Huyen pulao kaoh Phu Quy, tinh Binh Thuan atah di baoh taneh 56 hải lý, nan lac  labaih 100 km. Piah tame tabiak pulao kaoh, bhap bini brei nao gilai abih 6 mong. Urak ini, bruk nao mai jeng yau pajeng ba pandap panda meng baoh taneh saong kaoh pulao biak rilo min dom kapal gilai ka oh pabak hu.. Kayua yau nan ye, dalam tukvak tapa bhian rah tabiak bruk pajeng biak rilo jang, ngak kan kandah tal raidiuk jeng yau bruk pajeng ba pandap pandar di mikva saong tuk halei jeng mbuan gaok bala angaok dom baoh kapal gilai.

Tui bruk ba tabiak, gilai Phu Quy 07 tabiak meng cảng ikan Phan Thiết di tuk 11 jala pandiak. Min tal tuk peih, gilai nan oh tabiak hu kayua Cảng vụ jalan tasik Bình Thuan saong Bộ đội biên phòng oh brei adat. Kayua gilai nan pajeng tapa tanut brei adat, rilo manuc jang tanut brei pajeng. Angaok gilai hu tal jaik 200 urang dalam tuk nan adat brei pajeng 150 urang min. Lingiu boong gilai pambuk glaong rilo pandap panda, pandap ngak sang danaok, pandap pandar karei karei…bak katil, tok hu sa jalan sit piah urang nao mai. Gah dalam, urang daok dala, urang ndih dak gauk, mboh yau thei jeng bhian randap saong bruk nao mai di gilai yau ini oh mboh thei haduh hatai. Sa-ai Nguyễn Chí, daok di xã Long Hải, huyện pulao kaoh Phú Qúy lac: “ Hu tuk langik hangin khang ye kan kandah hasit, langik joa kandang ye mbuan nao, jeng hu tuk gilai ralo, gaok tuk hu takik gilai. Ao phao hu po gilai caga ginup. Dalak mboh sahanang hatai tuk tame tabiak meng gilai in”i.

Sa-ai Trần Thị Loan daok di ban sit Vũng Tàu bhian nao tabiak pulao Phú Qúy pablei salih brei thau, sa-ai biak sahanang hatai kayua gilai karja peih ye nyu salamat ye: “Gilai karja ye nyu hu salamat kayua nyu pajeng biak rilo menuac, oh lac bruk sit.  Nao yau nan bo oh tuk halei mboh haduh hatai. Kayua gilai hu ao phao, meng dahlau mai oh hu bruk hagait, tuk halei jeng mboh sahanang hatai, tagok gilai bloh  nao tal labik”.

Nan lac bruk bhian mboh dalam tuk vak jaik di ini, tuk bruk  nao mai di bhap bini tame tabiak pulao kaoh dak harei dak rilo. Tui dom urang po gilai, bruk urang pajeng rilo manuac jang tapa tanut ba tabiak kayua khin daong ka mikva, kayua urak ini mikva nao mai biak rilo, min dom gilai ikan oh pabak hu. Meyah oh nao hu mbang ini ye njauk cang tal 1 harei,  2 harei hadei meng hu gilai nao, yau nan nyu ngak kan kandah tal raidiuk, nan oh ka ndem tal pandap panda meyah oh pajeng nao njauk tukvak mbuan ba tal caik pambuk di pabah lamnge . Ong Nguyễn Thanh Xuân, urang peih gilai Phú Quý 07 lac: “ Oh nao harei paguh labaih, harei diah daok labaih rilo jang. Kayua labik ni  sa harei peih sa mbang, meyah oh hu yau nan Phu Quy oh hu thei nao tal. Urak ini, thei jeng khin nao ye thei nao, thei daok veik. Gilai ini siam mekre, khang kajap, ao phao hu ginup abih. Gilai peih jalan ini hu karja daong yaom ye peih gam gam hu. Brei cadu hasit, meyah ngak njauk tui dat  ye mbuan padeih abih”.

