Pren blei di bhap bini dalam tuk Tết Nguyên đán thun ini di ban sit Cần Thơ, pasak bhum taneran kraong CL tui kuhria oh trun jang bo meda glaong jang thun dahlau. Piah plaih bruk kurang pandap, tagok yaom, saong piah pacang caga pandap ja, Cần Thơ hu caga pandap Tết saong hu dom jalan ngak siam piah khik tani tanat yaom kaom darak pasar tết nguyên đán thun sak pabe 2015.

Ngak tui harak Công điện di Thủ tướng Rajaei, dom gah chức năng, dom puk palei di Cần Thơ patagok bruk pasang iek darak pasar. Bahrau ini, gah Cảnh sát Kinh tế (PC46), Công an ban sit Cần Thơ peih bruk pasang iek labik sang 125/52, jalan Hoàng Văn Thụ, Phường An Cư, quận Ninh Kiều kayua Nguyễn Thị Thu Ngân dang angan. Patui di nan, nao pasang iek kho pandap daok di labik 91 jalan Ung Văn Khiêm, Phường Cái Khế. Tapa nan, brei khik mek piah điều tra lô pandap jaik 2.000 baoh đồng hồ cuk tangin rilo janih, 700 jamriak đồng hồ quả lắc saong labaih 1.000 pandap daok niêm phong di kho cang pasang iek. Tui kuhria mboh oh ka ginup abih, lô pandap đồng hồ yaom dom tỷ đồng. Dahlau di nan, Công an Cần Thơ jeng chap mek sa bruk pablei salih đồng hồ blei meng negar lingiu oh thau cambaih asal di nyu di sa cửa hàng dalam siêu thị Big C yaom labaih 1 tỷ đồng.

Đại tá Trần Thanh Chàng – akaok jabat Cảnh sát Kinh tế, Công an ban sit Cần Thơ brei thau, meng ini tal Tết, gah công an brei peih ngak khang jang bruk pacang pandap ja, pandap lậu: Kapul brei pambuak bruk haong gah dut iek chất lượng piah pasang iek xăng menyek. Daok pandap nhập lậu hu ba tame bloh saong daok khik piah. Kayua yau nan ye, gah công an hu caga dom jalan ngak piah pacang pandap ja, pandap oh siam. Tapa nan, khik caga siam mekre bruk blei pandar di bhap bini tuk Tết.

 Tui Sở Công thương Cần Thơ, pandap caga pablei Tết rilo jang 15% dut saong dom  bilan karei dalam thun. Urak ini, pandap panda di 18 doanh nghiệp praong di ban sit, dalam nan hu 8 doanh nghiệp tame bruk khik caga tani tanat yaom kaom hu khik piah pandap panda yaom labaih 2.700 tỉ đồng. Danak dak khik tani tanat yaom kaom darak pasar thun 2014 saong tuk Tết Nguyên đán 2015, Cần Thơ oh daong phun jien ka dom doanh nghiệp hu mbaok tame danak dak khik tani tanat yaom kaom, tok daong ka dom doanh nghiệp caong hu mesraiy phun jien di dom gilang pariak. Tui kuhria, dalam tuk Tết Nguyên đán, ban sit brei peih 4 mbang darak pandap Việt mai palei pala di dom quận, huyện bhum atah bayah saong khu công nghiệp.

Dalam dom siêu thị Co.opmart Cần Thơ, tuk Tết Ất Mùi 2015, pandap panda caga pablei Tết meda hu rilo jang 2 - 3 mbang dut saong dom bilan karei, hu caga biak aval saong rilo meng lac dom janih pandap hu ngak dalam taneh ia.

Pandap pablei dalam dom siêu thị biak rilo, pabak ginup bruk blei pandar di bhap bini. Ong Nguyễn Khải Đăng, Phó Giám đốc Sở ngak nong saong patagok palei pala Cần Thơ brei thau, njam patam, baoh kayau ginup pablei Tết. Lingiu di nan, ban sit daok kuhria blei meng dom tỉnh jaik taphia labaih 790 tấn ralo athur, 500 tấn ralo menuk ada saong jaik 2 triệu baoh menuk ada. Tapa nan, pataom tame tacei pato Chi cục Thú y ban sit pambuak bruk khang kajap haong dom gah pambuak tal, peih pasang iek bruk raong glang, sik ngak ralo: Kol dahlak patagok bruk dut iek  động vật, pablei salih menuk ada, athur raong. Gah ngak nông kham merat caga pandap pablei Tết. Bhian di nyu yaok thun jeng blei pandap meng dom tỉnh jaik taphia nan ye kol dahlak jeng hu tacei pato brei pasang iek catang pandap nan. Tui kuhria brei blei tame jaik 800 tấn menuk ada, athur raong. Dom janih pandap mbang menyum yaok harei hu pabak rilo di dom pasak pablei pandap.

 Dut saong Tết thun bloh, bruk khik ramik tani tanat yaom kaom darak pasar thun ini di Cần Thơ hu rilo kadha bahrau. Taphia di nan, ban sit jeng hu sangka tal bruk patagok parilo labik pablei pandap khik tani tanat yaom kaom, piah ka pandap pablei hu nao tal bhap bini, abih di nyu nan lac di bhum atah bayah. Ong Trương Quang Hoài Nam, Phó akaok UB bhap bini ban sit Cần Thơ brei thau, dom đơn vị, sở, ngành hu peih ngak rilo jalan piah pacang cakak bruk tagok yaom pandap, pandap ja, pandap oh siam, oh hacih.Cần Thơ meda pasang iek hu yaom kaom. Tui nan, dom sở ngành hu pambuak bruk kajap piah pabak ginup ka darak pasar Tết, khik ka mikva pablei salih hu mbuan lagaih min njauk tui hukum di karja. Kol dahlak brei padang dom kapul liên ngành. Taphia di nan, brei pambuak bruk haong dom mban khik ramik darak pasar piah pasang iek, tacei pato dom puk palei piah khik ginup pandap panda, abih di nyu nan lac di dom darak pasar sit piah pabak ginup pandap siam, khik tani tanat vyaom kaom.

Pren blei di ban sit Cần Thơ daok tagok. Min meng bruk kuhria caga pandap nan ye ban sit Cần Thơ oh caik brei rah tabiak bruk tagok yaom ngak srau kadau darak pasar, pabak ginup pandap ka bhap bini blei  mbang Tết hu mbuan lagaih./.