Dom urang guk ngak bruk siam hu dac xa

Meng thun 2009 tal thun 2016, tui hukum Đặc xá thun 2007, karja drei hu peih 7 mbang đặc xá di tuk pahadar dom harei prong di taneh ia , đặc xá ka labaih 87.000 urang. Patui jalan siam mekre nan, bruk đặc xá thun ni lac mbang camereip peih ngak  meng tuk hukum Đặc xá (pasiam veik) hu patabiak di thun  2018, ngan song rilo paka bahrau catang jang, tok dom urang siam meng taduan hu bruk ma-ah brei di Đảng song karja.

Bruk  đặc xá thun ni hu peih ngak dalam tuk jit Covid-19 rah tabiak srau kadau di rilo tỉnh, ban; ba tal rilo kan kandah dalam bruk pasang iek, duah thau harak gar di labik daok, padang dom kapul pasang iek di dom gah, ngak dom harak gar di labik mek kreik, kuhri kurhia biak tani tanat ka urang hu đặc xá song labik palei taduan raok piah khik kajap bruk pacang caga jit ruak. Bruk  đặc xá thun 2021 hu peih ngak sami samar, siam mekre, njauk tuk ba tabiak, brei mboh hatai kham merat di abih gah dalam peih ngak siam bruk prong ni.

Harei 30-6-2021, Akaok negar mbaoh tangin patabiak sarak 1161/2021/QĐ-CTN ka đặc xá thun 2021, dalam nan tacei tabiak cambaih laih dom kadha piah hu đặc xá, saong dom bruk oh hu đặc xá. Hadei di tuk sarak di akaok negar hu ba tabiak brei thau, dom jabat chức năng samar padang dom harak tacei pato, peih bruk khan brei thau  tal dom labik mek kreik song yaok rahra. Kapul daong bruk đặc xá hu ginum biai rilo mbang piah pasang iek tong abih gah, kuhri kuhria tani tanat dom bruk di yaok hồ sơ dok hu panuac karei di gauk tui jalan khách quan, oh tui gah halei, njauk haong adat hukum. Akaok negar Nguyễn Xuân Phúc hu nao pasang iek bruk đặc xá di tỉnh Bắc Giang harei 19-8 song hu rilo tacei ba prong ka makna, jalan ngak, pamong tal song asal kadha peih bruk  đặc xá thun ni. Dom urang dalam kapul daong bruk đặc xá jeng ba akaok dom kapul nao pasang iek di dom puk palei. Tong abih jalan ngak biak catang ini khik kajap bruk lac dom hồ sơ pok tagok akaok negar mong iek, brei panuac dalam mbang ni jeng njauk menuac, njauk hong adat hukum.  Tui jalan ngak lac oh labaih, oh kurang, oh lac ka dom menuac guk lac urang Việt Nam bo daok hu gam dom menuac guk hu quốc tịch negar langui.

  Jalan ngak dahlau hadei oh salih karei di Đảng song karja drei lac khik caga song jhul patagok quyền anek menuac brei samu gaukk ka tong abih  rahra, kuhria gam dom menuac daok guk. Bruk ni hu tacei  tabiak cambaih dalam hukum negar thun 2013, dom văn bản pháp lý yau Hukum Hình sự 2015, Hukum Tố tụng hình sự 2015, Hukum Thi hành tạm giam, tạm giữ thun  2015, Hukum Thi hành án hình sự thun  2019… song rilo adat hukum karei hu pambuak pagam tal. Sarak lac daong palagaih di abih piah ka dom urang guk hu iek glang, sahnang hatai bac pasram, paglong đạo đức song đặc xá lac bruk pachreih ba glong di abih meyah urang ngak siam, pamong tal jalan siam mekre veik.

Tapa bruk ngak mboh lac, dom adat hukum hu khik ginup dom quyền di rahra, oh neh rabha rahra negar langui  atau rahra Việt Nam dalam tố tụng song thi hành án hình sự. Dom quyền ni hu khik kajap di dom tòa án, dom labik mek kreik, tapa nan nyu brei mboh panuac ndom suan, ndom oh njauk, oh biak ka bruk khik kajap quyền anek menuac di Việt Nam. Taphia di nan, bruk pasang iek đặc xá ka dom urang  quốc tịch negar langui tui jalan samu gauk, tantu, cambaih laih, jeng dong ka menuac sia dunya thau cambaih jang ka sarak jalan ngak di  Đảng song karja drei. 

Meng bruk brei đặc xá di akaok negar, yaok ribau urang taduan hu bruk bui sambai  hu khoan hồng, samar mai veik sang, caga jalan ka 2 piah padang veik rai duik di drei. Nan jeng lac bruk anit ranam praong abih, njauk caik hatai abih di Sarak  đặc xá, brei mboh cambaih di abih bruk khik ramik song jhul patagok quyền anek menuac dalam yaok sarak, yaok  jalan ngak di  Đảng song karja drei ./.

Urang lang: Hanipha- 6/9