Patui bruk di palei lac labik hu rilo njam baok tamuh rah tui takai krong Cái Lớn, atah di ni 2 thun, saai Lâm Thị Lệ Trang hu dang tabiak jak ba dom adei saai dalam kapul urang kamei palei 7 padang nyaom ba gauk taduan pak dom janih pandap meng njam baok ka dom công ty piah pablei tabiak negar lingiu. Mboh hu kein lagaih di bruk ngak ni, Kapul likau padang nyaom pambuak bruk ngak thủ công mỹ nghệ jao ka saai Trang dang akaok song 42 urang kamei pataom mbaok tame saong dong ka yaok urang meng 2 tal 3 triệu đồng phun jien. Saai Lâm Thị Lệ Trang, akaok nyaom pambuak bruk ngak thủ công mỹ nghệ xã Vĩnh Hòa Hưng Bắc  brei thau:

Tuk camereip hulin jeng bac mergu, hadei di nan, dom adei saai dalam palei hu jak ba dom xã di huyện Gò quao, piah padang ngak tui jalan hu kein liba glong. Ba bruk ngak ka urang tuk daok saoh, meda gam ngak gam iek tivi jeng ngak hu.

Meng bruk ieu patom dom urang kamei tame ngak mbang haong gauk, nyaom pambuak bruk hu ba bruk ngak ka adei sa-ai tuk daok saoh, yaok urang yaok harei duah hu meng 50 ribau tal 100 ribau đồng. Labik pablei song pandap pak jao ka urang dang akaok, dom hội viên tok taduan pak pandap. Tui kuhria sa bilan nyaom pambuak bruk mek tame hu labaih 40 triệu đồng. Rilo urang meng nan yam tagok tabiak truh kan kthaot. Saai  Nguyễn Thủy Giang, daok di palei 7, xã Vĩnh Hòa Hưng Bắc brei thau

Meng thun 2010 hulin lac sang kan kathaot, meng tuk hu mesraiy phun jien dalam nyaom ngak njam baok ini, hulin mboh boh sang hu ginup mbang cai, jien duah hu sa bilan labaih 1 triệu đồng hu dong mbang cai dalam sang, anek bhik hu nao bac daa song urak ni hulin hu tabiak truh kathaot.  

Taphia bruk kein lagaih lac pambuak bruk song doanh nghiệp, pato pakai paglong tangin gheih ngak saong ba bruk ngak ka urang kamei, nyaom pambuak bruk dok hu peih ngak rilo bruk kayua kapul urang kamei ba tabiak yau : bruk rong pabui haluk, jeik brah anit ranam, piah hu jien ngak bruk saong dong ka dom urang kamei tuk gaok kan kandah. Saai Nguyễn Thị Kịch, urang dalam nyaom pambuak bruk ngak thủ công mỹ nghệ xã Vĩnh Hòa Hưng Bắc brei thau

Tuk adei saai jak ba ye yaok harei drei rik tame 5 ribau đồng, sa bilan hu 150 ribau đồng, tuk adei saai halei gaok kan kandah khin nyim ye drei brei nyim, oh lac brei nao mesraiy mek liba

Nyom pambuak bruk ngak thủ công mỹ nghệ di adei saai urang kamei palei 7, xã Vĩnh Hòa Hưng Bắc, huyện Gò Quao, tỉnh Kiên Giang dang hu khang kajap saong ba mai kein liba glong brei mboh pren khang jang yau labik dang di bruk ngak mbang kapul nyaom. Jalan ngak ni hu rik dong biak prong dalam bruk patruh eik patrun kathaot di puk palei,njauk pambak prong dalam tuk vak anak tal./.

                                                                                    Lam Hiếu