Bilan xuân hu độ ẩm biak glong labaih 90% ngak ka không khí ngột ngạt, virus, nấm mốc caih tabiak samar, nhiệt độ harei song melam glaong biar jang gauk biak rilo ngak ka rup khol drei gleih glar, pren pacang ruak patrun… Tong abih dom janih yau nan ngak ka rilo urang oh takre bilan xuân, urang ruak meta jeng yau nan. 

Tuk ruak meta njauk ngak habar?

Tuk mboh pandik meta yaom lac takik atau rilo khol drei jhui iek lap, brei samar nao tal dom labik iek ruak meta piah iek ruak song hu jalan iek ruak brei thit abih, jui pablei jru tui hatai khin song tanyaok jru meta livik harei meda hu biến chứng, ruak trak tagok, meda ba tal sup meta.

Jalan iek ruak meta bhian gaok:

Ruak meta ngan song jru tanyaok meta thông thường bhian thit ruak dalam 2 adit meyah oh hu biến chứng.

Dom janih viêm kết mạc dị ứng: viêm kết mạc dị ứng cấp tính, viêm kết mạc bilan xuân. Hu rilo janih viêm dị ứng di kết mạc, labik khik caga ka meta, bhian gaok di dom balik iek ruak meta dalam dom harei xuân. Ruak ini bhian ngak brei katal meta, nan ye bhian khagao atau jali metai. Min ini lac ruak meta lành tính oh ngak sup meta urang halei, min jeng hu tuk nyu ba tal dom biến chứng trak damak. Urang ruak brei nao iek ruak njauk bác sỹ chuyên khoa, sangka tal bruk pandar jru, iek ruak suai lavik.

Viêm màng bồ đào, glôcôm thể mi: lac nyaom ruak tự phát. Dalam bilan xuân abih di nyu nan lac dom harei hu hangin đông bắc, ruak nyu rah tabiak atau nyu tamuh veik. Ruak oh cambaih laih nan ye urang bhian suai mai iek ruak: pandik cambaoh mbiah, mboh yau hu sauk anak meta, pandar jru mboh trun pandik. Jru tavao meda dong ka urang ruak samar yam tapa hu 2 janih ruak nan. Ruak meta kayua côn trùng: bilan xuân lac bilan côn trùng caih, mebaoh. Bruk bhain randap oh cuk camin meta tuk peih radeih di angaok jalan, tabiak jalan tuk melam… mbuan ngak ka meta pandik kayua côn trùng dalam bilan xuân. Côn trùng oh lac ngak pandik meta meng bilau, takai, sayaok di nyu bo dok ngak pandik meng chất dịch atau phấn. Hanjuan ye mboh pandik, harao. Dom harei hadei meda ngak brei brah song sraiy ia meta. Trak ye ngak “trợt lòng đen”, dị vật giác mạc. Dom bilau di sâu róm bhian tame dalam giác mạc, viêm màng bồ đào lavik harei biak kan siam hu.      Côn trùng ngak brei kan kandah yau nan min bruk pacang caga biak mbuan, nan lac brei cuk camin meta.

Zona meta, njom virus Herpes: Ni jeng lac 2 janih ruak kayua virus, min takik mboh urang njauk ruak ini. Dom triệu chứng biak karei song njauk nao iek ruak di labik chuyên khoa.