Saai Nguyễn Mai Độ urak ni lac là Bí thư kapul dam dara Cộng sản phường Châu Văn Liêm, quận Ô Môn, ban sit Cần Thơ brei thau: phường lac sa dalam 3 labik di Quận hu rilo urang bangsa Khmer daok, dam dara bangsa takik lac urang ngak raong sang, bac da-a takik, duah jien meng bruk mbang pah tui bilan ka dom cơ sở tư nhân atau khu công nghiệp. Pamaong tal bruk ieu pataom dam dara piah nao gam haong dom ayuh sahabat angaok jalan padang mbang ngui, duik rai siam mekre, pan njauk tui adat hukum, rik pren padang puk palei, saai Độ song dom wa đảng viên Khmer hadah krah bhian nao rivang puk paga, ndom nyai nao mai piah duah thau hatai caong song dom kan kandah anak meta di rilo boh sang dam dara Khmer, dong ka urangjalan ngak mbang tani tanat rai duik. Nan ye, meng thun 2008 Đoàn phường Châu Văn Liêm hu pambuak bruk song kapul urang kamei, kapul urang nong song sư sãi baha Khmer dalam palei, padanghu dhar kapul dam dara bangsa song kalup kapul ilamu doh tako, kapul dat blong. Yaok bilan sa mbang, dalam dom var taom gaok, kapul dam dara hu pablak bruk pathau khan adat hukum, tacei urang hội nao mesraiy jien di gilang pariak sarak karja piah ngak mbang padang mbang ngui siam lagaih. Saai Nguyễn Mai Độ brei thau ka ilamu ieu pataom dam dara dalam palei.

Băng 1 (41s): Di dhar kapul bangsa baha San-Vo, ong Mai Út dok di khu vực 3 meng mesraiy phun jien peih hu tiem pablei ia gar duah hu yaok harei 300 ribau đồng rong hu 3 urang anek song haduik, ong Trọng dok di khu vực 15 hu bac bruk ngak mai peih tiem pasiam radaih gắn máy duah hu labaih 100 ribau đồng yaok harei, rai duik hu tani tanat. Drei brei ngak ka adei saai jia tame Đòan tame Hội song pambak prong jalan ngak ni piah ka dom adei saai karei mong mboh hu bruk nan song ngak tui piah patagok.

Meyah di labik đô thị yau quận Ô Môn, bruk ieu pataom dam dara bangsa tame dom bruk ngak di kapul dam dara lac bruk kan ye di dom huyện palei pala yau Cờ Đỏ, Thới Lai dak kan jang, kayua dam dara rilo meng nao ngak mbang atah. Jalan ieu pataom dam dara siam di abih nan lac brei padang hu dom mô hình ngak nong sit di labik song tacei pato ilamu kỹ thuật, dong brei anek pajaih, phun pajaih piah dom dam dara dok di puk palei bac megru song duah hu jien di angaok bhum palei di drei. Nan jeng lac jalan ngak di urang pan akaok dam dara naih gheih hu angan Nguyễn Xuân Sang – Bí thư kapul dam dara ban sit Thới Lai, huyện Thới Lai. Saai lac urang nao dahlau dalam bruk padang mô hình tổ hợp tác duah bruk ngak, kapul sx rong glang song chi hội dam dara bangsa ban sit Thới Lai. Hadei di rilo glaih glar, gam hu jak jeng gam hu thất bại, saai Sang mboh lac drei brei ngak dahlau, palih ruah jalan mbuan si ngak, takik phun jien pachreih hu dam dara bangsa pataom tame song ngak tui. Thun ni, saai Sang ngak iek hu jak jeng bruk pala ổi lê song dok kuhria peih prong ka urang dalam dhar kapul dam dara bangsa di ban sit Thới Lai.

Băng 2 (32s): Urak ni bein ổi lê di drei dok ngak eik biak siam. Tui yaom urak ni ổi lê 8 ribau sa kg, 6 atau 7 bilan ye nyu hu boh, 2 phun hu jaik 20 kg, phun jien takik, adei mboh nyu kein liba. Dalam thun 2015, adei meda peih prong jalan ngak ni, dong ka adei saai duah hu jien yaok harei, dong ka boh sang dalam bruk patagok KT.

Dalam tuk yau urak ini, bruk ieu patom dam dara jeng ye dam dara bangsa takik di rilo puk palei dok gaok rilo kan kandah, kayua yau nan ye piah dong ka bruk dam dara dalam xã, phường, ban sit. mBan Thường vụ Thành Đoàn Cần Thơ dok peih ngak rilo bruk pambuak gauk pamaong tal puk palei. Amuk Trần Thị Vĩnh Nghi - Ủy viên Ban thường vụ Trung ương Đoàn, Bí thư Thành Đoàn Cần Thơ brei thau:

Băng 3 (31s): Danak dak “nao gam haong puk palei” bo mban thường vụ Thành Đoàn dok peih ngak tuk camereip hu kein lagaih ka urang jakar đoàn, cơ sở đoàn di xã phường ban sit dalam tuk peih ngak bruk ni. Langiu di bruk pambuak gauk di mBan thường vụ Thành Đòan song dom Sở, ban, ngành dalam ban sit jeng lac jalan ngak siam piah patagok jang bruk dong ba di dom sở, ban, ngành, kapul nyaom ka bruk đoàn song bruk thanh thiếu nhi.

Meyah ndom lac bruk dam dara lac bruk praong di sa bangsa ye bruk ieu pataom dam dara piah tacei ba urang nao tal jalan diukrai siam mekre, diukrai hu kein laba njauk patagok jang. Dalam nan, dom urang dang akaok dam dara naih gheih, abih hatung hatian, hadah krah di cơ sở dok rik dong ka bruk dam dara padang puk palei tani tanat, khang kajap di taong abih gah./.