Can Tho : pren dui pachreih di nghe thuat mengkan

 tuk ba tame dalam sang bac

Dahlau harei tame thun bac barau, dom labik sang bac pho thong di ban sit Cần Thơ  jeng jar var biai tal bruk ngak piah ka harei tame thun bac barau jeng lac bruk njauk hadar, ngak jeng bruk bui sambai di abih gru pato, anek saih saong amaik ame mai pataom mbaok. Min, di 3 labik sang bac Trung học cơ sở lac Mỹ Khánh, Long Tuyền saong Thới Lai, danakdak hu caga bloh meng dahlau nan saong hu chreih chrai jang meng hu dự án sân khấu dalam sang bac barau ngak blaoh. Duah thau ka bruk ini, Lệ Hoa – urang vak di rayo sap ndom VN daok di bhum taneran kraong CL hu kadha vak ala ini : 

Bruk ngak hu hadei di dua bilan peih ngak dự án sân khấu dalam sang bac nan lac dom labik sang bac pataom tame hu ngak jeng tal nghệ nhân măng non hu pathram megru saong parang me-in biak gheih dom trích đoạn cải lương kinh điển. Kayua yau nan ye, danadak daoh tamia di dom labik sang bac ini dalam harei tame thun bac bahrau jeng hu tabiak bruk ngan saong bảng parabha vai, đạo cụ, khan ao, tiết mục biak cambaih laih.

Di phường Long Tuyền, quận Bình Thủy, adei Quách Phú Thành, thun ini barau tagok tan bac 5, sang oh hu thei ngak bruk dalam gah nghe thuat, min adei Thành hu jeng hiện tượng di danakdak mbang ini. Meng bruk diễn xuất biak gheih saong sap daoh khang, tự tin, njauk nhịp, Quách Phú Thành chinh phục hu abih urang meng chuyên nghiệp tal báo chí saong anek saih, amaik ame, dom urang pan akaok Cục Nghệ thuật biểu diễn tuk tame vai jeng Nguyễn Trãi dalam trích đoạn "Rạng ngọc Côn Sơn". Dalam harei peih thun bac barau di sang bac Trung học cơ sở Mỹ Khánh, adei Thái Sĩ Ben sa mbang tra ngak siam angan Thi Sách dalam trích đoạn cải lương “Tiếng trống Mê Linh”. Jak jeng di dom adei ngak jeng bruk tatuak drei dalam abih nek saih saong amaik ame mai hu mbaok peih thun bac bahrau, pamedeih tagok hatai ranam nghe thuat mengkan dalam baoh hatai uranaih saong caik dalam hatai bruk tự hào ka sang bac, ka palei negar. Adei angan Thái Sĩ Ben, anek saih tan bac 9A1 sang bac THCS Mỹ Khánh, tapa tan bac adei gheih jang biak rilo, amaik ame adei sa-ai mboh hadah mbaok ka bruk gheih tagok di adei. Piah vở diễn jak jeng yau ini, dom adei njauk kham merat pasram, hu rilo bruk daong di  dom yut, di gru pato saong urang dalam sang. Urak ini adei mboh biak bui sambai. Adei  daok kuhria  tame tan sân khấu cải lương. 

- Adei angan Quách Phú Thành, thun ini adei bac tan bac 5. Adei ngak siam vai di drei, adei mboh biak bui sambai. Bộ môn ini biak gheih, ba mai bui sambai ka urang maong, adei biak takre bộ môn ini. 

Danakdak “Sân khấu học đường” kayua Cục Nghệ thuật biểu diễn, mintri ilimo padhih saong du lich pambuak bruk saong pasak roh duah khik ramik saong patagok ilimo bangsa dahlau thiah hu peih ngak dalam 10 thun (2001-2010) di labaih 100 labik sang bac Trung học phổ thông dalam taneh ia mek hu siam mekre ka pato megru thẩm mỹ, pabak sajarah, ilimo xã hội, tác phẩm văn học saong nghệ thuật mengkan tui bhum taneh ka dom adei anek saih. Thun bac ini, dankadak daok mai veik saong pilih ruah 4 ban lac Hà Nội, Phú Thọ, ban sit Cần Thơ saong tỉnh Kiên Giang pataom tame. Hadei di dua bilan hè kham merat pasram meng saoh tal hu, meng oh ka cambaih laih tal thau saong tame bruk, tame vai piah ngak medheih hatei ranam ilimo bangsa di dom adei, yaok puk palei jeng hu sa tan "mầm non" nghệ thuật bahrau abih .

Di ban sit Cần Thơ, dom urang abih hatai yau NSƯT Trúc Linh (Chủ nhiệm kalup kapul Đờn ca tài tử Tây Đô), nghệ nhân Thanh Liêm – urang dahlau thiah ngak gru pato, NSƯT Kiều Mỹ Dung, Nghệ sĩ Thạch Chanh – akaok Khoa Sân khấu (di sang bac ilimo Nghệ thuật Cần Thơ)… lac dom urang meng livik mai hu panuac caong lac, ba nghệ thuật mengkan bhum palei tame sang bac, urak ini ba abih pren yava di drei pato veik ka dom adei. NSƯT Trúc Linh saong nghệ sĩ Thạch Chanh lac :NSƯT Trúc Linh (34s): Tuk camereip biak duh hatai, min dak harei dom adei jeng takre, kham merat bac. Dom adei meda daoh hu dom nhịp chẻ, nhịp ngoại, daoh biak gheih jeng ngak brei pachreih dom gru, mboh biak chreih chrai, ranam dom adei. Hu yau nan dahlak mboh biak uan tabuan.

- NS Thạch Chanh (24s): Akaok mereip drei sahaneng lac dom adei oh randap saong loại hình ini, min tuk ba tabiak blaoh, dom gru kham merat pasram ka dom adei ye dom adei biak takre. Dahlak sahaneng lac meda hu rilo mbang peih yau ini, dalam nan drei meda pilih ruah urang harei hadei piah pato jeng diễn viên angan je di Cần Thơ jeng ye di bhum taneran kraong CL.

Bruk daok pamaong ngak di danadak sâu khấu di sang bac lac daong dom adei thau hu dom yaom glaong di nghệ thuật sân khấu mengkan, paglaong akaok sahaneng thau iek praong, thau khik ramik, patagok dom yaom ilimo bangsa; padang hu dom kapul urang khán giả ranaih umo saong padang hu dom diễn viên ka dom loại hình nghệ thuật sân khấu bangsa dalam tukvak ini jeng ye harei hadei. Ông Trương Thế Bảo - Hiệu trưởng sang bac Trung học cơ sở Mỹ Khánh lac labik hu mbang tui danakdak ngan saong diễn viên sân khấu barau saong pandap panda, trang thiết bị, đạo cụ biểu diễn – chreih chrai brei thau meda patagok siam hadei di danakdak : Mengkan dom adei tok thau daoh ca nhạc atau nhạc trẻ, min tapa danakdak ye duah mboh biak rilo anek saih hu năng khiếu nghệ thuật cổ truyền bangsa. Sang bac kham merat gam saong tacei pato di Jabat pato megru patagok janih nghệ thuật ini dalam sang bac saong hu jalan pilih ruah anek saih gam saong pataom mek pandap di drei hu blaoh piah kham merat khik loại hình ini di tukvak tal. 

Danakdak njauk hu ngak saong pambak praong lac caong khin di taong abih dom urang sangka tal anek saih saong nghệ thuật.