Binh Thuan patagok pasang iek pandap mein doc hai hu asal meng Trung Quoc.

Tukvak jaik ini, dalam tinh Binh Thuan rah tabiak rilo mbang patuh ngak mbaih rup saong ngo doc meng pandap mein uranaih hu asal meng Trung Quoc, ngak kan kandah praong tal pren yava saong suan thap uranaih. Anak bruk yau nan, dom gah chuc nang di tinh Binh Thuan brei patagok pasang iek saong xu ly bruk ngak suan. Kadha vak di urang pambuak bruk The Nhan.

Barau di abih, harei 13/5, di sang bac pakat 1 Tien Thanh, ban sit Phan Thiet, tinh Binh Thuan rah tabiak bruk ngo doc hoa chat ngak ka 43 anek saih pandik akaok, huyn akaok, glon ta-ok njauk tame sang iek ruak. Makna camereip hu brei thau lac kayua dom adei ngak pacah pandap mein hu ia gah dalam hu asal meng Trung Quốc.

Anak bruk mboh rilo pandap mein hu asal meng Trung Quoc ngak kanjak jhak tal pren yava jeng ye akaok sahaneng di uranaih, gah pato megru Binh Thuan hu ba tabiak rilo jalan ngak piah trun takik bruk blei saong pandar pandap mein doc hai tapa bruk kakei amaik ame saong anek saih oh blei saong mein dom pandap mein oh thau cambaih asal di nyu. Ông Mai Xuân Bá- akaok Sở pato megru Bình Thuận brei thau :“ Meng lavik mai, kol dahlak hu tacei pato ka bruk ini. Dom pandap mein blei meng pakat bac mam non tal pho thong brei hu harak brei thau asal di nyu, njauk tui tanut, njauk bruk ba tabiak”

Urak ini, urang blei di Bình Thuận jeng hu salih bruk pilih ruah pandap mein ka uranaih. Salih ka bruk blei dom pandap mein Trung Quoc, urang hu caik hatai sangka jang tal chat luong saong tanut an toan di pandap mein hu angan Biet Nam. Amuk Trần Lệ Anh, daok ruah blei pandap mein ka anek ndom lac :“Trung Quốc hu rilo janih pandap, mau ma, gheih, mekre min, oh khik huan toan yau pandap Biet Nam di drei. Pandap Biet Nam pandap chat luong, pandar jeng kajap saong siam”

Tui kuhria mboh, meng akaok thun 2014 tal ini, Chi cục khik ramik darak pasal Binh Thuan hu peih bruk pasang iek 42 labik pablei salih dom pandap mein uranaih, duah mboh 6 vụ ngak suan saong taong phat abih tih labaih 30 trieu dong. Dalam nan dom vu ngak suan pataom rilo meng lac dom pandap mein uranaih hu tính bạo lực, pandap pakauk saong pandap oh thau cambaih asal di nyu. Ông Tiếu Hoa Năng- Akaok Chi cục khik ramik darak pasal Bình Thuận hu panuac kakei dom amaik ame tuk ruah blei pandap mein ka anek “ Takik blei pandap mein uranaih bahrau, hiện đại, hu sambo hadah tanyak, dom janih drei oh ka thau cambaih tinh chat saong anh huong di nyu yau habal? Hu yau nan meng khik caga hu pren yava, suan thap di uranaih saong urang blei./.

Thúy Linh