Rilo urang dalam nyaom roya hu ndom tal dom jak jeng praong hu makna sajarah di taneh ia

Rilo urang dalam nyaom roya hu ndom tal dom jak jeng praong hu makna sajarah di taneh ia tapa 35 thun salih bahrau, abih di nyu nan lac jak jeng dalam mbang 12 hu brei mboh dalam dom harak pathau khan. Tổng Bí thư Nguyễn Phú Trọng ndem lac “taneh ia drei ka oh tuk halei hu prein khang, labik dang saong angan ye di dunya yau harei ni” hu dom urang hu mbaok di nyaom roya ginum biai biak chreih chrai. Ong Nguyễn Công Trưởng, kapul Lạng Sơn ndem lac::"Khol dahlak biak bui sambai anak dom jak jeng di Đảng Cộng sản Việt Nam hu par akaok ba taneh ia mek hu dom jak jeng praong, biak hu yaom glaong. Đảng bộ rajaei bhap bini dom bangsa di tỉnh Lạng Sơn caong lac nyaom roya daok hu rilo sarak piah ka dom tỉnh jaik taphia hu mbang tui dom kein laba meng dom sarak di Đảng saong kanja piah patagok kinh tế xã hội."

Tui dom urang dalam nyaom roya, taong abih dom harak ndom puac jeng hu yaom glaong meng bruk ngak tal jalan ndom puac hu brei mboh dom bruk di dom tinh, bal, ba tabiak dom jalan langyah praong. Yaok kadha ndom puac jeng hu sa meta maong karei ka dom asal kadha di harak pok tagok Nyaom roya Đảng pakat negar mbang ka 13 saong ndem biak dalam, hu yaom lý luận saong thực tiễn piah peih ngak dalam tukvak anak tal. Caik hatai ka bruk ginum biai jalan patagok bruk ngak nong Việt Nam dalam tukvak bahrau, ba bruk ngak nong Việt Nam patagok tui jalan kinh tế ngak nong bahrau, tui bruk sinh thái pambuak haong bruk ngak nong công nghệ glaong, gam saong bruk padang ngak palei pala bahrau, ong Trần Hoàng Ngân, kapul ban raya Hồ Chí Minh ndem lac: njauk hu jalan praong, suai lavik patagok bruk ngak nong:“Piah ka gah ngak nong meda tagok hu ye dom urang hu mbaok di nyaom roya hu harak ndom puac ka sarak daong ba. Daong hagait? Urang nong caong di abih lac daong jien logictic. Nan lac daong gah sang danaok, jalan mbak, jalan pambuak bhum. Njauk hu sarak pambuak bruk ngak nong saong patagok kinh tế tasik, piah gam patagok kinh tế pambuak gam khik khang kajap an ninh quốc phòng. Dom panuac ndem ka gah ngak nong dahlak biak pachreih tui”.

Sa dalam dom asal kadha dalam mbang ginum dui pachreih hu bruk sangka di ong Hồ Văn Điểm, kapul lambaok ka tỉnh Gia Lai nan lac jalan patagok bhum bangsa takik. Ong caong lac hadei di nyaom roya samar hu dom sarak lagaih piah peih ngak dom jalan ni piah patagok kinh tế bhum Tây Nguyên:“Dahlak biak njauk hatai haong dom jalan ka cak rok patagok dom bhum bangsa takik jeng yau ka Gia Lai. Dalam nan hu dom bruk cak rok patagok kinh tế, xã hội, jang yau bruk pakhang, pakajap quốc phòng an ninh. Piah ngak hu sarak, caong samar hu jalan ngak cambaih laih, lagaih haong bruk di puk palei.”

“Rahra lac gha”, “bhap bini lac pasak di bruk cak rok patagok”, pamaong tal bruk pamadeih tagok hatai caong patagok taneh ia kaya meda, haniem phol” lac dom asal kadha hu rilo urang caik hatai sangka di nyaom roya./.

Urang lang: Thu Thảo – 02/02