Pathau mikva saaong taong abih gauk! Tukvak tapa, công an ban raya HCM pambuak bruk saong dom gah chức năng hu peih ralo mbang chap mek kol tội phạm, duah mboh saong langyah ralo kapul nyaom tội phạm. Min, bruk pandar saong pablei salih ma túy di ban raya HCM dak harei dak hu rilo jang. Tal tukvak ini, ban raya hu 19 ribau urang nyin, rilo jang 7 ribau urang duk saong puac thun 2013. Bruk pacang cakak saong cai nghiện ma túy dak harei dak gaok ralo kan kandah, tavak tavaiy. Urang vak di rayo sap ndom Viet Nam daok di ban raya HCM hu kadha vak brei thau ka bruk ini:

Saai Nguyễn Thị Lan, daok di chung cư tapen mblang bein Thanh Đa brei thau, meng lavik mai saai oh brei anek nao me-in dalam mblang bein. Kayua yaok mesup, saai hu mboh jrum klauk angaok hareik dalam mblang bein. Pak labik chung cư saai daok, angaok sân thượng jeng hu bak jrum klauk kayua dom urang nyin ma túy caik veik. Saai Nguyễn Thị Lan caong khin: 

“Urang caong hu bruk ngak catang di dom pakat karja. Meng ala tagok brei ngak catang, meyah gah, ala oh ngak, oh ba tagok pakat angaok. Pakat angaok sua ye pakat ala ndom lac siam min.. tuk halei jeng khin mek hu angan phường điểm, phường siam, mek hu thành tích. Bhap bini halei jeng caong ka rai diuk hu siam mekre, hanem phol… nan ye brei nao maong tapak, brei ngak khang, urang ngak sung brei langah lưu động, langyah catang”.

Tui urang dang akaok công an ban raya HCM, urak ini, bruk pablei salih ma túy sit sot dak harei dak hu rilo dalam bhap bini, labik công cộng, vũ trường, quán bar. Kol pablei salih ini dak harei dak tinh vi jang saong bhian nao meng labik ini tapa labik daih nan ye gah chức năng biak kan duah mboh. Nguy hiểm jang, labik pabak heroin meng dom kapul, nyaom gah brah tagok khang saong kol nyu bhian ba tui vũ khí piah mesruh veik haong gah chức năng. Pablei salih saong pandar ma túy di ban raya HCM daok jeng sa vòng tròn: nguồn pabak ralo – urang nyin ralo – caong hu ma túy ralo – ba tal bruk hu ralo labik pabak brei. 

Công an ban raya hu pambuak bruk saong dom gah chức năng peih ralo mbang taong tame saong chap mek kol tội phạm ma túy. Ralo mbang pajeng ma túy tapa mblang kapal haoh Tân Sơn Nhất gam gam hu duah mboh. Ong Nguyễn Ngọc Túc, akaok Tổng cục Hải quan brei thau:  

“Pacang kol tội phạm ma túy biak kan kandah, kol drei brei pambuak bruk saong dom kapul nyom dunya. Tuk hu dom kapul nyom ini khan brei thau, kol dahlak hu panuac brei ka dom gah thau piah pambuak bruk taong tayah dom vụ án ma túy”.

Gam saong bruk pacang cakak pablei salih ma túy, bruk ba urang nao kai nghiện jeng daok ralo tavak tavaiy. Urak ini, oh ka hu harak halei tacei bruk ba urang  nghiện nao pato pakai di phường, xã. Meyah công an xã, phường mboh urang nyin saong taong phạt tui hukum xử lý vi phạm hành chính, ye urang mboh tangin tame harak quyết định taong phạt brei pachap urang vi phạm ngak tui quyết định. Meyah urang nan oh ngak tui, ye urang tabiak quyết định brei taduan trách nhiệm anak pháp luật. Kayua yau nan ye, jaik di ini, công an xã, phường di ban raya oh khin saong oh ngak catang tuk ngak biên bản langyah urang pandar ma túy. Dom urang nyin njauk ngak biên bản taong phạt trun jaik meteh duk saong dahlau daih, dalam tuk anak meta mboh lac dom urang nyin dak harei dak ralo. Taphia di nan, dalam hồ sơ ba nao cai nghiện brei hu xác nhận di labik y tế hu thẩm quyền hu brei adat saong tapa pasram megru hu mintri y tế chứng nhận. Min tal urak ini, ban raya oh ka hu labik halei hu brei harak chứng nhận ini. Thiếu tướng Phan Anh Minh,  Phó Giám đốc Công an ban raya  Hồ Chí Minh caong lac:

“Caong jao quyền ka chi cục pacang cakak tệ nạn xã hội hu mbaok tame dom kapul pasang iek atau eng drei nao pasang iek, taong phạt dom urang pandar ma túy. Kayua chi cục ini, ngak bruk pacang cakak tội phạm ini yau oh hu quyền hagait. Piah ngak hu bruk ini brei pasiam veik nghị định:.     

 Anak dom kan kandah tavak tavaiy dalam bruk pacang cakak ma túy, ong Triệu Văn Đạt, phaok akaok Tổng cục pacang cakak tội phạm, mintri công an ndom lac:

“Dahalak caong khin brei ramik pasiam hukum. Nan lac bộ luật hình sự saong tố tụng. Urak ini bruk hagait oh ngak hu, oh lagaih saong bruk di anak meta ye hu hậu quả oh kan thau dahlau. Bruk pacang cakak tội phạm ngak hu tal halei ye dom quy định dalam hukum nan lac biak quan trọng”.

Dalam mbang ngak bruk barau ini saong urang dang akaok UB bhap bini ban raya HCM ka bruk pacang cakak tội phạm saong tệ nạn xã hội, phaok thủ tướng rajaei Nguyễn  Xuân Phúc pandar ban raya patagok dom jalan ngak khik kajap an ninh trật tự ka bhap bini ban raya. Dalam nan, ban raya brei caik hatai tal tội phạm pambuak tal ma túy. Phaok thủ tướng rajaei Nguyễn Xuân Phúc ndom lac:

“Bruk urang nyin lang thang, pataom gauk njuk ma túy, pataom gauk njuk công khai, hăm dọa, uy hiếp bhap bini di mblang bein ngak duh hatai bhap bini. Ban raya oh lac kuhria patagok kinh tế saoh bo brei kuhria padang sa xã hội siam mekre, salamat ka bhap bini saong tui damuai”.

Khik kajap siam mekre ka rai diuk di bhap bini nan lac trách nhiệm di gah chức năng. Piah langyah hu tal gha urang pablei salih saong pandar ma túy, gah chức năng di ban raya HCM brei khang hatai tame bruk, taphia di nan brei hu adat hukum njauk haong bruk di anak meta ye bruk mesruh pacang tội phạm ini meng hu siam lagaih./.