Ala bruk pan akaok ba jalan di Đảng saong Chủ tịch Hồ Chí Minh, bhap bani drei jak gauk brok tagok, peih bruk tổng khởi nghĩa, meblah mek karja. Harei 25-8, khởi nghĩa jayak pak Bei Gon - Gia Định, Kon Tum, Sóc Trăng, Vĩnh Long, Trà Vinh, Biên Hòa, Tây Ninh, Bến Tre... Di Côn Đảo, Đảng bộ sang guk Côn Đảo hu pal akaok dom urang lin cách mạng daok njauk kol khamang kareik guk dang tagok meblah mek karja. Dalam 15 harei puac bilan 8-1945, bruk dang tagok khởi nghĩa mek hu jayak, karja dalam negar hu mai tangin bhap bani. Daa mikva saong taong abih gauk pang kadha vak “Cách mạng bilan 8 di Bei Gon”, angaok harak báo Quân đội bhap bani.

Ngak tui lệnh khởi nghĩa di Ủy ban Kháng chiến pakat negar saong tui bruk ba tabiak di Xứ ủy Nam Kỳ, meng melam 24-8-1945, bhap bani cách mạng pak Bei Gon-Chợ Lớn saong dom tỉnh jaik taphia ba tui to, dhaong, gai kreim… dui gauk tame Bei Gon piah meblah mek karja. Kapul đoàn viên công đoàn saong dam dara tiền phong hu mbaok di grauk labik caga meblah mek dom labik hu parabha bruk bloh.

Meng 19 tuk harei 24-8, kapul khởi nghĩa meblah mek sở công an, cảnh sát, sang ga, bưu điện, sang menyek, dom quận, bót… Tal 22 tuk, Tráng đoàn Lê Lai dalam Thanh niên Tiền phong meblah mek hu dinh Khâm sai. Hala dok di kaol nyu plaik trun, hala dok meriah bhong patuk kanyik hu dui tagok. Bruk meblah mek “Soái phủ Nam kỳ" oh gaok kan kandah hagait kayua jaik abih urang jakar pakat glaong hu mbaok tame dalam Thanh niên Tiền phong. Daok Sở Mật thám Ca-ti-nat chống cự yếu ớt saong njauk gah khởi nghĩa taong tayah.

Page mesup harei hadei 25-8, labaih sa triệu bhap bani Bei Gon – Chợ Lớn saong dom tỉnh jaik taphia dui gauk tame dalam Bei Gon. Urang preo khang yau grem baoh panuac: “Việt Nam hoàn toàn độc lập!”, “Karja tame tangin Việt Minh!”, “Mặt trận Việt Minh muôn năm!”, “Đảng Cộng sản Đông Dương muôn năm!”, “Độc lập atau metai!”. Hala dok meraih bhong patuk kanyik hu mboh bak jalan, par par angaok dom công sở.

 13 tuk harei 25-8, dalam mbang mít tinh trun jalan anak dinh Đốc lý Bei Gon (lac jabat Ủy ban bhap bani Bal raya Hồ Chí Minh harei ini), Akaok Ủy ban Hành chính lâm thời Nam Bộ, Trần Văn Giàu tabiak panuac lac: “Taong abih bhap bani. Harei ini lac harei hadah hadai di abih dalam dakrai sajarah di Nam Bộ Việt Nam. Anak menuac sia, khaol dahlak, Ủy ban Hành chánh lâm thời, lambaok ka taong abih bhap bani Nam Bộ, khan ka manuac sia dunya saong bhap bani dalam negar thau lac: Chế độ Cộng hòa Dân chủ hu padang tagok pak Nam Bộ Việt Nam. Khaol dahlak tabiak panuac lac oh taduan mek chế độ Nam triều saong khang hatai  pacang cakak chế độ thực dân. Oh hu sa negar lingiu halei meda mek lý do ini lý do diah piah tah klaak hu hatai caong prong di bhap bani drei meng lavik mai, nan lac: Negar Việt Nam hoàn toàn độc lập. Lambaok ka Mặt trận Việt Minh gah meraong, khaol dahlak taduan mek trách nhiệm pal khik karja Nam Bộ, piah tal harei pataom padang hu balaoh Quốc hội, meda jao veikc ka đại biểu toàn quốc”.

Dom urang hu mbaok dalam mbang mít tinh trun jalan biak chreih chai bui sambai haong jayak hadah hadai di bangsa. Nan lac mbang pataom bhap bani cách mạng prong dalam dak rai sajarah pacang cakak kaol meblah taneh aia di bangsa drei; brei mboh ý chí saong hatai khang di sa bangsa ala bruk tacei ba di Đảng Cộng sản Đông Dương – lac Đảng di giai cấp công nhân Việt Nam. Jayak di bruk khởi nghĩa Bei Gon hu ba tal bruk khởi nghĩa di dom tỉnh daok veik di gah Meraong. Tal harei 2-9-1945, di mblang bein Ba Đình (Hà Nội), anak bruk mít tinh prong di yaok rituh ribau bhap bani pak bal ine saong dom tỉnh, bal  jaik taphia, Chủ tịch Hồ Chí Minh lambaok ka raja-ei lâm thời puac harak Tuyên ngôn Độc lập, brei ka taong abih bhap bani dalam negar saong angaok dunya thau lac: Negar Việt Nam dân chủ cộng hòa tabiak rai.