Ong Đỗ Lý Hiền, akok hop tac xa pajeng ba tasik Phu Quoc daok brei thau lac: “ Halei bhian yau nan, meyah mbang ini blaoh hu mbang karei ye mbuan paje min harei nao harei padeih yau nan ye drei daong ka urang piah sumu bruk nao mai. Siam mekre salamat nan lac bruk praong, khik ka pahu”.

Anak meta mboh lac, rilo urang tuk oh tagok gilai hu ye jeng duah jalan piah ndik gilai pajeng ikan, gilai nao blei ikan piah tabiak pulao kaoh. Bruk mbuan gaok bala di dom gilai nan nyu rilo jang tuk oh hu ginup ao phao, phao kuan tangin…

Ndem biai nao mai ka bruk nan, urang lambaok vakil Sở Giao thông vận tải Bình Thuận taduan lac, bruk pajeng biak rilo jang angaok jalan tasik tame tabiak Phan Thiet – pulao kaoh Phu Quy nan lac bruk meng lavik mai paje. Tui jalan ini urak ini hu 4 gilai nan lac: Phú Quý 07, Quê Hương 02 di tư nhân saong dua gilai Bình Thuận 16 saong Bình Thuận 18 di karja. Kuhria taong abih prein pajeng ba labaih 600 urang saong 250 tấn pandap. Min, Mban khik iek cảng Phú Qúy  nan lac đơn vị hu brei bruk parabha harei peih gilai meng baoh taneh tabiak pulao kaoh saong gilac veik. Kreh thun bloh, tui jalan ini hu sa gilai cao tốc pajeng hu 270 menuac nan lac gilai Sasanna di công ty Khải Thịnh, Kiên Giang min tuk ba nao pasiam veik ye nyu karam di bilan 2 meng bloh.

Anak bruk pajeng ba rilo jang tanut ba tabiak,  Sở Giao thông vận tải Bình Thuận hu peih ngak rilo jalan piah langyah. Jalan ngak di Sở nan lac khik caga ka pahu siam mekre salamatsalamat ka taong abih tuai damuai. Yau nan ye, Sở giao thông hu harak pambuak bruk haong bộ đội biên phòng saong Cảng vụ hàng hải oh brei gilai peih tabiak meyah pajeng biak rilo jang, pajeng manuac tapa tanut, gam brei dom gilai karei mai daong pajeng. Ngan saong dom mikva  bhian nao tui gilai pajeng ikan, gilai chap ikan, Sở Giao thông vận tải hu tacei dom kapul pasang iek gah jaln mbak pambuak bruk saong cảnh sát tasik, bộ đội biên phòng meyah hu mboh oh brei gilai peih tabiak. Taphia di nan, pambuak bruk saong Ủy ban bhap bini huyện pulao Phú Quý pathau khan brei bhap bini thau, oh nao mai tui gilai taong chap ikan yau nan piah khik hu salamat. Daok jalan ngak suai lavik, ong Nguyễn Tiến Luật, akok jabat pajeng ba saong urang peih gilai, Sở Giao thông vận tải tỉnh Bình Thuận lac:  “Suai lavik gah Giao thông vận tải jeng hu Rajaei saong Mentri brei adat ngak gilai birau, hiện đại peih hu salamat dalam tuk hangin khang pakat 7. Urak ini jeng daok peih bruk đấu thầu piah padang ngak cảng birau piah pabak siam ka gilai mai pataok tame, brei hu labik piah pasang iek, piah duh ka bruk trun, tagok, pablei harak vé hu mbuan lagaih jang. Tuk ngak salah blaoh bruk ini, bruk gilai peih tabiak nao, khik ramik tani tanat meng  angaok thu tabiak pulao kaoh hu siam mekre jang”.

Gah jalan mbak, pajeng ba tỉnh Bình Thuận tuk halei jeng halan hatian caga raok dom doanh nghiep dalam saong langiu tinh tame ngak mbang gah pajeng ba di tuyến ini. Caong khin lac meng dom jalan ngak yau nan, bruk pajeng ba tuai damuai, pandap panda meng baoh taneh saong huyen pulao kaoh Phu Quy hu siam mekre, njauk adat hukum, pabak hu bruk pajeng ba saong khik hu salamat, abih di nyu nan lac dahlau di bilan hajan ribuk jaik tal mai./.