Bộ đội Biên phòng pathau khan paglaong ilamo pacang caga jit 

Dalam rilo bilan tapa, bhap bani bhum tapen tasik yau bal sit Vĩnh Châu, huyện Trần Đề… tỉnh Sóc Trăng biak bhian randap haong sap loa di Bộ đội Biên phòng Sóc Trăng. Meng sa baoh loa pan nao mai, sa USB hu dom asal kadha saong radaih moto 2 baoh, sap loa Biên phòng hu ba dom Chỉ Thị di Thủ tướng Raja-ei, Ủy ban bhap bani tỉnh saong dom harak gar pambuak tal bruk pacang caga jit Covid 19, atau khan brei mikva thau ka dom bruk mbuan njom mbak jit ruak tabiak bol bhap rah ra .

Di dom bhum palei hu rilo bhap bani bangsa takik, sap loa Biên phòng gam hu sap Yuen gam hu sap Khmer piah ka mikva mbuan thau. Meng nan, samar paglaong akaok saneng, jak gauk pacang caga jit ruak ka nyu siam. Tui Trung tá Trần Thanh Lấm, Chính trị viên Đồn Biên phòng Lai Hòa, Bộ đội Biên phòng Sóc Trăng, Sap loa Biên phòng yaom lac jalan ngak biak mbuan mbiah saong abih takik jien padai, min ba mai kein laba glaong, abih di nyu lac di dom labik prong, jalan mbak nao mai kan kandah, dom loa papar sap di xã oh pabak ginup, sap loa Biên phòng muan ba dom kadha pacang caga jit tal bhap bani. Langiu di bruk pathau khan nao mai, đồn biên phòng Lai Hòa daok pambuak haong Kapul urang kamei xã Lai Hòa, kapul dam dara, mBan bhap bani dom palei pathau khan tal dom ong bhik di dom baha, labik daok di bhap bani, darak pasar, baoh sang piah ba gauk pacang caga jit ka nyu siam. Biak rilo siuk pabang mbaok hu Đồn Biên phòng Lai Hòa pambuak haong dom kapul nyaom jhik piah brei saoh ka mikva, ba gauk pacang caga jit ruak. Trung tá Trần Thanh Lấm, brei thau: “Tuk bo khaol drei peih bruk brei daok atah gauk ye bruk taom gaok mikva, puk palei lac biak takik. Meng nan drei pandar loa piah pathau khan tal bhap bani. Drei papar sap pak ini blaoh ye drei nao tapa labik daih, ye kadha pathau khan meda nao tal yaok canah jalan, yaok baoh sang, yaok bhap bani drei. Dom urang ngak di langiu hamu atah jeng meda pang mahit hu. Kadha nan jeng ba mai rilo siam lagaih.”

Xung Thum lac palei hu rilo bhap bani Khmer, bhian pataom gauk pablei salih jeng darak tui puk tui palei. Meng tuk jit ruak Covid-19 tamuh tabiak, taong abih urang pablei salih, urang blei pandar thei jeng caik hatai tal bruk cuk siuk pabang caambuai piah pacang caga ka rup drei jeng yau ka bhol bhap rahra. Rilo mikva daok hu likau Đồn Biên phòng dom blah siuk pabang cambuai kayua jabat ini jhik piah ba mai brei ka gauk gar dalam sang pandar tuk nao tabiak jalan. Amuk Lý Thị Hương, urang daok di xã Lai Hòa, bal sit Vĩnh Châu, tỉnh Sóc Trăng, khan lac: “Dom cei biên phòng mai pathau khan, brei siuk pabang mbaok ka bhap bani, khaol dahlak biak thau dhal phol dom cei, tuk camereip bhap bani oh thau cambaih ka jit ruak meng tuk hu dom cei biên phòng saong karja puk palei pathau khan ye mikva bhap bani hu thau cambaih jang ka jit ruak. Drei daok pathau kan ka anek taco dalam sang thau piah khik ramik hacih sa-at, mbang tasak menyum pandiak, khik hacih sa-at rup babhap, rao tangin meng japon.”

Daok di dom labik yau xã Trung Bình, bal sit Trần Đề, huyện trần Đề, sap loa di bo đoi biên phòng jeng hu papar sap gam gam piah ka mikva paglaong akaok saneng saong peih ngak siam dom bruk pacang caga jit Covid 19. Abih di nyu lac, dalam tuk rah tabiak dom harei rija, roya di bhap bani Khmer yau Chol  Chnăm Thmây, Sel Đôl-ta, atau Adat Nghinh Ông di bhap bani taong ikan Cảng Trần Đề. Ini jeng lac dom bruk ngak prong pataom rilo manuac sia, kayua yau nan ye bo Ban tacei pato pacang caga jit saong Đồn Biên phòng hu pataom tame jak ba mikva uan raok Aadat ka nyu laghaih haong bruk negar pataom tame pacang caga jit Covid 19, plaih njaom pambak tabiak bol bhap raha.Trung tá Trương Minh Hùng, Chính trị viên Đồn Biên phòng Trung Bình, Bộ đội Biên phòng Sóc Trăng, brei thau: “Jabat hu panuac ka Ban tacei pato huyện Trần Đề saong hu mbaok tame daa saong ngak bruk haong taong abih dom labik thờ tự, baha, Ban quản trị... piah brei thau cambaih ka bruk pacang caga jit ruak, pathau khan ka phật tử ngak siam dom sarak tacei ba di Raja-ei dalam bruk pacang caga jit.”

Tui jalan ngak lac “pacang jit yau pacang khamang”, urang lin biên phòng Sóc Trăng tuk halei jeng ba akaok nao dahlau dalam bruk pacang caga jit ruak Covid-19, plaih njaom mbak dalam bhap bani. “Sap loa biên phòng” atau dom blah ba-ar, blah siuk pabang cambuai …  di bol lin Biên phòng daok rik daong tame bruk pacang caga jit ruak, ba mai siam mekre ka bhap bani bhum tapen negar saong rahra dalam taneh aia./.

Urang lang: Jasi – 22/12