Labik ini daok hu bruk mek ia dar ko, pambuak pagam haong angan “Mật ong U Minh hạ” dane angan atah jaik

Bein pakat negar U Minh Hạ meng lavik mai hu angan lac labik hu rilo kaya ngui dang akaok bhum taneran kraong CL, lac sa dalam dom labik tuai khin nao ravang iek di abih tuk mai tal Cà Mau. Urak ini, yaom lac oh daok hu rilo yau dahlau daih, min taneh glai U Minh Hạ jeng daok dang akaok dalam hệ sinh thái ngọt labik taneh “9 inegirai”. Lingiu di ikan hamu, ula kalan, kara kanduh …, dom janih athur quý takik hu yau: kara, tê tê, rasa,... jeng daok hu biak rilo ala halui gai ram. Abih di nyu nan lac, labik ini daok hu bruk mek ia dar ko, pambuak pagam haong angan “Mật ong U Minh hạ” dane angan atah jaik. Amuk Nguyễn Thị Tuyết Hồng, tuai daok di TP HCM biak takre tuk nao ravang iek labik ini di tuk Tết meng blaoh: “Mbang camereip di abih dahlak hu mboh dom baoh lọp, blaoh ikan nyu nduac tame, kol dahlak hu cap mek, mboh biak takre. Sruh dar ko jeng hu eng. Mbang camereip hu mboh dom bruk nan, di ban raya kol drei habar mboh hu dom bruk nan.”

Meyah menuac sia taneh glai U Minh Hạ thau pagam pambak tame kein lagaih di langik tasik, di yaom glaong ilamu piah yam tagok meng bruk ngak du lịch, ye huyện jhung langik Ngọc Hiển daok hu rilo kein lagaih jang duk saong dom labik karei di Cà Mau. Langiu di bruk lac labik puac abih di negar, pak ini daok hu Bein pakat negar Mũi Cà Mau ngan saong rilo glai dauk ia mbak. Ini lac labik ngak jeng angan “Hadang thu Rạch Gốc” saong rik daong ba  “Aring Cà Mau” dane angan atah jaik, abih di nyu nan lac, labik ini daok hu bruk ngak pakat negar lac “Muối ba khía”.

Yau nan min, kan kandah urak ini lac jaik 80% mbaok taneh di huyện Ngọc Hiển daok dalam Bein pakat negar Mũi Cà Mau haong Cty Lâm nghiệp Ngọc Hiển. Dalam nan, mbaok taneh siam lagaih di abih piah cakrok patagok du lịch, jeng yau bruk ngak du lịch di bhap bini, jaik abih jeng daok dalam Bein pakat negar nan ye oh padang ngak hu. Kayua yau nan ye, taong abih dom labik ngak du lịch di bhap bini daok pak ini jeng oh padang ngak khang kajap hu saong oh padang ngak praong hu.

Labik du lịch Hoàng Hôn jeng kayua tavak kan kandah ini bo dom harei lễ, tết hu yaok ratuh tuai nao tal min kurang labik mbang, labik padeih padei. Ong Nguyễn Văn Hôn, Yam ndok labik du lịch Hoàng Hôn lac: “Meng pasak huyện Ngọc Hiển mai tal xã Đất Mũi rah tui takai tasik lac labaih 30km. Langik tasik pak ini daok tamo biak mekre lac biak lagaih ka huyện. Urak ini di Cà Mau rilo menuac hu hatai caong patagok du lịch. Min urak ini khin ngak du lịch ye tavak.”

Urang dang akaok Sở Ilamu – Thể thao Du lịch tỉnh khan lac, tỉnh daok gaok kan kandah yau bahrau ndom nan. Cà Mau hu 2 Bein pakat negar lac U Minh hạ haong Mũi Cà Mau, jeng lac 2 labik mbuan lagaih di abih piah patagok bruk bhap bini ngak du lịch. Min, taneh dalam bein pakat negar oh daok dalam quyền salih bruk pandar di tỉnh. UBND tỉnh Cà Mau hu rilo mbang hu harak payua tagok dom mintri, dom gah di trung ương likau pasang iek brei salih bruk pandar taneh di dom labik piah padang labik daok ka bhap bini saong cakrok patagok du lịch, min mbiah tal harei ini jeng oh ka hu brei ngak.

Hu thau, dalam thun ini, tỉnh Cà Mau meda padang sa “Palei Ilamu Du lịch” di xã Đất Mũi. Palei ilamu lingiu di bruk daong ka tuai thau dom bruk ngak meng kan, dom kaya ngui di tinh, bo dom pandap OCOP jeng meda hu yaih khan tal tuai damuai atah jaik. Ong Tiêu Minh Tiên, Phaok Yam ndok Sở Ilamu – Thể thao Du lịch Cà Mau khan lac: “Du lịch di bhap bini lac pandap du lịch di tỉnh, lac labik nao tal biak hu yaom. Kayua yau nan ye anak tal, Sở pataom tame paglaong chất lượng, piah ka dom labik ini mek hu dom tanut ba tabiak. Abih di nyu lac peih ngak danak dak patagok du lịch thun 2021, Cà Mau meda ba tabiak jalan patagok pandap du lịch ngak nong pambuak pagam haong dom pandap OCOP di tỉnh piah hu rilo jang pandap biak karei di drei.”

Prein khang daok kandauk dalam haong kein lagaih piah ka tỉnh Cà Mau patagok bruk bhap bini ngak du lịch lac biak praong. Min dalam tỉnh bahrau hu 14 labik ngak du lịch di bhap bini, lac biak takik. Dom labik du lịch jeng ka oh  hu padang ngak siam, ka oh pabak hu hatai caong di tuai damuai. Bruk tavak tavaiy ini hu makna mai meng “tavak gah khik ramik taneh riya”. Kadha ini oh lac ngak kan kandah ka bhap bini bo karja tỉnh jeng biak kan piah ieu da-a dom urang buh jien tame ngak./.

Urang lang: M. Phương – 20/02