70 thun tapa, jayak prong di Cách mạng Bilan 8 – bruk salih rai ka taong abih bangsa, jeng daok ngak ka manuac urang saong dom urang roh duah pok meyaom ka bruk gheih langyah thời cơ, kuhria mboh dahlau dom kandah di Đảng, Wa Hồ piah pal akaok ba jalan bhap bani drei meblah thời cơ, mek độc lập. Kayua lac meyah suai dom harei, bruk peih paha bangsa meda gaok biak ralo kan kandah. Daa mikva saong taong abih gauk mong veik bruk ini ngan haong urang vak Nguyên Nhung saong dom nhân chứng lịch sử, dom urang roh duah:

Dom harei chreih chrai di mùa thu bilan 8 thun 1945 jeng daok tamo dalam akaok sahneng di ong Trần Thái Vĩnh, urang taha cách mạng, sa urang dalam kapul nội thành di Việt Minh thành Hoàng Diệu. Ong Trần Thái Vĩnh khan veik: “Dom urang eik lipa di taong abih labik dui gauk mai Hà Nội oh sahneng mboh lac nyu rambah rambup yau nan. Sang dahlak oh eik min kurang, mong dom bruk nan pak dalam sang bac drei mboh oh bình đẳng paje, ndom hagait tal xã hội. Kayua lac nao tal takai daning paje, angaok akaok abih Pháp tal Nhật, tabiak jalan urang metai bak, khaol dahlak nao tal yaok baoh sang buh truyền đơn, gaok manuac jao pak labik, 1 urang nao dahlau 2 urang nao hadei pacang khik bruk tauk truyền đơn. Tuk nan biak chreih chrai saong ba gauk nao ngak.”

Hatai bhap bani jia tame Đảng nan ;ac sa kadha piah ngak cách mạng hu mbuan lagaih; yau nan min, piah ka cách mạng jayak ye lac kayua Đảng drei hu langyah njauk bruk,  njauk tukvak piah dang tagok khởi nghĩa. Đại tướng Nguyễn Quyết, urang dahlau diah ngak Bí thư Thành ủy Hà Nội, urang hu mbaok tacei pato tapak bruk dang tagok meblah karja di Hà Nội thun 1945 brei thau, meyah duk dua gah ye oh lagaih ka drei. Hà Nội tuk nan lac pasak di raja-ei bù nhìn saong bol lin Nhật, lac labik dang takai di Bộ Tư lệnh Quân đoàn 38 di Nhật, daok tamo kapul ngan haong labaih  pluh ribau sĩ quan saong urang lin, hu phao ndao bahrau. Dalam tuk nan kol drei tok hu 700 urang haong phao ndao sit sot. Min tukvak tal paje hadei di tuk Nhật taduan lah đồng minh. Kayua nan ye, bruk binh vận piah dui dom urang nan mai gah cách mạng, atau ngak tư tưởng piah ka dom urang nan oh cagar veik cách mạng hu Việt Minh thành Hoàng Diệu saong Thành ủy Hà Nội ngak khang. Đại tướng Nguyễn Quyết lac: Tuk kaol khamang suy yếu di abih, huac kanda di abih ye drei jak ba, pathau khan katung dui ngụy quân ngụy quyền tui drei,kol ngụy quân ngụy quyền taduan lah abih. Meda ndom lac bruk jak ba cách mạng, jak ba bhap bani, jak ba kaol klhamang nan lac kadha ba tal jak jeng di Đảng bộ Hà Nội.”

Phaok Giáo sư – Tiến sĩ  Nguyễn Trọng Phúc, urang dahlau diah dang akaok Viện Dak rai sajarah Đảng ndom lac: bruk cách mạng jayak kayua Đảng drei hu langyah cambaih bruk saong thau patui tukvak, mboh dahlau hu nguy cơ. Tukvak pak ini lac bruk cách mạng di bhap bani tagok tal tabung glaong, abih di nyu nan lac hadei di tuk Nhật pajaleih Pháp harei 9/3/1945, Đảng drei ba tabiak bruk taong Nhật daong taneh aia. Phaok Giáo sư, Tiến sỹ Nguyễn Trọng Phúc lac: “Pak tukvak quyết định nan, dua kadha bo drei mboh nan lac thời cơ saong nguy cơ ye Wa Hồ hu mboh biak cambaih saong Wa hu ba tabiak ginum biai catang dalam Nyaom biai Đảng pakat negar di Tân Trào. Nan ye Wa hu kakei ong Võ Nguyên Giáp saong Phạm Văn Đồng lac meyah cuh abih talei Trường Sơn jeng njauk mek hu độc lập. Nan lac tukvak tui jalan maong di urang pan akaok ba jalan bo Wa Hồ saong Đảng ba tabiak, meng nan meng mek hu jayak dalam tukvak katut panak jaik 2 adit.”

Meda ndom lac, Đảng saong Wa Hồ langyah biak gheih thời cơ saong kuhria dahlau nguy cơ, patagok njauk tuk pren khang di bruk gul pataom bangsa, di phong trào cách mạng hu ba mai jayak ka cách mạng bilan 8/1945. Jayak di di cách mạng bilan 8 ba taneh aia drei yam tame kỷ nguyên bahrau, kỷ nguyên độc lập bangsa pambuak pagam haong chủ nghĩa xã hội./.