Da Nang kan  ngak hu bruk taong abih anek saih sang bac pakat sa hu bac bán trú

********

Dalam tukvak sa, Đà Nẵng hu padang 19 cong trinh saong yaom buh tame ngak jaik 88 tỷ đồng, min piah pabak hu bruk bac dua var, dom sang bac pakat 1 dalam ban sit jeng daok kurang duk bac. Ndom biai ka bruk ini, Akaok Sở pato megru ban sit Da Nang brei thau, dalam 19 cong trinh di tukvak sa, hu 4 cong trinh daok ngak jaik blaoh, ba tame pandar, dom cong trinh karei hu peih bruk padang ngak piah khik caga njauk tukvak, duh ka thun bac 20155 -2016. Tukvak dua hu veik 33 cong trinh hu ban sit padang ngak labaih 230 duk bac. Min, tui kuhria mboh dahlau, tal puac thun 2016, meyah hu 114 duk bac hu padang ngak barau, ye ban sit Da Nang jeng bahrau hu jaik 90% anek saih pakat 1 hu bac 2 var sa harei.

Bruk kurang duk bac piah pato, bac dua var sa harei rah tabiak di grauk quan, huyen. Taphia nan daok hu yaok ratuh duk bac njauk salih barau kayua oh khik caga hu siam mekre atau sang bac njauk pandar duk hiệu bộ ngak tal bac…Tui ông Lê Văn Nghĩa, akaok jabat pato megru quận Liên Chiểu, thun bac 2015 - 2016, dalam quận meda hu rilo jang 600 anek saih tal bac 1 duk saong thun bac 2014 - 2015. Yaom lac hu padang ngak barau rilo duk bac, ty le anek saih bac dua var sa harei dalam quan jeng daok lac biar di abih dalam ban sit ngan saong 70%. Makna praong kayua bruk patagok dan số cơ học di dom phường dalam quận Liên Chiểu pataom tame dom labik cong nghiep, ngak jeng dom labik chung cư, labik bhapbini daok barau.

Dalam tuk nan di quận Thanh Khê, thun bac 2014 - 2015 hu 15.353 anek saih di 387 tal bac saong tỷ lệ bán trú lac 84%, dalam thun bac barau 2015 - 2016 tui kuhria meda padang ngak veik 72 duk bac, min anak meta barau padang hu 16 duk, nan ye tỷ lệ bán trú dua var sa harei di thun bac tal tok hu 88%.

-Urak ini dalam dom sang bac pakat sa ini, sĩ số anek saih biak rilo jang duk saong chuẩn quy định di mintri pato megru. Dalam tuk nan, rilo sang bac kayua oh hu taneh piah peih praong nan ye laik tame bruk cơi nới maong oh jeng, ngak lahik labik mein di anek saih, ngak tayah tieu chí sang bac chuẩn bo sang bac daok mek hu.

Anak bruk yau nan, Bí thư Thành ủy, akaok Hội đồng bhapbini ban sit Da nang ndom lac, oh kayua bruk ba tabiak lac taong abih anek saih sang bac pakat 1 hu bac dua var sa harei bo klaak nao dom tiêu chí sang bac chuẩn; njauk hu dom jalan ngak piah yam tal bruk anek saih hu bac dua var sa harei min oh njauk ngak meng ngak ka pahu. Đà Nẵng njauk khik caga cơ sở vật chất, urang gru pato, trang thiết bị... piah mek hu chuẩn. Anak meta, ngan saong dom cong trình hu buh brei jien bloh, uy mban bhapbini ban sit njauk samar padang ngak, saong njauk brei jien dahlau ka dom puk palei daok kurang duk bac, quá tải anek saih.

Meda ndom lac, bruk buh jiern tame padang ngak labik bac, pandap bac piah khik  ka taong abih anek saih sang bac pakat sa dalam ban sit hu bán trú dua var sa harei lac sa bruk njauk, min kadung jien karja ban sit daok biak kan kandah saong piah peih ngak hu bruk nan, ban sit daok parabha mbang buh jien tame ngak. Gah pato megru saong karja daok kham merat piah ngak hu bruk ini, piah ba mbuan lagaih ka anek saih sang bac pakat 1 hu bán trú piah bac da-a saong patagok abih gah meng akaok sahneng tal pren yava./.