Tuk mai tal ga Sài Gòn song duah blei harak radaih pui nao Quảng Ngãi papan ndih harei 28 bilan mat, khol hulin hu sa nyaom labaih 5 urang, likei hu, kumei hu, daok di anak pambah mbang tame ga khan lac, hu 2 janih harak lac ngồi mềm, nao melam, radaih SE4 nao Đà Nẵng yaom 1trieu 200ribau đồng atau nao tuk jala pandiak, ngồi cứng, điều hòa, SE30 nao Đà Nẵng, yaom 1 triệu 120 ribau đồng. Nan lac oh ka kuhria yaom jien 250 ribau đồng ka ghe dok ala song 300 ribau đồng ka ghe ndik bayar ka “cò”. Tuk khol hulin tangi sua: “ hu harak papan ndih halei oh, urang ieu blei harak papan ndih tal gah angaok nao Huế yaom 1 triệu 600 ribau đồng, bloh tal gah Quảng Ngãi ye trun. Tui panuac di dom urang ni, urang pablei harak biak song mbang jien hoa hồng min. 

Kamuan khin hu harak ndih cei mboh daok harak nao Huế min, harak ndih Quảng Ngãi oh dok.  Harak ni lac harak biak oh lac vé j. Ini lac pablei salih biak, tok mbang jien hoa hồng  min

Jalan ngak di dom urang nan, lac: tuk hu tuai duah blei, kol nyu ngak yau daok ieu phone ka “ đại lý” halei nan, sua dok harak halei oh? Meyah  dok ye hu menuac ba harak mai gam chứng minh nhân dân photo angan urang angaok harak. Meyah urang blei njauk hatai mek harak ni, kol nyu tacei lac“ Tuk tagok radeih nhân viên tok quét qua mã code, urang blei sahaneng hatai kayua ni lac vé biak, karei angan min” Sa urang dalam nyaom dok sinya ba khol hulin tagok tal toa radaih song dok la cang tal tuk radeih nduac.

Adei huac ye  tabiak dahlau sa tuk, hu ba tagok radaih, dok la menyum ia ndom nyai song gauk. Harei 28 lac harei puac ye dok la me-in menyum café. Tuk radeih peih adei tagok toa, kiểm soát harak lac bloh ye. Blei mek mbuan jang, blei harak biak kan.

 Oh lac gah langiu pambah mbang, di labik jiak phòng vé dalam sang ga, tok pataok radeih mong iek taom dar ye hu rilo urang mai tangi sua blei harak radaih pui nao tết halei oh. Bruk ni jeng rah tabiak dalam phòng vé.

Ndom nyai haong kol dahlak ka bruk ni, ong Đỗ Quang Văn, giám đốc dhar pajeng ba jalan pasei Sài Gòn brei thau: meng harei 1/9/2015, jalan pasei Việt Nam hu salih bahrau nan lac salih meng harak baar ( gam hu yaom yau hóa đơn giá trị gia tăng) tapa vé tàu điện tử. Bruk ni hu makna lac tuai oh cang tabiak ga piah blei harak, bo meda blei tapa mạng bloh  tự in tabiak thẻ tagok radeih pui. Tuk tut angan blei harak, brei khan cambaih angan di drei song tuk tagok radeih brei ba tui harak gar, bản chính, piah đối chiếu. Ong Đỗ Quang Văn, giám đốc dhar pajeng ba jalan pasei Sài Gòn lac:

Meng bruk pablei harak yau ini meyah  urangblei vé di gah langiu, ye lihik jien kayua oh tagok hu radeih. Khol hulin cong tuai damuai ma-ah brei meyah oh blei hu harak kayua khol hulin hu peih bruk pablei harak ini biak avar, caga bih phương tiện min oh pabak  hu hatai cong khin di urang nao radaih  

Ong Văn jeng brei thau, urak ni yaok harei hu dom rituh harak hu bayar veik kahe65 thống mạng www.dsvn.vn.Ni lac dom harak bo tuai blei dalam tuk vak tabung glong meng 20 tal 28 bilan mat, min urang oh nao nan ye bayar veik song tuai halei khin meda blei dom harak vé piah nao./.