Brei pandap mbang huak ka bhap bini dalam bhum jit ruak 

Palei Hluk, xã Ea Tiêu, huyện Chư Kuin, tỉnh Đắk Lắk hu jiak 20 urang meng dom  tỉnh gah merong bahrau mai, brei dok karei di sang. Ong Y Nguă Buôn Yă, akaok kapul COVID-19 bhap bini palei Hluk brei thau, dut song dom mbang dahlau, mbang ni urang mai rilo jang .Oh lac pasang iek urang dok karei di sang, Kapul  COVID bhap bini bhian kakei mikva dalam palei takik nao mai, takik taom gaok, ngak siam tui 5paka di mintri y tế. Yau sang ong  Y Nguă, anek kamei song anek metau likei meng bhum jit  bahrau mai jeng ngak yau nan:

 “Anek kamei song anek  metau  likei nao ngak bruk di Bình Dương mai ye  UB bhap bini  xã brei dok karei  14 harei di sang, oh tabiak gah langui. 2 duik pasang brei dok sang karei. Lisei ia,  pandap mbang drei ba brei ka anek, oh taom gaok jiak.”

Palei Hluk hu jaik 150 boh sang,  min hu tal  5 Kapul COVID-19 bhap bini. Dom bruk pambuak tal jit ruak hu khan brei thau cambaih, dong ka mik va dalam palei paglong hatai sahneng jang, tuk halei jeng ngak tui 5 paka di mintri y tế. Dalam bruk metai lahik, dom bilan tapa, mik va ngak sit veik, oh dui atah yau dahlau deih. Ong Y Sách Bkrông, Akaok palei Hluk brei thau:

“Harei ni metai ye page urang dar. Mik va nao sirah bloh mai, oh dok suai. Salih karei biak rilo, oh abih rilo tuk vak , jien ndo, kayua pacang caga jit, nan ye bruk hagait kan kandah ye brei tapa . Gauk gar jiak di abih meng dok veik, oh dok pataom rilo menuac urang.”

Ong Y Min Ê Nuôl, Bí thư Đảng ủy xã Ea Tiêu brei thau, mik va di dom puk palei mboh cambaih bruk kan kandah, mbuan mertai lahik di jit  COVID-19, abih di nyu nan lac tuk dalam huyện hu dom urang njom, sruh jit; atau dom boh sang dalam xã hu menuac nao ngak bruk di dom tỉnh ban gah merong njauk njom ruak song metai. Dom kapul  COVID-19 bhap bini hu pathau khan yaok harei, pasang iek, kakei pahadar. Yaok kapul hu meng  4-5 urang, dalam nan hu urang hu angan je dalam bhap bini, urang đảng , urang jakar dom kapul nyaom  karja xã:

“Parabha yaok urang tui iek sa labik, sa palei  . Kapul bhap bini brei pathau khan  bruk ngak song  UBND xã, thường trực Đảng ủy. Labik halei oh  ngak siam, brei khan chip piah hu jalan langyah”  

Huyện Cư Kuin lac labik camereip di  tỉnh Đắk Lắk tamuh sruh jit dalam dom palei urang bangsa takik. Meng rilo jalan ngak khang, huyện pacang hu jit ruak, ba raidiuk hu siam mekre bahrau meng puac bilan 8. Ong Lê Thái Dũng, Bí thư Huyện ủy, Akaok mban tacei jalan pacang caga  jit  COVID-19 huyện Cư Kuin brei thau, dalam jak jeng nan, hu bruk pacang caga jit  meng puk palei: pasang iek dom boh sang, dom urang njauk brei dok karei. Huyện hu labaih 110.000 urang daok di  113 puk palei. Tik camereip yaok puk palei tok  hu sa Kapul  COVID-19 bhap bini. Dalam tuk jit ruak kan kandah, huyện hu padang tal 547 Kapul COVID-19 bhap bini. 

Oh ka tal sa adit, Cư Kuin hu labaih  1.000 urang mai meng dom  tỉnh gah merong. Urak ni dom Kapul  COVID-19 bhap bini dok patagok siam lagaih piah pasang iek, brei dok karei urang mai veik palei. Ong Lê Thái Dũng brei thau, pacang jit meng dalam dom puk palei lac jalan piah patrun patakik bruk pacang veik, meyah hu urang, khik caga khang kajap bhum hajao:

“Yaok Kapul  Covid-19 brei pasang iek meng 20-30 boh sang min, bruk pasang iek,  abih di nyu nan lac urang ngak bruk  meng dom  tỉnh gah merong , di bhum jit mai ye brei patagok kapul ni, abih di nyu nan lac dalam dom palei.”

Bruk pacang jit meng dalam yaok puk palei gam song dom jalan ngak khang hu dong ka huyện Chư Kuin, tỉnh Đắk Lắk dalam sa bilan meteh tapa oh dok hu urang ruak COVID-19 njom mbak dalam bhap bini./.

Urang lang: Hanipha- 13/10