Trang trai thanh long njam patam baoh karaoh Bình Thuận hu padang di xã Hàm Minh, huyện Hàm Thuận Nam di thun 2011 angaok taneh praong 20 hecta. Hadei di 3 thun buh jien tame ngak mbang, ini lac thun camereip trang trại ini paik hu jaik 400 tấn. Ralo meng pablei tapa drak pasar Châu Âu saong rilo taneh ia karei. Thanh long di trang trại hu dom darak pasar negar langiu blei tame kayua hu pala tui jalan GlobalGAP, ngak njauk tui dom tanut chuẩn pablei di darak negar langiu. Ông Võ Tính, Akok jabat Ke hoach pablei tabiak negar langiu – Doanh nghiep tu nhan Njam patam baoh karaoh Binh Thuan brei thau:

“ Kayua urak ini urang blei dak harei dak thau yaom glaong di bruk pandar pandap mbang hacih sa-at. Abih di nyu nan lac urang negar langiu, urang khin pandar pandap siam bingi. Kayua yau nan ye, khol drei brei ngak njauk tui jalan nan meyah khin khik hu suai livik labik pablei baoh kayau njam patam Viet Nam di darak pasar dunya.

Trang trại thanh long ngak tui jalan GlobalGAP nyu karei jang dut saong dom trang trại thanh long karei. Trang trại praong, hu parabha jeng yaok khu, yaok lô piah mbuan tui iek saong tavak veik quy trình kỹ thuật. Di angaok taneh praong 20 hecta, trang trại thanh long GlobalGAP Njam patam baoh karaoh Bình Thuận hu 6 khu meng A tal F. Yaok khu yau nan hu parabha jeng 4 lô. Yaok lo hu 850 got thanh long pala tapak tui talei.

Urak ini, yaok harei 20 urang ngak di trang trại iek glang bein tui njauk jalan ba tabiak, gam khik hu prein yawa ka urang pala, gam khik hu siam ka pandap mbang piah pablei tabiak darak pasar. Kỹ sư Đinh Tấn Linh, Khik iek Kỹ thuật di Trang trại thanh long GlobalGAP njam patam baoh karaoh Binh Thuan brei thau:

“ GlobalGAP jeng hu bruk  kan di nyu. Ka sa, brei ngak njauk ilamu kỹ thuật. Kadua, bruk drei ngak brei rami ramik tani tanat. Bloh daok tavak veik nhật ký bruk ngak yaok harei ka nhu cambaic laic.”

Jeng tui kỹ sư Linh, bruk tavak veik nhật ký tui iek, pruh jru, buh khak…piah khik hu bruk duah thau asal di nyu tuk kaya nong hu kadha hagait gah chất lượng. Kayua ngak catang tui quy trinh  meng bruk ngak taneh, trun pajaih, iek glang tal tuk paik baoh saong khik piah, nan ye jien buh tame pala drak  di trang trại thanh long GlobalGAP glaong jang bein thanh long karei meng 30 tal 40%. Pabak veik, thanh long sa-at hacih pablei tapa darak negar Châu Âu yaom labaih kurang 1 đôla Mỹ, glaong jang baoh thanh long karei.

Hu labaih 25 thun pala saong pablei thanh long tabiak negar langiu, ong Trần Ngọc Hiệp, Phó akok Kapul thanh long tỉnh Bình Thuận mboh lac, tal tuk Bình Thuận njauk pala thanh long tui jalan hacih sa-at - siam ka prein yawa urang blei pandar, meng hu rilo taneh ia blei. Meng thun 2007, Công ty Thanh long Hoàng Hậu di ong hu padang trang trai thanh long GlobalGAP praong labaih 300 hecta di ban sit Thuận Nam saong xã Hàm Cần, huyện Hàm Thuận Nam. Ngan saong taneh pala thanh long tui tanut chuẩn GlobalGAP yau urak ini, cong ty ini daok duah dom darak birau lingiu Trung Quoc. Ong Tran Ngọc Hiep, akok Cty Thanh long Hoàng Hậu, Pho akok Kapul thanh long Binh Thuan lac: 

“Anak tal khol dahlak peih praong tal darak pasar Châu Âu saong domtaneh ia Ả Rập. Kayua nan lac darak blei baoh thanh long tani tanat jang dut saong darak karei.”

Dalam tỉnh Binh Thuan urak ini hu 11 trang trại pala thanh long hu brei chứng chỉ pala ngak tui tanut chuẩn GlobalGAP. Tukvak jaik di ini, dom doanh nghiệp pablei tabiak negar langiu hu angan je di Binh Thuan jeng hu pambuak haong dom labik pablei njam patam baoh karaoh di dom taneh ia Châu Âu. Urak ini, daok sa kan kandah piah thanh long hacih sa-at tame hu darak pasar nan lac bruk pajeng tui jalan tasik biak atah, lavik harei, baoh bruk khut rilo. Anak tal, meng bruk pandar cong nghe khik piah siam jang, thanh long hacih di Binh Thuan hu jalan pablei khang di darak pasar Châu Âu saong rilo taneh ia di dunya./.