Binh Thuan lac bhum taneh pala phun thanh long prong di abih 

Tui Sở ngak nong song patagok palei pala tỉnh Bình Thuận, meng taneh prong labaih 33.000ha, yaok thun hu labaih 700.000 tấn, Bình Thuận dok lac bhum pala  phun thanh long prong abih di Việt Nam. Urak ni, hu labaih 80% boh thanh long that di tỉnh hu pablei tapa negar Trung Quốc tui jalan tiểu ngạch, dok veik hu pablei dalam negar song sa binah biak sit hu pablei ka negar lingiu tui jalan chính ngạch tapa dom drak pasa kan si tame hu.

Anak meta mboh lac, kayua pagam pambak tame sa drak pasa, bruk ngak pandap hadei di tuk paik mek dok kurang saong oh ka gheih, bruk pambuak gauk ngak haong pablei di urang nong song doanh nghiệp blei tame oh ka hu iek prong… ngak brei boh thanh long di tỉnh Bình Thuận oh tani tanat, rilo urang nong laik tame khat lihik, takik pachreih pala ngak veik.

Lingiu di nan, thanh long pablei tapa negar lingiu rilo meng lac baoh that  nan ye gaok kan kandah dalam bruk khik ramik, abih di nyu nan lac tuk thanh long tasak rilo. Kayua yau nan ye, langui di bruk peih ngak dom jalan paglong siam mekre ka boh thanh long piah peih prong drak pasa pablei tabiak , ye bruk pachreih  patagok bruk ngak cong ngak tabiak dom janih pandap meng boh thanh long njauk hu buh jien tabiak ngak ka nyu lagaih.

Mboh lac rilo cơ sở, doanh nghiệp di tỉnh Bình Thuận dok brei ngak biak dalam meng boh thanh long song mek hu siam lagaih. Dalam nan boh thanh long hadei di tuk tapa chế biến hu ngak tabiak rilo pandap hu menuac blei mbang takre blei, yau: thanh long bluh thu, thanh long dẻo, ia aik song alak  vang meng thanh long. Atau yau bahrau ni, ong Trần Văn Liêm, Yam ndoc điều hành Công ty TNHH ia aik Phúc Hà (huyện Bắc Bình, tỉnh Bình Thuận) khang hatai buh jien tabiak blei jamriak, công nghệ paok asar di negar langui, ngak tabiak asar thanh long pablei tapa negar Hàn Quốc hu yaom  250USD sa kg piah pandar ngak nguyên liệu gah mỹ phẩm song y tế. 

Bruk ngak tabiak rilo pandap panda meng thanh long dok hu mong lac jalan nao lagaih, abih di nyu nan lac tuk thanh long laik yaom, kan pablei. Meng nan oh lac langyah bruk pablei tabiak pak di labik bo dok rik dong ngak tabiak rilo pandap panda song paglong yaom ka boh thanh long.

Sa bruk bui sambai lac bahrau ni, Viện roh duah song patagok pandar dom  hợp chất thiên nhiên hu var ngak bruk song UB bhap bini tỉnh Bình Thuận piah peih danak dak ilamu công nghệ pandar công nghệ JEVA dalam bruk ngak boh thanh long jeng rilo pandap karei di gauk hu chất lượng glong, ginup tanut pablei tabiak negar langui. 

Meng bruk sami samar di doanh nghiệp, karja pak ni song bruk dong ba di dom danak dak ilamu khoa học, công nghệ dok hu mong lac jalan piah ka doanh nghiệp pablei,ngak thanh long di  tỉnh Bình Thuận khang hatai buh jien tabiak ngak, patagok dom pandap bahrau, duah drak pasa, dak harei dak paglaong yaom pandap hu prein khang di tỉnh./.

Urang lang: Hanipha- 3/9