Thun 2020, bruk pablei pandap tabiak negar langiu di Khu Công nghệ glaong Ban raya HCM hu tagok glaong, abih tih jien mek tame meng bruk pablei tabiak negar langiu luac thun kuhria mboh labaih 19 tỷ USD, tagok 20% dut saong thun dahlau, meblah jaik meteh jien mek tame meng bruk pablei tabiak negar langiu di ban raya. Dalam nan, dom doanh nghiệp hu pandap pablei tabiak negar langiu tagok glaong lac: SAMSUNG, Intel, Jabil… kuhria  mboh tagok meng 20-30%. Jit ruak Covid-19 ngak kan kandah tal darak pasar pablei tabiak negar lingiu, min kayua bruk pa-atah di gauk, rilo jabat, đơn vị brei ngak bruk tapa online saong ngak bruk di sang, ngak brei bruk pandar mac jamraih, pandap điện tử…tagok glaong. Meng nan, dom đơn hàng di rilo doanh nghiệp pablei tabiak negar langiu dom janih pandap nan tagok glaong, abih di nyu lac darak pasar Mỹ, Châu Âu saong dom darak pasar karei.

Dom công ty rilo taneh ia gaok kan kandah ka pandap tamo piah ngak  kayua pandap nan kan blei tame, abih di nyu lac pandap tamo meng Trung Quốc hu salih tapa blei meng Thái Lan, Malaysia saong Châu Mỹ…Rilo doanh nghiệp hu phun jien meng negar langiu (FDI) salih tapa pandar pandap tamo dalam negar ngan saong 30% pandap pandar di urakini, dalam tuk dahlau daih, pandap tamo meng negar langiu  meblah tal 90%. Muk Lê Bích Loan, Phaok akok Ban khik iek Khu Công nghệ glaong Ban raya HCM daok brei thau lac:“Tuk hu harak pambuak bruk ye piah pabak đơn hàng tagok rilo, doanh nghiệp brei salih birau kỹ thuật, salih birau công nghệ piah paglaong bruk ngak tabiak pandap. Bruk ngak tabiak  jeng hu rami ramik veik, trun takik urang ngak saong ba robot salih tame ngak dom bruk.”

Dalam tuk kan kandah kayua Covid-19, kaya nong pablei tabiak negar langiu tagok jaik 39%, sumu 740 triệu USD. Ong Nguyễn Đình Tùng, Yam ndoc Điều hành Công ty Vina T&T Group, quận Phú Nhuận, Ban raya HCM brei thau, thun ini, doanh nghiệp pablei pandap tabiak negar langiu kuhria hu 51 trieu USD baoh kayau tapa  Mỹ, Canada, Anh, Úc saong Châu Âu, tagok labaih 3% dut saong tukvak ini thun dahlau. Công ty daok padang ngak 2 sang mac tame paok baoh kayau that di Bến Tre saong Tiền Giang piah peih praong bruk pablei tabiak negar langiu. Tui ong Nguyễn Đình Tùng, piah hu pagrap tanat saong peih praong darak pasar pablei salih tabiak negar langiu dalam tuk kan kandah ini, doanh nghiệp padang ngak hu siam lagaih bhum ngak tabiak baoh kayau: “ Caong khin hu pandap siam, pandap tuk halei jeng hu, ye brei hu urang nong pala drak joi, tuk halei jeng hu pandap. Gah logicstics, sang mac, urang ngak bruk pablei pandap tabiak negar langiu…taong abih brei ngak bruk lagaih haong gauk.”

Gam saong bruk sami samar tui sumu bruk darak pasar di doanh nghiep, bruk daong di jabat chức năng jeng hu ba mbuan lagaih ka doanh nghiệp jhul pakhang bruk pablei salih. Ong Lê Huỳnh Minh Tú, Phaok Yam ndoc Sở Công thương Ban raya HCM brei thau: Sở hu patagok bruk daong doanh nghiệp pachreih bruk pablei salih, tacei pato peih ngak hu siam lagaih dom hiệp định pablei salih tự do ( FTA). Tukvak anak tal, ban raya patagok bruk peih ngak danak dak pato pakai urang ngak hu ilamu glaong ka bruk pabak dịch vụ daong pablei pandap tabiak negar langiu; danak dak pato pakai, cak rok patagok  urang ngak ka pandap phần mềm, pandar tui số: “ Urak ini, khol dahlak pambuak saong dom đơn vị peih nyaom biai online piah ka dom doanh nghiệp duah darak pasar pablei pandap tabiak negar langiu, duah pandap tamo piah blei tame saong ngak tabiak pandap pablei tabiak negar langiu, bruk ginum biai ralo meng lac tapa online.”

Thun 2020, jit ruak Covid-19 ngak kan kandah ralo ka bruk ngak mbang, min bruk ngak hu di gah pablei tabiak negar langiu meda lac jalan peih tabiak ka doanh nghiệp khik hu bruk ngak tani tanat. Gam haong nan, hu dom jalan ngak lagaih suai lavik dalam bruk ngak tabiak pandap panda, pablei salih, patui bruk cakrok patagok dom siam lagaih gah kinh tế di Ban raya HCM dalam thun 2021./.

Urang lang: Aí Nghiêm - 30/12/2020