Cần Thơ nan lac sa labik pandiak ka bruk kumei me-in di bhum taneran kraong Cuu Long, dalam nan hu biak rilo kumei me-in pandar ma tu.. Yau nan ye, taphia bruk langyah catang, Can Tho sangka tal dom bruk can thiep piah trun takik kanjah jhak, ba mbuan lagaih ka adei saai nao suan jalan hu thau saong mai veik jalan siam. Kalup kapul “ kol dahlak lac urang kumei” lac sa dalam takik bruk hu taong yaom lac siam lagaih yau nan. Urak ini, bruk ini daok hu peih ngak di 3 quan pasak Ninh Kiều, Bình Thủy saong Cái Răng. Duah thau ka bruk ngak saong dom salih bahrau jalan ngak  di dom urang dalam kalup kapul, Lệ Hoa hu kadha vak ala ini :

 Mbang sinh hoat di sa dalam dom nyaom di kalup kapul “kol dahlak lac urang kamei” ban sit Can Tho parabha tui labik daok bhian pataom hu meng 10 tal 20 urang. Dom saai jeng  pambuak tal bruk ngak kumei me-in hu pandar ma tuy saong caong khin mai veik jalan siam. Raidiuk saong bruk mbang ngui daok dang di yaok adei saai ini bhian gindauk, takik urang thau, kurang labik gimbak tinh cam, takik sahaneng tal bruk khik caga pren yava ka rup drei, ka bhapbini, atah saong bruk daong jalan ngak mbang siam mekre saong lac labik pambak ruak the ky dalam xa hoi. Yaok saai tapa dom cong tac vien dong dang tuk mai sinh hoat di kalup kapul “kol dahlak lac urang kumei” hu daong jien ridaih 50 rabau dong sa mbang. Tuk camereip tok hu dom saai mai ka nyu hu mbaok, min dak harei dak hu rilo, dom saai hu kak kajap saong nyaom di drei, thau klah rabha, thau anit saong daong ka dom adei saai dreih yau drei. Saai  Huỳnh Thị Thơm – cộng tác viên đồng đẳng jeng lac Chủ nhiệm kalup kapul brei ka kol dahlak thau cambaih jang ka bruk ngak di kapul: "Dom var sinh hoat yau nan hu tuk salih kadha lac brei thau ka HIV, tapa harei karei lac dom ruak pambak tapa jalan ndih daok, pandar girum klauk sa mbang blaoh klak, atau pandar bao cao su njauk kadha. Harei ini, lac kadha ka langyah bruk kandah gauk. Dom urang gaok kan kandah tuk mai veik jalan siam ye ngak sa blah harak likau mesraiy jien saong sa blah ke hoach, Kalup kapul “ kol dahlak lac urang kumei” hu tacei dom ayut tagok mesraiy jien di Chi cuc mesraiy jien, jien takik min piah ngak mbang. Tuk nao ngak bruk, hu jien oh thau caik pak halei ye dom yut mai tal kalup kapul harei 10 bingun hu nyaom patak pataom, dom yut rik tame co phan.  

Saai Trần Thị Huệ lac urang jakar di Kapul CARE dunya di Việt Nam daok peih ngak danakdak “Kol dahlak lac urang kumei” di Cần Thơ langyah brei thau jang ka nyaom patak pataom brei mesraiy kayua dom urang di kalup kapul rik daong jien saong khik ramik tui bruk pablei 10 rabau/sa co phan. Yaok bilan sa mbang, dom saai payeng gauk boc tham piah mesraiy jien di kadung jien ini, min rilo meng brei mesraiy dahlau ka dom saai gaok kan kandah dot xuat. Hu saai hu anek ruak trak njauk nao iek ruak, abih gauk jeng halan hatian daong brei kamuan tal tuk abih ruak. Anit ranam daong ba gauk hu jeng bruk di yaok urang dalam kapul. Gaok tuk hu urang nghien gilac, urang ini vak harak tabiak truh kapul, min daok payua jien tame patak pataom biyan jien hu mesraiy. Urang amaik umo sit thun hu rilo bruk pandik harao dalam raidiuk ba tal nao suan jalan, urak ini hu panuac khan brei abih gauk thau lac: bruk praong abih dalam raidiuk dahlak daok veik lac anek, dahlak njauk diukrai siam, diukrai njauk saong yam tapa abih kan kandah piah brei ka harei hadei di anek dahlak. Mai tal kalup kapul, saai hu mboh tanyak hadah di puac lubang di raidiuk drei :          

Hu thau, meng thun 2012, Chi cục pacang caga tệ nạn xã hội ban sit Can Tho peih ngak danakdak “kol dahlak lac urang kumei” kayua Kapul CARE dunya di Việt Nam daong. Meng yaom jien labaih 4 tỉ đồng, Danakdak pamaong tal bruk daong, pasiam pren yava ka  300 kumei me-in hu klauk ma túy dalam ban sit Can Thơ. Tui Chi Cục pacang caga tệ nạn xã hội: urak ini, dalam 3 quận Bình Thủy, Cái Răng, Ninh Kiều,  ieu pataom hu jaik  200 adei saai ngak kumei me-in tame kalup kapul piah peih ngak dom danakdak tacei pato gah y tế, adat hukum, tacei jalan duah bruk ngak, pathram megru ilamu diukrai saong ba jalan ngak mbang duah jien ka adei sa-ai mai veik jalan siam. Tapa nan tuk camereip mboh hu labaih 50 adei saai mai veik jalan siam hu jeng menuac siam mekre, labaih 40 adei saai padheih pandar ma túy saong jaik 30 adei saai daok hu iek ruak meng methadone… Taong yaom kein laba meng bruk ngak ini, amuk Phạm Ngọc Phượng – akaok Chi cục pacang caga tệ nạn xã hội ban sit Cần Thơ di Sở Lao động Thương binh Xã hội ndom lac : "Kalup kapul “kol dahlak lac urang kumei" urak ini yaom lac oh ka thau abih, min akaok mereip dahlak sahaneng nan lac meng kham merat di adei saai di kalup kapul hu ba adei saai nao dut iek HIV, ba adei saai nao menyum methadone, ba adei saai nao iek ARV atau lac salih ka adei saai iek ruak njom mbak tapa jalan ndih daok. Bruk ngak nan oh lac pathau khan, jak ba bo daok hu daong phun jien, ba bruk ngak daong ka adei saai salih bruk ngak siam abih saong khang kajap".

 Dui atah dalam 3 thun, anak tal di bilan 6/2015, danakdak “ kol dahlak lac urang kumei” di Kapul CARE dunya hu tamat. Min, bruk ngak di kalup kapul ini dak harei dak tani tanat, daok dalam Chi cục pacang caga tệ nạn xã hội saong daok patui bruk daong ka dom kumei me-in, pandar ma túy tui jalan eng drei duah saong ngak pô jien padai. Bruk ngak ini hu daong pren biak rilo ka bruk pathau khan, salih jalan ngak dalam kapul nyaom urang kumei nao suan jalan dalam ban sit Cần Thơ. Nyu daong ka adei saai hu jalan mbeik drei tame bhapbini piah hu ridiuk barau siam mekre saong rilo sap klao jang./.

Thúy Linh