Bruk iek glang urang taha ruak dalam palei hu sangka siam 

Muk  H Yam BKrông, akaok palei Tơng Jú, xã Ea Kao, ban  Buôn Ma Thuột khan lac, tuk vak akaok bilan 10, tuk palei tamuh jit Covid-19 song yaok rituh urang njom ruak, dalam palei hu labaih 440 boh sang, 2.200 urang njauk pacang veik, brei dok karei. Meng hu bruk ba tangin tame, dong ba di dom pakat, dom gah, dom kapul nyaom ngak pahla, bruk kham merat di kapul covid bhap bini, mik va hu sahneng hatai dok karei, ngak njauk tui bruk pacang caga jit. Bruk jum pataom sa hatung hatai di rahra hu dong ka palei pacang hu jit ruak, ba raiduik hu siam mekre veik. Muk H Yam BKrông brei thau

Meng pakat  tỉnh tal puk palei,  dom urang ngak pahla tuk halei jeng sangka dong ka mik va dalam tukvak  brei dok karei. Kapul Covid bhap bini di palei  hu  17 urang ngak bruk biak abih hatai, biak kham merat duh ka mikva nan ye mikva sahanang hatai daok di sang. Urak ni mai veik raidiuk siam mekre bahrau jeng daok pathau khan, kakei mik va njauk ngak siam bruk pacang caga jit.

Dalam tỉnh Đắk Lắk, dom kapul  covid bhap bini di dom puk, palei, tổ dân phố nao gam song dom kapul xung kích, halan hatain hu mbaok tame pacang caga jit. Urak ni, tỉnh dok khik 4.218 kapul  Covid bhap bini di 15 huyện, ban sit, ba akaok lac dom urang jakar mặt trận, kapul nyaom puk palei . Bruk ngak prong di dom kapul lac pasang iek dom urang mai meng bhum hu jit, bruk brei dok karei di sang, pathau khan jak ba rahra ngak siam dom bruk ka pacang caga jit. Muk H Kim Hoa Byă, Akaok mban Dân vận, Akaok  UBMT negar  Việt Nam tỉnh Đắk Lắk brei thau, langiu di tacei pato bruk ngak di puk palei, mặt trận dom pakat dok patagok labik dang dalam bruk ieu pataom, jak ba dom pren khang ka bruk pacang caga jit pak di labik; ba tabiak dom bruk ngak gheih, jalan ngak hadah krah piah dong ka dom gah hu mbaok di labik pacang cag jit.

Patagok hu bruk anit ranam gauk, daong ba gauk dalam bhap bini , abih di nyu nan lac dom boh sang song yaok menuac urang jeng thau jang bruk ngak di drei dalam pacang caga jit. Ka 2 lac jeng hu rilo bruk dong yau var lasei anit ranam atau dom var lisei 0 đồng. Yaok rahra jeng thau jang ka bruk ngak di drei dalam  pacang caga Covid, dong hu ka karja dalam bruk ieu pataom dom pren khang piah dong ka dom labik brei dok karei jang yau dom  bilai, dom labik pacang veik.

Ong Phạm Minh Tấn, Phaok  Bí thư thường trực Tỉnh Ủy Đắk Lắk tong yaom, Mặt trận negar dom pakat tỉnh Đắk Lắk patagok hu siam bruk ieu pataom bhap bini hu mbaok tame pacang caga jit Covid-19 dalam tỉnh. Tapa mặt trận, tal urak ni, tỉnh hu taduan meng dom jabat, kapul nyaom, doanh nghiệp, urang ngak pahla yaom jien abih tih labaih 34 tỷ 500 ribau đồng; 10.000 kadung  an sinh, 200.000 bộ kit dut iek samar Covid-19 song rilo pandap  y tế piah duh ka bruk pacang caga jit covid-19. Mặt trận negar dom pakat jeng hu jak ba song ba yapk rituh tấn padai brah, pandap mbang piah dong ka bhap bini di dom bhum njauk pacang veik song dong ka dom kapul pacang caga jit.

Mặt trận negar hu peih ngak biak siam bruk ni, meng dom jalan eu pataom rik dong pandap panda piah dong ka bhap bini gaok kan kandah . Tỉnh ủy, karja dom pakat, pakat ủy đảng song abih gah chính trị jeng mboh bruk ngak hu biak prong di Mặt trận negar dalam tuk vak meng bloh. Kol drei jia lac patagok pren khang jum pataom bangsa, tantu kol drei meda jhul kadun likuh jit prong Covid-19.

Patagok labik dang tabiak ieu pataom, jum pataom bhap bini, Mặt trận negar dom pakat tỉnh Đắk Lắk dok kham merat pambuak song karja, iek glang, dong ka rahra. Bruk sa hatung hatain haong gauk, jum pataom gauk song hatai thau ka bruk ngak di drei di yaok menuac urang dalam bhap bini meda ngak jeng pren khang piah ba gauk pacang cakak, jhul kadun likuh jit ruak, samar ba rai duik hu mai veik siam mekre./.

Urang lang: Hanipha -1/12