Dalam 4 nghệ nhân ưu tú di ban sit Cần Thơ bahrau taduan hu angan ye nghệ nhân Minh Thơ (angan biak lac Nguyễn Bá Thế) lac urang praong thun di abih (menek thun 1947), jeng lac urang kak kajap haong Đờn tài tử saong sân khấu cải lương livik thun di abih (jiak 50 thun, meng thun 1966 mbiah tal harei ini). Ong tabiak meng kháng chiến taong Mỹ, lac diễn viên chuyên nghiệp, bhian ngak kép chính saong ngak Phó đoàn Văn công tỉnh Cần Thơ. Dom urang gru camereip di nghệ nhân Minh Thơ lac aruah soạn giả Thanh Nha, đạo diễn Nhị Hà saong gru pato thanh nhạc Duy Nải.v.v... Tal harei ini, ong mek hu rilo giải thưởng sáng tác, patabiak hu 3 baoh tapuk pato bac saong kadha daoh tài tử gam saong 14 kadha roh duah ka đờn ca tài tử hu in angaok dom báo di ban sit C.Thơ saong bhum taneran kraong CL. Brei thau bruk bui sambai tuk taduan mek hu angan nghệ nhân ưu tú dalam mbang camereip, nghệ nhân Minh Thơ lac:  “Meda lac lambaok di ban sit Cần Thơ hu taduan mek mbang camereip ka bruk khik ramik saong cakrok ĐCTT. Hu yau nan, kol dahlak njauk kham merat jang piah khik ramik saong cakrok ĐCTT rilo jang.”

Dom nghệ nhân ưu tú daok veik lac Trường Út (nan lac Phan Văn Út – menek thun 1975); Kiều Nga (lac Nguyễn Thị Kiều Nga – ndih tapui thun 1974) saong Ái Hằng (lac Nguyễn Thị Thúy Hằng – menek thun 1978) jeng lac dom urang praong tagok dalam saman sron mbon, hòa bình. Nghệ nhân Kiều Nga urak ini lac Phó Giám đốc Pasak Ilamu -Thể dục -Thể thao quận Thốt Nốt. Dua nghệ nhân Trường Út, Ái Hằng tuk halei jeng hu mbaok dalam dom bruk ngak di Kalup kapul Đờn ca tài tử Tây Đô, Pasak ilamu quận Ninh Kiều, Pasak ilamu Cần Thơ saong pambuak bruk haong dom danak daoh tamia bangsa di rayo papar sap, papar binguk ban sit Cần Thơ, rayo papar binguk dalam bhum… Nghệ nhân ưu tú Nguyễn Thị Kiều Nga brei thau:“Hadah mbaok meta lô, jeng uan tabuan ka taong abih dom adei sa-ai nghệ nhân hu mbaok me-in gah ini. Biak uan tabuan saong jeng lac bruk pachreih ba ka urang tame me-in ĐCTT rilo jang. Dahlak sahneng lac anak tal ĐCTT meda cakrok khang.”

Meng thun 1975 mbiah tal urak ini, gah ilamu tỉnh Cần Thơ (klak), ban sit Cần Thơ urak ini biak sangka peih ngak dom bruk daong ka đờn ca tài tử cakrok. Tui nan, dom puk, palei, khu dân cư ilamu hu pabak brei alat ragam piah padang kapul, nyaom daoh tamia. Yaok 3 thun sa mbang, ban sit peih harei pataom đờn ca tài tử piah padang mblang me-in ka dom kapul, nyaom saong pachreih patagok bruk ĐCTT. Meng thun 1990, tỉnh Cần Thơ hu peih bruk pilih ruah urang daoh bingi pang, urang paik capi gheih..v.v… Tui kuhria mboh, tal urak ini dalam ban sit Cần Thơ hu jaik 250 nyaom, kalup kapul đờn ca tài tử praong, sit hu labaih 1.200 nghệ nhân.

Dom thun jaik di ini, raidiuk palei pala di ban sit Cần Thơ hu rilo salih bahrau, dom kalup kapul hu mbuan lagaih piah peih praong saong ba tame duh ka du lịch, ka sinh hoạt, ka rilo bruk praong. Dam dara anek saih jeng hu pato piah thau, piah anit saong khik ramik ilamu di ong muk caik veik. Thạc sĩ – nhạc sĩ Huỳnh Khải – akaok Khoa Âm nhạc bangsa, Nhạc viện ban raya Hồ Chí Minh mboh lac: “Tui hatai sahneng di dahlak, meyah duk saong dahlau thun 1975 ye urak ini hu biak rilo nghệ nhân, quận halei, huyện halei, xã halei jeng hu kalup kapul. Meng nan nyu patagok chất lượng di dom urang me-in ĐCTT. Di ban sit Cần thơ ini daok hu biak rilo menuac joi yau ye sa-ai Minh Huấn, sa-ai Minh Phú, bloh tal dom urang biểu diễn chuyên nghiệp yau sa-ai Trúc Linh – NSƯT saong rilo urang hu mbaok tame janih ini. Tui dahlak mboh chất lượng ĐCTT duk saong 10 thun, 15 thun dahlau di tuk hu Sarak TƯ Đảng mbang ka V ye siam jang biak rilo.”

Dom nghệ nhân daok ngak gah khik ramik inem krung đờn ca tài tử Nam bộ biak uan tabuan tuk janih daoh ini hu jeng inem krung ilamu phi vật thể di menuac sia dunya, saong Karja peih bruk pok brei dom angan nghệ nhân bhap bini, nghệ nhân ưu tú. Dalam mbang pok brei angan mbang camereip, Cần Thơ hu 4 nghệ nhân ưu tú. Yaok urang dalam dom urang nan dak mboh uan tabuan, hadah mbaok meta, kham merat buh pren yava tame ka ĐCTT./.