Bhap bini di angaok palao kaoh biak chreih chrai taduan raok harei palih ruah urang ka QH

Angaok pulao Song Tử Tây, grauk dom jalan nao dalam Harei roya praong di taneh ia jeng hu ramik ngak hadah tanyak meng dom băng rôn khẩu hiệu, hala dok bhong meriah patuk kanyik katam par dalam ngin. Bruk pilih ruah hu peih tabiak meng 7 tuk 10 minit saong hadei di tuk ngak adat peih mbaok di labik pilih ruah di UB bhap bini xã. Hadei di nan, dom cử tri hu tame buh dom hala phiếu pilih ruah tame dom thung phiếu.

Lac sa dalam dom menuac buh phiếu camereip abih, cử tri Hoàng Thanh Tú chreih chrai brei thau, tapa hala phiếu caong lac pilih ruah hu dom urang naih gheih di abih lambaok ka bhap bini dalam dom jabat dom pakat. Gam haong nan, caong lac dom urang hu pilih ruah meda patagok hu ilamu, hatung hatai siam di drei rik daong ka bruk cakrok di taneh ia.

Cử tri Lưu Thị Cầm Hằng, pulao Song Tử Tây bui sambai lac: " Dahlak hu mbaok meng aval saong hu buh phiếu blaoh. Tuk buh phiếu dahlak hu sahneng kuhria biak tani tanat, buh phiếu brei ka dom urang hu trách nhiệm, caong lac dom urang hu pilih ruah meda daong ka bhap bini saong paglaong jang raidiuk di dom bhum kan kandah, pulao tasik".

Trung tá Nguyễn Quốc Tuấn, Chính trị viên - phó pulao Song Tử Tây brei thau, ngan saong dom kapul khik iek, caga pacang bruk rah tabiak angaok pulao Song Tử Tây, dom urang jakar, urang lin salih gauk nao buh phiếu di dom  thùng phiếu, piah ka taong abih gauk jeng hu ngak quyền saong nghĩa vụ di drei gam haong bruk khik iek pulao.

Dalam tuk langik tasik siam lagaih, dom labik buh phiếu di xã pulao Sinh Tồn peih bruk buh phiếu di mon 7. Dalam dom cử tri nao pilih ruah mbang ini, hu biak rilo cử tri daok ranaih mbang camereip hu nao pilih ruah, dalam hatai mboh biak chreih chrai tuk hu nao ngak quyền di drei.

Lambaok ka dom cử tri angaok pulao Sinh Tồn, Trung tá Lê Văn Thông, Chính trị viên pulao Sinh Tồn khan lac, urang lin saong rahra di Sinh Tồn caong pilih ruah hu dom urang naih gheih, siam hatung hatai, caong lac dom urang hu pilih ruah meda ba sap ndom di cử tri angaok xã pulao Sinh Tồn jeng yau huyện pulao Trường Sa tal taong abih bol bala, bol bhap rahra dalam taneh ia piah ngak hu jayah bruk khik caga quyền ngak po tasik pulao ginreih di taneh ia saong rik daong dak padang quốc phòng toàn dân dak harei dak khang kajap.

Daok labik pilih ruah di pulao Sơn Ca, bruk pilih ruah jeng hu rah tabiak njauk tui adat hukum. Trung tá Nguyễn Như Tuyến, Chính trị viên di pulao brei thau, gam haong bruk peih pilih ruah, bruk khik caga pulao jeng hu peih ngak catang, caga dom bruk meda rah tabiak, oh caik brei tatuak drei anak yaok bruk. Taphia bruk chreih chrai di harei pilih ruah dahlau, bruk pilih ruah rah tabiak, dom labik pilih ruah jeng hu patagok dom jalan pacang caga jit hu siam mekre, salamat dalam tuk jit COVID-19 daok rah tabiak khang./.

Urang lang: Mousaphuong -23/5