm, Phan Sơn saong Phan Điền. Langiu di nan, pasak duh tết Nguyên đán Bình Thân di dom xã Đông Tiến, Đông Giang, La Dạ di huyện Hàm Thuận Bắc; Hàm Cần, Mỹ Thạnh di huyện Hàm Thuận Nam; La Ngâu di huyện Hàm Thuận Nam oh caik rah tabiak bruk kurang pandap, tagok yaom.)

Meng dom kham merat khik kajap darak pasal di dom doanh nghiệp saong meng bruk patagok pasang iek di dom gah chức năng, bhapbini Bình Thuận hu mbuan lagaih jang piah blei hu pandap tết tui yaom tani tanat saong chat luong siam../.

Thúy Linh