Bruk suan bhian mboh dalam sơ cứu đột quỵ nan lac caik urang ruak daok di sang padeih padei, cang rup pabhap siam gilac bo oh samar ba tame sang iek ruak chip. Rilo mbang, menuac dalam sang urang ruak brei ka urang ruak menyum ia saradang, ia kruac aih atau menyum jru sar an cung ngưu... Bác sĩ brei thau, ini lac bruk ngak suan biak trak, kayua urang đột quỵ bhian kan suak yawa, oh luan tame hu. Menyum tuk ini meda ngak brei taghalak, gar tavak di tarakong, kan suak yawa trak jang.  

Brei urang ruak menyum chip jru trun darah jeng lac jalan sơ cứu oh siam. Bác sĩ langyah, đột quỵ hu dua janih lac gar darah glo akaok ( kayua darah khal ba tal gar rak darah, meblah 80%) saong sre darah glo akaok (kayua pacah rak darah, meblah 20%). Dua ruak nan dreih gauk min jalan taong ruak  karei di gauk. Meyah gar darah glo akaok blaoh darah trun chip ba tal kurang darah glo akaok trak jang; daok sre darah glo akaok ngak brei trun darah biak biar, urang ruak mbuan metai.

Dom jalan iek ruak đột quỵ meng kan mai di bhap bini yau klauk jrum mek darah 10 akaok ine tangin, ndih patauk akok trun, dang sa gah takai…jeng oh mboh siam. Bruk suai ba urang tame sang iek ruak bo daok ngak dom bruk yau nan nyu ngak brei lahik tukvak daong taong ruak siam di abih.

Urang đột quỵ oh brei eng drei peih radaih angaok jalan. Tuk mboh tangin takai parin, having akaok, pandik akok… ye tuk nan tangin takai oh daok sami samar, meyah eng drei peih radaih meda ba tal bala angaok jalan. Kayua yau nan ye, urang daok sa drei meyah mboh dreih yau đột quỵ, siam di abih brei iew radaih cấp cứu atau duah gauk gar daong ba urang tame sang iek ruak.

Dalam tuk daok cang radaih cứu thương, urang ruak brei ndih mbleing piah ka labar dalam pabah nduac tabiak, oh nduac tame veik jalan luai suan. Urang dalam sang  brei taoh pacadu khan ao saong oh brei urang ruak mbang menyum.

Meyah urang ruak birau đột quỵ meng handaok rak, menuac dalam sang juai kham merat jaik hagait tame pabah kayua ngak yau nan meda gar tavak jalan suak yawa. Bhian di nyu, handaok nan meda abih eng./.

Urang lang: Ai  Nghiem -25/11/2021