Lac labik  pato pakai labaih 55 ribau sinh vien ka  bhum taneran kraong Cưu Long, lingiu bruk  pato di drei, sang bac Đại học Cần Thơ jeng lac labik kham merat dalam bruk ngak ilamu – daoh tamia, abih di nyu nan lac daong rik prein yawa tame khik ramik saong patagok dom yaom glaong ilamu meng kan.  

Yaok harei tal tuk lingik laik sup, hadei di dom harei bac megru pandik akaok, hu biak rilo saih mengru di sang bac Đại học Cần Thơ mai pataom gauk di Hội trường praong piah hu mbaok tame kapul daoh tamia. Mblang bein praong, Hội trường praong jeng labik ka yaok rituh sinh viên pasram tamia, yuk talak, cuah ariya, dalikan saong đờn ca tài tử….

Khol dahlak hu taom gaok ayut Nguyễn Hồng Thắng, sinh viên bac thun puac gah Quản trị kinh doanh, lac urang dang kaok Kalup kapul yuk talak Thời Gian dalam sa var pasram yau nan. Ayut Thắng brei thau: Kalup kapul hu padang tabiak meng thun 2011, hu labaih 30 urang bhian hu mbaok saong labaih 100 ayut daok tui pasram: " Khol dahlak ralo meng roh duah dom giáo trình di học viện Negar, hadei di nan klah rabha dom ilamu ka dom ayut pasram. Kalup kapul khol dahlak piah mein sambai saong taom gaok gauk min. Sân khấu ye khol hulin pah dalam kuan caphe blaoh ma-in bui sambai, daoh tamia labik nan. Tuk khol hulin parang me-in, abih di nyu nan lac di tuk  melam hu menuac mai maong iek biak rilo, daok tuk harei ye khol dahlak daoh tamia, thei takre yuk talak, thau tukvak me-in ye urang mai pang, mai iek".

Lac sa labik meng livik mai hu angan ka bruk ilamu daoh tamia, sang bac Đại học Cần Thơ birau peih bruk pachreih tui Danka dak di taneh ia ka bruk khik ramik saong patagok ilamu Đờn ca tài tử Nam bộ. Bahrau ini, Sang bac hu tabiak mbaok Kalup kapul Đờn ca tài tử, palih ruah urang naih gheih meng dom kapul nyaom padang eng saong caga peih dom tal bac gah janih nan ka gru pato saong sinh vien. Di var tabiak mbaok, Phó Giáo sư – Tiến sĩ Nguyễn Thị Mỹ Liêm - Phó Giám đốc Nhạc viện ban raya Hồ Chí Minh biak pachreih hatai saong bruk caong khin duah thau jeng yau hu mbaok tame khik ramik ilamu Đờn ca tài tử di sinh vien. Hoi truong chreih chrai tagok, yaok sinh vien, yaok urang di kalup kapul thei jeng bui sambai caong hu thau rilo jang, piah daong khik ramik saong pambak praong Đờn ca tài tử rilo jang dalam bhap bini  saong ka harei hadei. Ayut Lê Thị Bé Thương palei daok di Kiên Giang, sinh viên bac thun ka klau gah Quản trị du lịch lac urang di kalup kapul khan brei thau:" Meng umo 7 thun, dahlak daoh hu ye, min lagu daoh, mbeik sap, ka oh gheih. Meng tuk tagok Cần Thơ bac Đại học, hu taom gaok rilo bruk daoh, dahlak hu bac megru rilo jang, biak mai hu bac di dom cei dom sa-ai hu dua thun ye. Meng livik mai, dahlak caong khin hu sa  labik daoh Đờn ca tài tử yau ini brei ka sinh vien. Tal harei ini, Đờn ca tài tử dalm sang bac Đại học Cần Thơ hu tabiak rai. Nyu yau sa bruk praong ngan saong sinh vien dalam bruk bac megru ilamu, abih di nyu nan lac janih daoh tamia nghe thuat di bhum palei drei".

Meng sa labik praong hu labaih 55 ribau sinh vien mai meng dom tỉnh dalam bhum taneran kraong Cuu Long saong bruk ngak khang kajap nan ye meng rilo thun ini mai, Sang bac Đại học Cần Thơ hu dang sumu sa tỉnh, ban dalm bruk ngak ilamu daoh tamia di khu vưc. Yau ye: gam saong 13 tỉnh, ban bhum taneran kraong Cuu Long, Đại học Cần Thơ nan lac kapul ka 14 di taong abih dom mbang “Pataom sap daoh paguol taom gaok 9 baoh kraong” saong tuk halei jeng mek hu tanut glaong… Phó Giáo sư – Tiến sĩ Hà Thanh Toàn – Akok  sang bac Đại học Cần Thơ brei thau: Ini lac jalan nao piah ka sang bac pato pakai anek manuac hu siam mekre jang:" Bruk praong abih di sang bac nan lac pato pakai piah hu kapul urang jakar hu ilamu glaong, min kadha praongnan lac urang jakar brei cakrok patagok taong abih gah. Kayua yau nan ye, khol dahlaki jeng caong khin meng bruk ilamu nghe thuat  piah ngak pasiam jang anek menuac. Tui jalan ngak yau nan, tui bruk caong khin di sinh vien, sang bac khang hatai padang ngak saong daoki patui jalan pachreih tui bruk ngak ilamu, dalam nan hu Đờn ca tài tử Nam bo.  Dahlak jeng hu panuac iew dom adei sinh vien ba abih hatai di drei piah daong tame gilang ilamu biak rilo siam gheih di bhum taneran kraong Cuu Long". 

Bruk ilamu daoh tamia nyu hu pren khang kandauk dalam dalam bruk pato pakai jalan sahaneng saong jalan diukrai siam mekre ka rairah dam dara. Ilamu bangsa dak hu lagaih jang dalam bruk pato pakai ini. Bruk sang bac Đại học Cần Thơ ba mbuan lagaih saong pachreih sinh vien tame dom bruk ilamu daoh tamia meng kan daok rik daong pabak jalan sahaneng ka bruk ngak di drei di dom trí thức daok ranaih umo piah khik ramik saong patagok khang kajap ilamu di bhum./.