Sa sào taneh pala nho hijao di ong Nguyễn Trường Chế di phường Mỹ Hải, ban Phan Rang – Tháp Chàm, tỉnh Ninh Thuận hu pala tui jalan VietGAP, min tal harei paik baoh njauk tuk langik hajan gam gam saong jit ruak Covid-19 rah tabiak khang ngak ka ong Chế duh hatai. Yau nan min, bruk ngak ka ong Chế bui sambai nan lac taong abih nyo di sang ong hu HTX Nho Evergreen Ninh Thuận blei haong yaom 27.000 đồng sa kilo.

Kayua hu dom urang njom ruak Covid-19 dalam bhap bini nan ye bruk nao mai di mikva palei Tuấn Tú, xã An Hải, huyện Ninh Phước, tinh Ninh Thuận njauk pacang veik, tui nan bruk pablei, pajeng ba măng tây xanh jeng biak kan kandah. Min kuhria rah tapa yaok harei, HTX Tuấn Tú, xã An Hải, huyện Ninh Phước jeng daok blei meng 300 tal 400 kilo măng tây xanh di dom urang dalam HTX, yaom meng 35.000 tal 40.000 đồng sa kilo.

Birau ini, HTX Tuấn Tú hu tut angan haong Sở Ngak nong saong Patagok palei pala ba măng tây xanh yaih khan angaok dom blah web pablei salih, daong ka bruk pablei kaya nong hu mbuan lagaih jang, meng nan, daong khik hu bruk ngak ka urang ngak nong. Dalam tuk jit Covid -19, yaom lac măng tây xanh trun labaih 10 ribau đồng sa kilo dut saong tuk dahlau di tuk hu jit min meng 5 sào taneh pala măng tây xanh, yaok harei sang  ong Lộ Trung Tài mek jien tame hu 1,2 trieu đồng.                 

Ninh Thuận hu 74 HTX, Sở Ngak nong saong Patagok palei pala tỉnh hu pambuak saong dom puk palei padang hu 24 chuỗi pambuak gauk di dom HTX piah pabak song pablei, pamuak bruk pablei kaya nong ka urang ngak nong. Gam haong nan, dom HTX bhian pambuak bruk haong dom doanh nghiep khik kajap meng bruk ngak tabiak tal bruk pablei kaya nong. Nan ye, dalam tuk jit ruak Covid-19, rilo urang ngak nong oh daok haduh hatai ka bruk njauk urang blei kateik yaom.

Yaom lac kan kandah kayua jit ruak, min meng thau kuhria dahlau di dom HTX dalam pambuak bruk haong doanh nghiep piah pablei kaya nong, abih di nyu lac dom pandap di Ninh Thuan daong ka mikva urang nong dalam tỉnh pablei hu kaya nong. Meng nan, urang hu jalan daong ka gauk dalam bruk ngak mbang saong dalam raidiuk, ba gauk yam tapa kan kandah kayua jit praong Covid-19./.

Urang lang: Ai Nghiem -28/10/2021