Cơ hội barau ka urang jaoh jo di Sơn La

          Pathau mikva saong grauk yut ! ndom tal  xã Đông Sang, huyện Mộc Châu, tỉnh Sơn La, thei jeng sahaneng tal glai Thông, bản Áng, min takik thei thau hu, meng bilan 04/2015, labik ini daok hu sa pasak pato bruk khắc kayau caik ka urang jaoh jo. Kadha vak di Hoàng Long, urang vak daok di bhum Tây Bắc brei thau ka bruk ini .                                      

        Saai Lường Thị Đóa daok di xã Đông Sang, huyện Mộc Châu, tỉnh Sơn La, 5 thun dahlau gaok bala ngak ka saai lihik nao sa plak tangin, nan lac tukvak biak kan kandah di saai saong sang di sa-ai. Min, 3 bilan ini hu bac bruk saong ngak bruk di pasak saong yaom jien bilan 2,4 trieu dong sa bilan, raidiuk di saai dak harei dak tani tanat. Saai Lường Thị Đóa ndom lac : Raidiuk di dahlak urak ini tani tanat saong yaom jien bilan 2 triệu 4 ratuh rabau đồng sa bilan, jeng ginup ka raidiuk di dahlak urak ini. Meng yaom jien bilan nan, dahlak hu jien mek tame saong payua ka sang. 

Lac urang ngak raong 4 urang dalam sang, min bala jalan mbak 9 thun dahlau ngak ka takai iu di saai Lò Văn Mới, xã Nà Bó, huyện Mai Sơn, tỉnh Sơn La oh megei hu, meng di nan 2 mbaik nạng tui saai yau thaot saong binguk. Oh nao ngak puh hu, oh likau bruk ngak hu, sang saai Mới kan kandah dak harei dak laik tame kan kandah jang. 3 bilan ini, tuk bac bruk di pasak pato bruk chạm khắc kayau caik ka urang jaoh jo, saai Mới hu daok mboh tự ti, mặc cảm yau dahlau deih. Hu daok saong dom urang dreih yau drei, hu bac piah thau bruk ngak, hu bayan jien bilan, saai Mới hu jien mbang cai saong payua nao daong ka sang. Saai Lò Văn Mới brei thau : (Bruk ngak pak ini biak lagaih ka dom urang jaoh jo yau kol dahlak. Raidiuk urak ini biak haniem phuan saong dahlak meda raong hu rup drei saong hadei ini dahlak meda daong ka sang saong dom urang dalam sang dahlak. 

Pasak pato bruk chạm khắc kayau caik ka urang jaoh jo di Công ty Trách nhiệm hữu hạn Tuyết Sơn - Sơn La urak ini barau hu 20 urang jeng lac urang jaoh jjo. Meng rilo quyền lợi ưu đãi yau : urang bac hu pato brei saoh; hu brei labik daok labik mbang huak di công ty; brei mbang menyum yaok harei;  daong brei jien dalam tuk bac bruk lac 2.400.000 đồng sa urang sa bilan... Công ty Trách nhiệm hữu hạn Tuyết Sơn - Sơn La daok peih tabiak dom jalan nao barau ka urang jaoh jo di Sơn La, daong ka urang jaoh jo hu bruk ngak tani tanat, hu tự tin piah yam tagok dalam raidiuk. Ông Trần Thanh Sơn, akaok Hội đồng thành viên công ty trách nhiệm hữu hạn Tuyết Sơn - Sơn La brei thau : Dahlak dak padang  xưởng di labik ini piah daong ka dom urang jaoh jo dalam palei daok kan kandah, oh ka hu bruk ngak mbang, oh ka hu raidiuk tani tanat; bruk ngak di dahlak lac ba cong nghe di drei mai pato ka dom urang nan hu bruk ngak saong hu jien mek tame tani tanat, suai livik dalam raidiuk. 

Bruk daong ka urang jaoh jo hu bruk ngak tani tanat oh lac daong ka dom urang nan hu jien mek tame, bo daok lac bruk pachreih ba biak praong, daong dom urang jaoh jo hu yam tapa tự ti, yam tagok dalam raidiuk yaok harei.

Thúy Linh