Muk  Ngô Thị Kim, umo 56 thun, daok tỉnh Bình Dương ruak u tuyến giáp, tame iek ruak di Sang iek ruak Ung bướu TPHCM saong hu blaic raih di harei 31/12/2020. Hadei tuk blaic riah, muk tut angan ndih iek ruak dịch vụ, hu BHYT bayar 200 birau đồng jien ndih iek ruak yaok harei, tok bayar jien langiu di nan:

“Urak ini hu hukum nan biak uan tabuan. Hu peih praong jalan tame iek ruak ye lagaih siam ka taong abih urang, daong urang rauk hu lagaih jang. Biak thau dhar phol karja hu sarak nan, daong ka bhap bini.”

Rilo urang ruak meng rilo bhum palei karei di gauk tame iek ruak di Ban raya HCM bui sambai tuk ndih iek ruak hu BHYT bayar jien. Yau nan min, tuk urang ruak hu taduan kein laba rilo, yek mbuan ba tal bak menuac mai iek ruak tapa prein di dom sang iek ruak. Tiến sĩ – Bác sĩ Diệp Bảo Tuấn, Phaok Yam ndoc Sang iek ruak  Ung bướu Ban raya HCM brei thau, ta-eng urang ndih iek ruak yaok harei hu meng 500 - 600 urang, dalam nan 15% lac BHYT karei labik iek ruak. Meng ini, 15% urang iek ruak karei labik hu bảo hiểm bayar jien. Yau nan kadung jien BHYT thun ini di sang iek ruak meda tagok 10 tỷ đồng dut saong thun dahlau. Tiến sĩ – Bác sĩ Diệp Bảo Tuấn haduh hatai lac:

“Urang ruak tame rilo ye brei daok cang. Ngak bruk gam gam bo njauk daok cang, gaok tuk brei urang ruak tapa sang iek ruak karei. Sa adit sang iek ruak blaic raic labaih 700 mbang urang”.

Meng bruk brei peih jalan iek ruak BHYT, sang iek ruak pakat ala mbuan oh hu thei tame iek ruak, pakat angaok ye taprein ngak bruk meyah urang ndih iek ruak tagok rilo, ba tal bruk ndih jaik gauk, mbuan njom mbak ruak, takik njauk hatai urang ruak. Anak bruk nan, Sang iek ruak Ung bướu Ban raya HCM brei tabiak bruk lac urang halei hu tame ndih iek ruak piah ka dom bác sĩ iek tui nan taduan urang ruak tame jru ruak, pambuak saong dom sang iek ruak piah ba urang tapa sang iek ruak karei atau trun takik urang iek ruak meyah urang ndih iek ruak ralo. Bác sĩ Chuyên khoa 2 Hồ Văn Hân, Phaok Yam ndoc sang iek ruak Nhân dân Gia Định brei thau, sang iek ruak ini hu pasang iek veik jalan taong ruak, tanut brei tame ndih iek ruak, patagok bruk pandar cong nghe thong tin dalam iek ruak. Hadei di tuk jru dhit ruak brei ba urang ruak trun pakat ala piah taong ruak patui di nan:

“ Tuk urang ruak eng drei mai iek ruak tui hatai bo oh njauk tui sang iek ruak hu tut angan, dahlau di tuk ba tame sang iek ruak ye brei tapa dom mbang dut iek ruak piah mboh lac njauk ba tame ndih iek ruak atau oh.”

Muk Nguyễn Thị Thu Hằng, Phaok Yam ndoc Bảo hiểm Xã hội (BHXH) TPHCM brei thau, piah ngak njauk tui jalan ba tabiak di sarak hukum pambuak tal BHYT, khik siam dom jalan brei trun takik manuac ruak ka sang iek ruak, Sở Y tế saong jabat BHXH brei pambuak gauk, tui iek bruk iek ruak di dom sang iek ruak. Meng nan sumu tacei tabiak, pok tagok Mentri Y tế saong BHYT Viet Nam brei kuhria pabak phun jien iek ruak, jru ruak BHYT ka dom sang iek ruak ini:

“ Sarak ini daok dalam jalan ngak di BHYT taong abih bhap bini, piah hu mbuan lagaih , trun takik harak gar ka bhap bini tuk ruak kik njauk taong ruak. Yau nan min, meyah pataom tame di dom sang iek ruak pakat ngaok ye jeng oh sumu hu bruk jru ruak kayua kurang gru jru, laneing ghaiy ndih iek ruak ye biak rilo kan kandah ka drei”.

Sarak peih jalan iek ruak BHYT ba mai rilo kien lagaih ka bhap bini, yau nan min, tok brei ka dom urang tame ndih iek ruak. Urak ini, dom sang iek ruak pakat ala di Ban raya HCM hu mbaok tame rilo danka dak, daong dom sang iek ruak di dom tỉnh iek ruak meng atah, jao brei bruk pato pakai ky thuat…Kayau yau nan ye, bhap bini njauk nao iek ruak di labik drei daok, takik abih jien, takik lahik tukvak cang, gam rik tame bruk paglaong ilamu di sang iek ruak tỉnh drei./.

Urang lang: Aí Nghiêm - 14/1/2021