Kapul dam dara ban sit Buôn Hồ, hu tong yaom lac sa dalam dom cơ sở đoàn ngak bruk hu siam lagaih rilo thun gam di tỉnh Đak Lak. Min piah hu jak jeng yau ni, takik thei thau lac urang dang akaok thị đoàn. Saai H Thúy Mlô njauk gaok oh takik kan kandah, saai H Thúy Mlô brei thau, camereip tuk taduan bruk ngak, rilo urang mboh suh sah ka sa-ai, kayua mboh saai dok ranaih song lac urang bangsa takik nan ye bruk ieu patom dam dara gaok rilo tavak tavaiy. Thau hu hatai sahaneng yau nan, saai kham merat pambuak song Ban chấp hành đoàn cơ sở, peih ngak rilo bruk kein laba piah ieu patom dam dara hu mbaok tame dom bruk yau: “Dam dara ba akaok nao dahlau dalam bruk patagok KTXH song khik caga palei negar” , “ Nao gam haong dam dara padang mbang ngui ”… Meng nan, bruk Đoàn di ban sit Buôn Hồ tagok khang song mek hu rilo siam mekre. Dalam 5 thun, Kapul dam dara ban sit ngak hu 15 mblang bóng chuyền, 7 mblang dit blong sit, padang 37 baoh jaman ka dom boh sang sarak karja, urang metui medar, kuac raok krong ribong, rik pren tame ngak pasiam song padang ngak yaok pluh km jalan mbak. Peih hu 70 mô hình dam dara ngak KT, dalam nan hu 20 mô hình dam dara ngka KT joi, ba jien tame hu meng 150 tal 200 triệu đồng sa thun. Saai H Thúy Mlô khan lac:

Tuk bahrau ngak ye ilamu di drei ka bruk di đoàn oh hu rilo nan ye bruk ieu patom, dui pachreih urang đòan, dam dara tame bruk đoàn oh ka lagaih. Daok ngan song rup drei, jeng gaok tavak tavaiy haong bruk sang danaok, kayua urang Ê Đê tui darah gah amaik nan ye bruk ngak dalam sang drei ndua naong abih, gam kuhria bruk sang gam kuhria bruk XH, nan ye rup drei mboh rilo kan kandah. Min drei kham merat ramik ramik bruk hit di sang song bruk XH

Dok ngan song saai H’Bé Kuan, bangsa M’nông, bí thư chi đoàn buôn Bhôh, xã Yang Tao, huyện Lắc, oh lac gaok kan kandah dalam bruk ngak, bo daok gaok bruk lac sang sa-ai oh brei ngak, kayua ngak bruk kapul nyaom, bruk rilo, jien takik. Rilo mbang sang saai pandar sa-ai padeih bruk kapul nyaom min kayua takre bruk, sa-ai kham merat langyah brei gauk gar dalam sang thau ka bruk ngak siam mekre di drei. Oh kadun likuh anak kan kandah, H Bé ngak siam hu bruk di sang song bruk XH, ba chi đoàn palei Bhôh jeng chi đoàn khang kajap, hadah krah dalam huyện Lak, saai H Bé sahaneng lac: urang dang akaok dam dara njauk taduan gaok song kham merat yam tapa kan kandah , brei thau cambaih urang đoàn di drei.
Drei taduan ngak ye brei ngak oh meda klak bruk hu, drei thau rami ramik bruk sang haong bruk di karja. Khin dui ba hu drei brei duah thau, taom gaok yaok sa urang, klah rabha song urang, thau hatai di urang, thau cong khin song hatai sahaneng di urang piah drei klah rabha, ngak ayuh song urang.

H Thúy song saai H Bé lac 2 dalam rilo urang kamei urang jakar đoàn brei mboh labik dang di urang jakar đoàn hadah krah, sami samar, hu rilo sáng kiến ieu patom đoàn viên dam dara, patagok bruk đoàn. Saai Y Nhuân Byă, Bí thư Tỉnh Đoàn Đắc Lắc brei thau, dalam tỉnh urak ni hu 138 urang jakar đoàn meng pakat xã tagok, dalam nan hu 40 urang jakar đoàn lac kamei, rilo meng lac urang bangsa takik. Rilo saai sami samar, jak ba urang đoàn hu mbaok tame bruk ngak di puk palei drei, meng nan dui pachreih hu rilo urang đoàn dam dara halan hatain hu mbaok tame. Saai Y Nhuân Byă lac

Urang jakar đoàn lac kamei song trưởng thành tapa bruk ngak di đoàn, rilo saai caik rilo tukvak, klaak meneing bruk sang, abih drei ka bruk ngak. Ngak urang jakar đoàn njauk nao tuk melam, ngak bruk harei car, harei adit. Min rilo ayuh jeng hu rilo kham merat ngak siam bruk hu jao brei.

Meng sami samar hatung hatian di umo ranaih, dom urang kumei jakar đoàn bangsa takik di tỉnh Đak Lak oh huac kan kandah, gam ngak siam bruk di urang kamei dalam sang, gam kham merat buh pren yava ka bruk đoàn, dong ka bruk đoàn di cơ sở dalam tỉnh dak harei dak tagok, mek hu siam lagaih./.